Kronika I, 21:27 - BAIBLO ALOO NGMAMI KLƆUKLƆU Ɔ

²⁷ Enɛ ɔ se ɔ, Yawɛ fa e bɔfo ɔ ke e ngɔ e klaate ɔ kɛ wo kpo ɔ mi; nɛ e pee ja.

Kronika I, 21:27 ပူးပေါင်းရင်းမြစ်များ

Hebribi 1:14

Mawu bɔfo ɔmɛ ɔ, mɛni ji a ní tsumi mɔ? Mumihi ji mɛ, nɛ a sɔmɔɔ Mawu. Ke Mawu ma he nɔ ko yi wami ɔ, mɛ lɛ Mawu tsɔɔ.

Yohane 18:11

Yesu de Petro ke, “Ngɔɔ o klaate ɔ kɛ wo e kpo ɔ mi. Amanehlu kplu nɛ Tsaatsɛ to kaa ma nu ɔ, ma ko nu lo?”

Mateo 26:52

Yesu de lɛ ke, “Ngɔɔ o klaate ɔ ngɔ to e to he; ejakaa nihi tsuo nɛ hiaa klaate ɔ, a kɛ klaate ma kpata a hɛ mi.

Ezekiel 21:30

“Nyɛ ke, ‘Kpale klaate ɔ se kɛ wo e kpo ɔ mi! Dɛbi! He nɛ a bɔ nyɛ ade ngɛ, zugba nɔ he nɛ a fɔ nyɛ ngɛ ɔ, lejɛ ɔ ma gbla nyɛ tue ngɛ.

Yeremia 47:6

Ngmlaa je nyɛ nya nɛ nyɛ bi ke, ‘Yawɛ klaate, mɛni be o ma kpa ní tsumi? Yaa sɛ o kpo ɔ mi, nɛ o jɔɔ o he, nɛ o pee dii!’

La 103:20

Nyɛ, Yawɛ Mawu bɔfohi, nyɛ katsɛmɛ nɛ nyɛ buɔ lɛ, nɛ nyɛ yaa tsɔmi ha lɛ; nyɛ je Yawɛ yi!

Kronika I, 21:20

Arauna kɛ e binyumu eywiɛ ɔmɛ ngɛ ngma mi sae ngɛ ngma mi sami he ɔ jamɛ a be ɔ. Benɛ a na Yawɛ bɔfo ɔ, Arauna bimɛ ɔmɛ tu fo ya laa a he, se Arauna nitsɛ lɛɛ e ya nɔ nɛ e sa ngma a mi.

Kronika I, 21:12

Hwɔ nɛ ba o zugba a nɔ jeha etɛ? Aloo o hi fo tue ngɛ o he nyɛli ɔmɛ a tabo ɔmɛ a nya hlami etɛ? Aloo Yawɛ nɛ ngɔ e klaate ɔ kɛ fia mo ní, nɛ e tsɔ e bɔfo ɔ nɛ e kɛ gbenɔ hiɔ nɛ ba Israel zugba a nɔ tsuo ligbi etɛ? Mɛni heto ma ngɔ kɛ ya ha nɔ nɛ tsɔ mi ɔ?”

Samuel II, 24:16

Benɛ Mawu bɔfo ɔ maa ho Yerusalem hɛ mi kpatami ya a, Yawɛ tsake e yi mi nɛ e to kaa e maa gbla ni ɔmɛ a tue ɔ, nɛ e de bɔfo ɔ nɛ ngɛ ma a hɛ mi kpatae ɔ ke, “E hiɛ. Mo kpa!” Jamɛ a be ɔ, Yawɛ bɔfo ɔ ngɛ Yebus no, Arauna ngma gbeemi he ɔ kasa nya.

Kronika I, 21:26

E ma bɔ sami la tɛ kɛ ha Yawɛ ngɛ lejɛ ɔ, nɛ e sã sami bɔhi, kɛ tue mi jɔmi bɔhi. E fa kue ha Yawɛ, nɛ Yawɛ bu e kue fami ɔ tue. Yawɛ ha nɛ la je hiɔwe ba sã ní ɔmɛ ngɛ bɔ sami la tɛ ɔ nɔ.

Kronika I, 21:28

Jamɛ a be ɔ mi ɔ, David na faii kaa Yawɛ bu kue nɛ e fa ha lɛ ɔ tue; lɔ ɔ he ɔ, e sã bɔhi ha lɛ ngɛ bɔ sami la tɛ ɔ nɔ ngɛ Arauna ngma mi sami he ɔ.