Kronika I, 21:24 - BAIBLO ALOO NGMAMI KLƆUKLƆU Ɔ

²⁴ Se matsɛ ɔ de Arauna ke, “Dɛbi, ma wo mo hiɔ sisiisi. I be níhi ngɔe ngɛ o dɛ gu kɛ ha Yawɛ. Jehanɛ se hu, i kɛ níhi nɛ i ná yaka be sami bɔ sãe ha Yawɛ, ye Mawu ɔ.”

Kronika I, 21:24 ပူးပေါင်းရင်းမြစ်များ

Mose I, 23:13

nɛ e kɛ Efron tu munyu, nɛ nɔ tsuaa nɔ nɛ ngɛ lejɛ ɔ nu ke, “I kpa mo pɛɛ nɛ o bu mi tue. Nɔ́ nɛ o de ɔ, i ngɔɛ. Ha nɛ ma wo mo zugba a he hiɔ, konɛ ma pu ye yo ɔ ngɛ lejɛ ɔ. O nɛ, sika a ji nɛ ɔ nɛ.”

Mose I, 14:23

kaa i be o nɔ́ ko nɔ́ ko ngɔe, kpa jio, tokota nya fimi nɔ́ jio; konɛ o ko ba de hwɔɔ se ko ke, ‘Imi lɛ i pee Abram niatsɛ.’

Romabi 12:17

Nyɛ ko pee nɔ ko yayami kɛ to yayami nane mi. Nyɛ ha nihi tsuo nɛ a na kaa nyɛ ngɛ nɔ́ nɛ da pee.

Samuel II, 24:24

Se matsɛ ɔ de Arauna ke, “Dɛbi, ma wo mo hiɔ; i kɛ níhi nɛ i na yaka be sami bɔ sãe ha Yawɛ, ye Mawu ɔ!” Kɛkɛ nɛ David ngɔ sika hiɔ yi nyingmi enuɔ kɛ he ngma gbeemi he ɔ, kɛ na amɛ.

Kronika I, 21:23

Arauna de David ke, “Nɛnɛ, ngɔɔ nɛ o kɛ pee nɔ́ tsuaa nɔ́ nɛ o suɔ. Nahi nɛ o kɛ maa sã sami bɔ ɔ ji nɛ ɔmɛ nɛ. Jehanɛ, tsohi nɛ a saa ngma mi ngɛ a nɔ ɔ ji nɛ ɔmɛ, nɛ o kɛ pee lɛ́. Ngma hu ji nɛ ɔ nɛ o kɛ pee niye ní bɔ. I ngɔ ní nɛ ɔmɛ tsuo kɛ ke mo.”

Kronika I, 21:25

Lɔ ɔ he ɔ, David ngɔ sika tsu yi lafa ekpa kɛ he ngma mi sami he ɔ.

Mose I, 23:9

konɛ e ngɔ Makpela tɛ puɔ ɔ nɛ ngɛ e zugba a nya a kɛ ha mi. Nyɛ de lɛ nɛ e jua zugba a kɛ ha mi sisiisi ngɛ nyɛ hɛ mi ngɛ hiɛmɛ nɛ ɔ, konɛ ma he nɛ ma kɛ pee gɔ.”