Kronika I, 21:17 - BAIBLO ALOO NGMAMI KLƆUKLƆU Ɔ

¹⁷ David sɔle ke, “Mawu lee, imi lɛ i pee yayami ɔ nɛ; imi lɛ i tɔ̃. Imi ji nɔ nɛ fa ke a kane ma a nɛ. Nimli nɛ ɔmɛ nɛ a ngɛ kaa jijɔhi ɔ lɛɛ mɛni a pee? Yawɛ, ye Mawu, i kpa mo pɛɛ nɛ o gbla i kɛ ye tsɛ we ɔ kɛkɛ wa tue; o ma a lɛɛ ha nɛ a ye a he.”

Kronika I, 21:17 ပူးပေါင်းရင်းမြစ်များ

Ezekiel 16:63

Ma ngɔ o he yayami ɔmɛ tsuo kɛ pa mo; se kɛ̃ ɔ, o ma kai yayami ɔmɛ, nɛ zo maa gbe mo kpɔtɔɔ. Ma ngɔ tɔmi ɔmɛ tsuo kɛ pa mo, nɛ e maa pee mo nyakpɛ; o be nyɛe maa pa o nya mi tete po ngɛ zo ní nɛ o tsu ɔ he.” Nyɔmtsɛ Yawɛ lɛ de.

1 Yohane 3:16

Kristo ngɔ e wami ngɔ ha ngɛ wa he. Kɛ gu enɛ ɔ nɔ ɔ, wa na bɔ nɛ suɔmi tsuɔ ní ha. Lɔ ɔ he ɔ, e sa kaa wɔ hu waa ngɔ wa wami ngɔ ha ngɛ wa nyɛmimɛ a he.

Romabi 9:3

ngɛ ye nyɛmimɛ ɔmɛ a he. Ye weku li ji mɛ ngɛ he lo nya, nɛ i ko suɔ kaa ngɛ mɛɛ a he ɔ, a bu mi musutsɛ, nɛ a po mi kɛ je Kristo he.

La 74:1

Mawu, mɛni he je lɛ o hɛ wɔ ngɔ fɔ he ɔ? Anɛ o mi mi ma fu mo nitsɛ o ma a daa kikɛ nɛ ɔ lo?

La 51:14

Mawu, koo bu mi fɔ kaa muɔ si puelɔ, konɛ ma la kɛ bua jɔmi kɛ je o yi.

La 51:4

Mo, o nɔ nɛ i tɔ̃, mo pɛ nɛ i pee yayami nɛ ɔ kɛ si. Lɔ ɔ he ɔ, fɔ nɛ o bu mi ɔ, e sa mi. Piami ko piami ko be o he.

La 44:11

O ngɔ wɔ ngɔ ha kaa tohi nɛ a yaa gbe. O gbɛ wɔ ngɔ fĩa je ma amɛ a mi.

Kronika I, 21:8

David de Mawu ke, “I pee yayami agbo kaa i tsu kikɛmɛ a ní nɛ ɔ. I kpa mo pɛɛ nɛ o ngɔ kɛ pa mi. I je kuasia.”

Matsɛmɛ I, 22:17

Mikaya he nɔ ke, “I na Israel tabo ɔ tsuo nɛ a gbɛ fĩa ngɛ yoku ɔmɛ a nɔ kaa tohi nɛ be hyɛlɔ. Nɛ Yawɛ de ke, ‘Nimli nɛ ɔmɛ be tsɛ; ha nɛ a kpale kɛ ho a wehi a mi ya ngɛ tue mi jɔmi mi.’ ”

Samuel II, 24:17

David na bɔfo ɔ nɛ ngɛ ma a nɔ́ fiae, nɛ e de Yawɛ ke, “O nɛ, imi lɛ i pee yayami ɔ nɛ; imi lɛ i tɔ̃. Nimli nɛ ɔmɛ nɛ a ngɛ kpoo kaa jijɔ ɔ, mɛɛ lɛɛ mɛni a pee? I kpa mo pɛɛ nɛ o gbla i kɛ ye weku li kɛkɛ wa tue.”

Samuel II, 24:1

Yawɛ mi mi fu Israel ekohu, nɛ e ha David kɛ haomi ba ma a nɔ. Yawɛ de lɛ ke, “Yaa nɛ o ya kane Israel kɛ Yuda!”

Samuel II, 12:10

Lɔ ɔ he ɔ, akɛnɛ o bui mi, nɛ o ya ngɔ Uria yo ɔ kɛ ba pee o yo he je ɔ, klaate nya gbenɔ fɔɔ si ha o weku kɛ nina kɛ yaa neneene.’

Samuel II, 7:8

“Lɔ ɔ he ɔ, mo de ye tsɔlɔ David ke, imi Yawɛ Tabohiatsɛ ɔ, i ngɛ lɛ dee ke, ‘Imi nɛ i ya ngɔ mo kɛ je lohwe lɛmi he, kɛ je tohi a se, konɛ o ba ye ganɔ ngɛ ye ma, Israel nɔ.

Yoshua 22:18

Mwɔnɛ nɛ ɔ, nyɛ ma kua Yawɛ, nɛ nyɛ be lɛ sɔmɔe hu lo? Ke nyɛ kua Yawɛ mwɔnɛ ɔ, Yawɛ ma na Israel ma kpekpemi ɔ tsuo he abofu hwɔɔ!

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Mose I, 44:33

Enɛ ɔ he je ɔ, ye nyɔmtsɛ, ma hi hiɛmɛ nɛ ɔ kaa o nyɔguɛ ngɛ niheyo wayo ɔ nane mi; ha nɛ e kɛ e nyɛmimɛ ɔmɛ nɛ a kpale kɛ ho.

Yona 1:12

Yona he nɔ ke, “Nyɛ sake mi ngɔ fɔ wo ɔ mi, kɛkɛ wo ɔ he maa jɔ ha nyɛ; ejakaa i le kaa ye tɔmi he nɛ wo kɔɔhiɔ nɛ nya wa nɛ ɔ ngɛ nyɛ haoe ɔ nɛ.”