Kronika I, 21:23 - BAIBLO ALOO NGMAMI KLƆUKLƆU Ɔ

²³ Arauna de David ke, “Nɛnɛ, ngɔɔ nɛ o kɛ pee nɔ́ tsuaa nɔ́ nɛ o suɔ. Nahi nɛ o kɛ maa sã sami bɔ ɔ ji nɛ ɔmɛ nɛ. Jehanɛ, tsohi nɛ a saa ngma mi ngɛ a nɔ ɔ ji nɛ ɔmɛ, nɛ o kɛ pee lɛ́. Ngma hu ji nɛ ɔ nɛ o kɛ pee niye ní bɔ. I ngɔ ní nɛ ɔmɛ tsuo kɛ ke mo.”

Kronika I, 21:23 ပူးပေါင်းရင်းမြစ်များ

Samuel I, 6:14

Tlɔɔke ɔ ba su Bet Shemesh no ɔ nɛ a tsɛɛ lɛ Yoshua a ngmɔ si; nɛ e da si ngɛ tɛ sa agbo ko kasa nya. Kɛkɛ nɛ ni ɔmɛ kplɔ tlɔɔke ɔ he tso ɔ, nɛ a kɛ na amɛ sã sami bɔ ha Yawɛ.

Yeremia 32:8

Nɛ kaa bɔ nɛ Yawɛ de mi ɔ, Hanamel ba ye ngɔ ngɛ kue ɔ mi nɛ e ba de mi ke ma he e zugba a nɛ ngɛ Anatot ngɛ Benyamin zugba a mi ɔ. Hanamel de mi ke imi lɛ i ngɛ he blɔ nɛ i kpɔɔ zugba a kɛ peeɔ ye weto ní, lɔ ɔ he ɔ, ma he zugba a. Kɛkɛ nɛ i na kaa Yawɛ kɛ mi tu munyu niinɛ.

Matsɛmɛ I, 19:21

Elisha kpale e se kɛ ho e na blablɛ ɔmɛ a he ya, nɛ e ya gbe mɛ, nɛ e ngɔ tso nɛ a kɛ fi na amɛ kɛ bla a ngɔ pee lɛ́, nɛ e kɛ hoo lo ɔ. E ngɔ lo ɔ ngɔ ha ni ɔmɛ nɛ a ye. Lɔ ɔ se ɔ, e ho nɛ e ya nyɛɛ Eliya se, nɛ e sɔmɔ lɛ.

Kronika I, 21:22

David de lɛ ke, “Moo jua o ngma mi sami he ɔ ha mi nɛ ma ma bɔ sami la tɛ ngɛ nɔ kɛ ha Yawɛ konɛ gbenɔ hiɔ ɔ se nɛ po. Ma wo mo hiɔ sisiisi.”

Kronika I, 21:24

Se matsɛ ɔ de Arauna ke, “Dɛbi, ma wo mo hiɔ sisiisi. I be níhi ngɔe ngɛ o dɛ gu kɛ ha Yawɛ. Jehanɛ se hu, i kɛ níhi nɛ i ná yaka be sami bɔ sãe ha Yawɛ, ye Mawu ɔ.”