Kronika I, 21:12 - BAIBLO ALOO NGMAMI KLƆUKLƆU Ɔ

¹² Hwɔ nɛ ba o zugba a nɔ jeha etɛ? Aloo o hi fo tue ngɛ o he nyɛli ɔmɛ a tabo ɔmɛ a nya hlami etɛ? Aloo Yawɛ nɛ ngɔ e klaate ɔ kɛ fia mo ní, nɛ e tsɔ e bɔfo ɔ nɛ e kɛ gbenɔ hiɔ nɛ ba Israel zugba a nɔ tsuo ligbi etɛ? Mɛni heto ma ngɔ kɛ ya ha nɔ nɛ tsɔ mi ɔ?”

Kronika I, 21:12 ပူးပေါင်းရင်းမြစ်များ

Ni Tsumi 12:23

Amlɔ nɔuu ɔ, Nyɔmtsɛ ɔ bɔfo ɔ fia Herode nɔ́. Gɔgɔ ye lɛ, nɛ e gbo; ejakaa e wui Mawu hɛ mi nyami.

Luka 4:25

“Nyɛɛ bu tue! Niinɛ, gbalɔ Eliya be ɔ mi ɔ, yalɔyihi babauu ngɛ Israel. Hiɔmi nɛ́ jeha etɛ kɛ fa sɔuu, nɛ hwɔ nɛ nya wa ba zugba a tsuo nɔ.

Kɔmɔ Yemi 4:9

Nihi nɛ a kɛ klaate gbe mɛ ɔ, a nɔ́ hi kulaa pe nihi nɛ hwɔ gbe mɛ ɔ; sekpɛtsɛmɛ ɔmɛ lɛɛ hwɔ ye mɛ bluu kɛ ya si hwɔ ɔ gbe mɛ kakaaka.

Yeremia 47:6

Ngmlaa je nyɛ nya nɛ nyɛ bi ke, ‘Yawɛ klaate, mɛni be o ma kpa ní tsumi? Yaa sɛ o kpo ɔ mi, nɛ o jɔɔ o he, nɛ o pee dii!’

Yeremia 42:16

lɛɛ ta a nɛ nyɛ ngɛ gbeye yee ɔ ma ba na nyɛ ngɛ lejɛ ɔ; mi mi hwɔ nɛ nyɛ tsui ngɛ poe ngɛ he ɔ, lɔ ɔ hu maa nyɛɛ nyɛ se, nɛ Egipt zugba a nɔ nɔuu nyɛ ma gbo ngɛ.

Yeremia 12:12

Ní hali ba ha ní ngɛ yoku kpataa amɛ tsuo a nɔ. I ha nɛ ta ba kpata zugba a tsuo hɛ mi, nɛ nɔ ko nɔ ko be tue mi jɔmi hu.

Yesaya 66:16

Nihi tsuo nɛ yeɔ fɔ ngɛ je ɔ mi ɔ, Yawɛ maa ngɔ la kɛ klaate kɛ kpata a hɛ mi. Nɛ nihi babauu ma gbo.

La 91:6

Gbenɔ hiɔ nɛ puɛɔ ní ngɛ diblii mi ɔ, o be lɛ gbeye yee. Piani hu o be hiɔ nɛ kpataa nɔ hɛ mi gbeye yee.

Matsɛmɛ II, 19:35

Jamɛ a nyɔ ɔ mi nɔuu ɔ, Yawɛ bɔfo ko ya gbe ta buli akpe lafa kɛ nyingmi kpaanyɔ kɛ enuɔ ngɛ Asiria ta a mi. E nɔ jena makɛ ɔ, ne mɛ nɛ a gbo kɛ pueɔ si.

Matsɛmɛ II, 8:1

Elisha de Shunem yo ɔ nɛ e binyumu ɔ gbo, nɛ lɛ, Elisha a tle lɛ si ɔ ke, “Moo mia nɛ o kɛ o we mi bi ɔmɛ nyɛɛ ho nɛ nyɛ ya to nubwɔ ngɛ he tsuaa he nɛ nyɛ ma na; ejakaa Yawɛ ma ha nɛ hwɔ maa ba zugba a nɔ jeha kpaago.”

Matsɛmɛ I, 17:1

Gbalɔ ko nɛ a tsɛɛ lɛ Eliya, nɛ je Tishbe ngɛ Gilead ɔ de Matsɛ Ahab ke, “Ina Yawɛ, Israel Mawu ɔ nɛ i jaa lɛ ɔ kaa bɔ́, aloo hiɔmi be nɛe ngɛ hiɛmɛ nɛ ɔ jeha enyɔ, loo etɛ kɛ yaa si be nɛ ma tsɔɔ.”

Samuel II, 21:1

David yi nɔ ɔ, hwɔ ba zugba a nɔ jeha etɛ sɔuu. Lɔ ɔ he ɔ, David ya bi Yawɛ ga womi, nɛ Yawɛ de lɛ ke, “Saul kɛ e we ɔ ye fɔ kaa a pue muɔ si; ejakaa Saul gbe Gibeon bi ɔmɛ.”

Mose V, 28:35

Yawɛ ma ha nyɛ maa hia pa yeyee nɛ be tsa ba ngɛ nyɛ nane he. Tslɔɔ maa fuu nyɛ kɛ je nyɛ yi mi kɛ ya si nyɛ nane si.

Mose V, 28:27

Yawɛ ma ha tslɔɔ maa fuu nyɛ kaa bɔ nɛ e pee Egipt bi ɔmɛ ɔ. Nyɛ maa hia pa, nɛ sakpa kɛ ngmo nɛ be tsa ba ma pue nyɛ nɔ.

Mose V, 28:25

“Yawɛ ma ha nyɛ he nyɛli ɔmɛ maa ye nyɛ nɔ. Nyɛ maa gu he kake kɛ ya tua mɛ, se a maa gbɛ nyɛ ngɔ fĩa basaa, nɛ zugba a nɔ matsɛ yemi ɔmɛ tsuo maa ye gbeye ngɛ nɔ́ nɛ ba nyɛ nɔ ɔ he.

Mose V, 28:22

Yawɛ ma ha hiɔ nɛ sãã nɔ kaa gugue hiɔ maa ba; e ma ha nɛ aslã kɛ fuumi hiɔ maa ba. Jehanɛ, nyu hwɔ maa ye, pu maa tso, nɛ je mi maa dɔ la wawɛɛ; kɛkɛ ɔ, nyɛ ngmɔ mi níhi a hɛ mi ma kpata. Haomi nɛ ɔmɛ be tae kɛ yaa si nyɛ gbenɔ be.

Mose V, 28:15

“Se ke nyɛ bui Yawɛ, nyɛ Mawu ɔ gbi tue, nɛ nyɛ yi e fami ɔmɛ, kɛ e mlaa amɛ tsuo nɛ i ngɛ nyɛ woe mwɔnɛ ɔ a nɔ pɛpɛɛpɛ ɔ, gbiɛmi nɛ ɔmɛ tsuo maa ba nyɛ nɔ.

Mose III, 26:17

Ye hɛ maa dɔ kɛ wo nyɛ, nɛ nyɛ he nyɛli ɔmɛ maa fia nyɛ ní nɛ a gbe; a maa ye nyɛ nɔ wawɛɛ, nɛ ke nɔ ko nyɛɛ we nyɛ se po nyɛ maa hi fo nɔ pulɛpulɛ.

Mose III, 26:10

Nyɛ ma kpa ní babauu nɛ́ maa hi si hluu kɛ yaa su ní kpami be ekohu; nyɛ ma je niba ní momo nɛ piɛ ɔ ngɔ pue he, konɛ nyɛ na blɔ ha ehe nɛ nyɛ ma kpa a.

Mose II, 12:23

ejakaa Yawɛ ma ba gu ma a mi kɛ be nɛ e ya gbe Egipt bi ɔmɛ. Se ke e na muɔ ɔ ngɛ sinya tso ɔmɛ a he ɔ, e maa tsɔ sinya a he kɛ be, nɛ e be hae nɛ gbenɔ bɔfo ɔ nɛ ji nɔ hɛ mi kpatalɔ ɔ maa sɛ nyɛ we ɔmɛ a mi nɛ e ba gbe nyɛ.

Kronika I, 21:11

Gad ba David ngɔ nɛ e ba bɔ lɛ amaniɛ, nɛ e bi lɛ ke, “Te nɔ́ nɛ o suɔ nɛɛ?