Kronika I, 21:30 - BAIBLO ALOO NGMAMI KLƆUKLƆU Ɔ

³⁰ Se David nyɛ we nɛ e ya bi Mawu ga womi ngɛ lejɛ ɔ, ejakaa e ngɛ Yawɛ bɔfo ɔ klaate ɔ gbeye yee.

Kronika I, 21:30 ပူးပေါင်းရင်းမြစ်များ

Kpojemi 15:4

Nyɔmtsɛ, nihi tsuo maa wo o hɛ mi nyami! Nihi tsuo ma de ke o kle; ejakaa mo pɛ ji nɔ klɔuklɔu. Nihi tsuo nɛ ngɛ je ɔ mi ɔ maa ba nɛ a ma ba ja mo; ejakaa dami sane nɛ o ngɛ yee ɔ, nɔ tsuaa nɔ na paa!”

Kpojemi 1:17

Benɛ i na lɛ ɔ, i nɔ si ngɛ e nane nya kaa nɔ gbogboe. Se e ngɔ e hiɔ nine ngɔ fɔ ye nɔ, nɛ e de mi ke, “Koo ye gbeye! Imi ji kekleekle no kɛ nyagbe no.

Yeremia 10:7

Mo, je ma amɛ tsuo a matsɛ ɔ, mɛnɔ lɛ be mo gbeye yee? O sa bu. Je ma amɛ tsuo a kpɛti ɔ, nɔ ko be nɛ kɛ mo sɔ, a ní leli ɔmɛ jio, a matsɛmɛ ɔmɛ jio.

Yeremia 5:22

Imi ji Yawɛ; mɛni he je lɛ nyɛ yi mi gbeye? Mɛni he je nyɛ he dui blibliibli ngɛ ye hɛ mi? Imi lɛ i ngɔ zia kɛ wo huzu ha wo, huzu nɛ ngɛ daa kɛ daa, nɛ wo be nyɛe maa hane ligbi ko ligbi ko. Ke wo gli kaa mɛni, e be nyɛe maa hane huzu nɛ ɔ. Ke oslɔkehi ngɛ kue nɛ wo ɔ pee hamahama kaa mɛni, e be nyɛe maa be huzu nɛ ɔ he gblegbleegble.

La 119:120

O he sawale nu mi, nɛ ye he ngɛ doe blibliibli; ejakaa o kojomi ɔmɛ ngɛ gbeye.

La 90:11

Mɛnɔ lɛ le bɔ nɛ o mi mi fumi ɔ nya wa ha? Bɔ nɛ o he ngɛ gbeye ɔ, ja lɛ o mi mi fumi ɔ ngɛ.

Hiob 23:15

Ke i susu ní nɛ ɔmɛ a he ɔ, i yeɔ Mawu gbeye, nɛ ye he doɔ blibliibli ngɛ e hɛ mi.

Hiob 21:6

Nɔ́ nɛ ba ye nɔ nɛ ɔ, ke i susu he ɔ, ye he mi poɔ, nɛ ye nɔmlɔ tso ɔ doɔ blibliibli.

Hiob 13:21

Kpa ye tue gblami, kɛ ye he gbeye womi.

Kronika I, 21:16

David na Yawɛ bɔfo ɔ nɛ daa si ngɛ hiɔwe kɛ zugba a kpɛti. E hɛɛ e klaate ɔ ngɛ e dɛ mi, nɛ e miɔ nɛ e ma kpata Yerusalem hɛ mi. Kɛkɛ nɛ David kɛ ma nimeli ɔmɛ tsuo kpla si, nɛ a ngɔ a hɛ mi ngɔ bu si. Mɛ tsuo a bu kpekpe.

Kronika I, 13:12

David ye Mawu gbeye jamɛ a ligbi ɔ, nɛ e bi ke, “Lɛɛ kɛ ma pee kɛ ngɔ somi daka a kɛ ya we mi kɛɛ?”

Samuel II, 6:9

David ye Yawɛ gbeye jamɛ a ligbi ɔ, nɛ e bi ke, “Lɛɛ kɛ ma pee kɛ ngɔ somi daka a kɛ ya we mi kɛɛ?”

Mose V, 10:12

“Jehanɛ, Israel bi, nyɛɛ bu nɔ́ nɛ Yawɛ, nyɛ Mawu ɔ ngɛ hlae kaa nyɛɛ pee ɔ tue. Nyɛ ja Yawɛ, nyɛ Mawu ɔ, nɛ nyɛɛ ye e mlaa amɛ tsuo a nɔ pɛpɛɛpɛ. Nyɛɛ suɔ lɛ, nɛ nyɛ sɔmɔ lɛ kɛ nyɛ tsui tsuo, kɛ nyɛ klaa tsuo.

Kronika I, 21:29

Yawɛ kpe he bo tsu ɔ nɛ Mose pee ngɛ nga a nɔ ɔ, kɛ bɔ sami la tɛ ɔ ngɛ jami he ɔ ngɛ Gibeon jamɛ be ɔ mi kɛ mwɔɔ.

Kronika I, 22:1

Kɛkɛ nɛ David de ke, “Hiɛmɛ nɛ ɔ nɛ Yawɛ Mawu we ɔ, kɛ bɔ sami la tɛ ɔ nɛ Israel ma a maa sã sami bɔhi ngɛ nɔ ɔ maa hi ɔ nɛ.”