Kronika I, 21:13 - BAIBLO ALOO NGMAMI KLƆUKLƆU Ɔ

¹³ David de Gad ke, “Sane nɛ ɔ he wa ha mi wawɛɛ nitsɛ! Se kɛ̃ ɔ, i be suɔe nɛ nimli adesahi nɛ a gbla ye tue. Ha nɛ Yawɛ nitsɛ nɛ gbla ye tue, ejakaa e mɔbɔ nami ɔ hiɛ babauu.”

Kronika I, 21:13 ပူးပေါင်းရင်းမြစ်များ

La 130:7

Israel, ngɔɔ o hɛ kɛ fɔ Yawɛ nɔ, ejakaa Yawɛ suɔmi ɔ be nyagbe; lɛ nɛ e heɔ wa yi wami.

Hebribi 10:31

Nɔ nɛ Mawu hɛ kalɔ ɔ nine maa gbe lɛ ɔ, musu tloo lɛ!

Filipibi 1:23

Nɔ́ enyɔ nɛ ɔmɛ a kpɛti i ngɛ. Imi nitsɛ lɛɛ i suɔ kaa ma si wami nɛ ɔ, nɛ i kɛ Kristo ya hi si, ejakaa lɔ ɔ hi kulaa pe.

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

Yohane 12:27

Yesu de ke, “Jehanɛ lɛɛ ye mumi ngɛ haoe ngɛ ye mi, nɛ i li nɔ nɛ ma de. Anɛ ma de Tsaatsɛ nɛ e tsi amanehlu nɛ ɔ nya nɛ e ko ba ye nɔ lo? Dɛbi! Lɔ ɔ nɔuu he nɛ i ba, konɛ ma ba gblee be nɛ ɔ kɛ e mi nɔ́ nami kpetekpleenyɛ ɔ mi.

Yesaya 63:7

Ma gba Yawɛ suɔmi nɛ ngɛ daa a he sane. Ní kpakpahi tsuo nɛ e ha wɔ ɔ he ɔ, ma je e yi. E gbaa Israel ma a babauu; ejakaa Yawɛ mɔbɔ nami, kɛ e suɔmi be nyagbe.

Yesaya 47:6

Ye ma a wo ye mi mi la; lɔ ɔ he ɔ, i bui mɛ kaa ye ma hu. I ngɔ mɛ ngɔ wo o sisi, nɛ o nɛ́ mɛ mɔbɔ ko kulaa; nihi nɛ bwɔ po, o wa mɛ yi mi wawɛɛ nitsɛ.

Yesaya 46:7

A ngɔɔ amaga a ngɔ fɔɔ a konɔ; a kɛ ya maa si ngɛ he ko, nɛ e nyɛ we nɛ e mimiɛɔ e he po kɛ je he nɛ e maa si ngɛ ɔ! Ke nɔ ko fa kue ha lɛ ɔ, e nyɛ we nɛ e haa lɛ heto, nɛ e nyɛ we nɛ e jeɔ nɔ ɔ kɛ jeɔ haomi mi hulɔ.

Abɛ Womi 12:10

Nɔmlɔ kpakpa hyɛɛ e lohwehi a nɔ saminya. Se nimli yayamihi lɛɛ mɔbɔ nɛ a naa a lohwehi po, yi mi wami sɔuu.

La 130:4

Se o ngɔɔ yayami kɛ paa, konɛ a ye mo gbeye.

La 106:7

Nyakpɛ níhi nɛ Hiɔwe No ɔ pee ngɛ Egipt ɔ, wa nɛmɛ ɔmɛ nui sisi. Suɔmi babauu nɛ e je kpo kɛ tsɔɔ mɛ ɔ, a kaii we. Mohu ɔ, a te si wo lɛ ngɛ Wo Tsu ɔ nya.

La 103:8

Yawɛ naa mɔbɔ; e mi mi hi. E muklii mi fu we mla, se e mɔbɔ nami ɔ mohu hiɛ babauu.

La 86:15

Se mo Nyɔmtsɛ ɔ, Mawu mɔbɔ nalɔ, kɛ Mawu nɛ suɔ nɔ ji mo. O toɔ o tsui si ha wɔ; o dlooɔ nɔ, nɛ o yeɔ nɔ anɔkuale daa.

La 86:5

Nyɔmtsɛ, o hi, nɛ o kɛ yayami paa nɔ. Nɔ tsuaa nɔ nɛ faa kue kɛ haa mo ɔ, o naa lɛ mɔbɔ.

La 69:16

Yawɛ, he mi nɔ koo; ejakaa o suɔmi nɛ ngɛ daa a hi saminya; o mɔbɔ nami nɛ hiɛ babauu ɔ he ɔ, mo plɛ nɛ o hyɛ mi.

La 69:13

Yawɛ Mawu, imi lɛɛ pɛɛ i ngɛ mo kpae; be nɛ sa o hɛ mi ɔ, he mi nɔ ngɛ o suɔmi babauu nɛ be nyagbe ɔ he.

La 5:7

Se imi lɛɛ, o mɔbɔ nami, kɛ o dloomi ɔ he je ɔ, ma nyɛ ma ba o we klɔuklɔu ɔ; ma ja mo ngɛ lejɛ ɔ kɛ gbeye yemi.

Ester 4:16

“Yaa bua Yuda bi ɔmɛ tsuo nɛ ngɛ Susa ma a mi ɔ a nya, nɛ nyɛɛ ha hwɔ ha mi. Nyɛ ko ye ní, nɛ nyɛ ko nu nyu hulɔ nyɔ kɛ pia ligbi etɛ. Imi nitsɛ, kɛ ye mawa amɛ hu wa maa pee ja. Lɔ ɔ se ɔ, ma ya matsɛ ɔ ngɔ. E ngɛ mi kaa mlaa a nya a, i be jamɛ a he blɔ ɔ lɛɛ, se ke e hia kaa ma gbo ngɛ enɛ ɔ mi ɔ, ma gbo.”

Ester 4:11

“Ke nɔ ko, nyumu jio, yo jio ba na matsɛ ɔ ngɛ kue ɔ nɛ ngɛ we ɔ kpɛti ɔ mi, nɛ pi kaa a tsɛ lɛ ke e ba a, jamɛ a nɔ ɔ, a maa gbe lɛ. Bɔ nɛ mlaa a ngɛ ji nɛ ɔ nɛ. Nɔ tsuaa nɔ, kɛ je matsɛ ɔ ga woli ɔmɛ a nɔ kɛ ya si ni ɔmɛ nɛ a ngɛ nɔ yemi he ɔmɛ tsuo le nɔ́ nɛ ɔ. Ja matsɛ ɔ wo e matsɛ tso nɛ a kɛ sika tsu pee ɔ nɔ kɛ tsɔɔ nɔ ɔ, loko nɔ ɔ yi ma na wami. Kɛ je be nɛ i ya matsɛ ɔ ngɔ ba nɛ ɔ, nyɔhiɔ kake ji nɛ ɔ, nɛ e na we nɛ e tsɛ mi lolo.”

Kronika II, 28:9

Yawɛ gbalɔ ko nɛ a tsɛɛ lɛ Oded ngɛ Samaria jamɛ a be ɔ mi. Benɛ Israel tabo ɔ kpale a se kɛ ma Samaria a, Oded ya kpee mɛ, nɛ e de mɛ ke, “Yawɛ, nyɛ nɛmɛ a Mawu ɔ mi mi fu Yuda, nɛ e ngɔ mɛ ngɔ wo nyɛ dɛ mi. Se nyɛ gbe mɛ basabasa nɛ mɔbɔ nami ko be mi; nɛ Yawɛ nu nɔ́ nɛ ɔ he.

Matsɛmɛ II, 7:4

Ke wa ke wa maa sɛ ma a mi ɔ, hwɔ maa gbe wɔ ngɛ lejɛ ɔ. Ke wa hii si ngɛ hiɛ ɔ hu, wa ma gbo. Lɔ ɔ he ɔ, nyɛ ha nɛ waa je kɛ ho Siria bi ɔmɛ a ma sito he ɔ ya. Ke a he wa yi wami ɔ, wa maa tlɔ je mi; ke a gbe wɔ hu gbenɔ kake ɔ kɛ̃.”

Matsɛmɛ II, 6:15

Makɛ mla a, Mawu nɔmlɔ Elisha tsɔlɔ ɔ te si momo. Benɛ e je kpo ɔ, e na kaa ta buli, okpɔngɔhi, kɛ ta zugba lɛhi bɔle ma a kɛ kpe. Kɛkɛ nɛ e de ke, “Akuanyɛ! Ye nyɔmtsɛ, kɛ wa maa pee kɛɛ?”

Habakuk 3:2

“Yawɛ lee, i nu nɔ́ nɛ o pee ɔ he, nɛ e ha nɛ i ye mo gbeye. Ní nguanguahi nɛ o tsu blema a, mo tsu ekohu wa yi nɔ nɛ ɔ. Ke o mi mi fu po, moo na mɔbɔ.

Mika 7:18

Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.

Yona 4:2

Lɔ ɔ he ɔ, e kɛ hɛdɔ fa kue ha Yawɛ nɛ e de ke, “Yawɛ, benɛ i na we ma je ye zugba a nɔ lokoo ɔ, enɛ ɔ nɛ i na nɛ i de ɔ nɛ. Enɛ ɔ he je nɛ i tu fo kɛ ho Spania ya a nɛ. Ejakaa mo Mawu ɔ, i le kaa o mi mi jɔ, o naa mɔbɔ, o toɔ o tsui si, o suɔmi tsakee we; nɛ o kɛ nɔ he yayami paa nɔ.

Yona 3:9

kaa alini Mawu ma tsake e yi mi tomi; kaa alini Mawu mi mi fumi ɔ nya maa ba si, nɛ wa hɛ mi be kpatae.”

Kɔmɔ Yemi 3:32

Eko ɔ, e ma ha nɛ wa maa ye aywilɛho lɛɛ, se kɛ̃, e maa na wɔ mɔbɔ, ejakaa e suɔmi ɔ kle, nɛ e ngɛ daa.

Yesaya 63:15

Yawɛ, moo hyɛ wɔ kɛ je hiɔwe ngɛ o hi he klɔuklɔu he nɛ hɛ mi nyami bɔle mo ngɛ ɔ. O hɛdɔ, kɛ o he wami kpetekpleenyɛ ɔ, jije e ngɛ? O tsui mi sami, kɛ suɔmi babauu ɔ hu a se po.

La 119:156

Se Yawɛ, mo nɛ o naa mɔbɔ babauu, nɛ o peeɔ nɔ́ nɛ da; mo he ye yi wami.