Kronika I, 20:1 - BAIBLO ALOO NGMAMI KLƆUKLƆU Ɔ

¹ Gbo, be mi nɛ matsɛmɛ ɔmɛ pɔɔ ta gbami ɔ, Yoab ngɔ tabo ɔ tsuo kɛ ya tua Amon zugba a. Jamɛ a be ɔ mi ɔ, Matsɛ David lɛɛ e ngɛ Yerusalem. A ya sa ma a nɛ a tsɛɛ Raba a yi; a tua ma a, nɛ a kpata ma a hɛ mi.

Kronika I, 20:1 ပူးပေါင်းရင်းမြစ်များ

Samuel II, 11:1

Gbo be mi nɛ́ matsɛmɛ pɔɔ ta gbami ɔ, David tsɔ Yoab kɛ e we asafoatsɛmɛ ɔmɛ, kɛ Israel tabo ɔ tsuo kɛ ho nɛ a ya kpata Amon bi ɔmɛ a hɛ mi, nɛ a sa Raba ma a yi. Jamɛ a be ɔ, David nitsɛ lɛɛ e ngɛ Yerusalem.

Samuel II, 17:27

Benɛ David ba su Mahanaim ɔ, Nahash binyumu Shobi nɛ je Amon bi a ma, Raba a, kɛ Amiel bi Makir nɛ je Lodebar a, kɛ Barzilai nɛ je Rogelim ngɛ Gilead ɔ kɛ lɛ ba kpe.

Matsɛmɛ I, 20:22

Pee se ɔ, gbalɔ ɔ ba Matsɛ Ahab ngɔ, nɛ e ba de lɛ ke, “Kpale o se nɛ o ya dla o he saminya, nɛ o hyɛ bɔ nɛ o maa pee ha; ejakaa hwɔɔ se jeha be nɛ ɔ mi ɔ, Siria matsɛ ɔ ma ba tua mo ekohu.”

Matsɛmɛ I, 20:26

Jeha kake se ɔ, e bua Siria bi ɔmɛ a nya, nɛ e kɛ mɛ hia kɛ ba Afek, konɛ e kɛ Israel bi ɔmɛ ba hwu ta.

Matsɛmɛ II, 13:20

Elisha ba gbo, nɛ a pu lɛ. Daa jeha sisije ɔ, Moab ojo fiali baa nɛ a ba tuaa Israel zugba a.

Kronika I, 19:19

Benɛ matsɛmɛ ɔmɛ nɛ ngɛ Hadadezer sɔmɔe ɔ ná le kaa Israel bi ɔmɛ ye a nɔ ɔ, a kɛ David ya kpata, nɛ a sɔmɔ lɛ. Enɛ ɔ he je ɔ, Siria bi ɔmɛ ye gbeye, nɛ a ya ji ngmlaa ha we Amon bi ɔmɛ hu.

Yesaya 54:16

“Imi ji nɔ nɛ bɔ sɔ̃lɔ nɛ huu la mi, nɛ e sɔ̃ɔ̃ ta hwumi níhi. Imi nɔuu ji nɔ nɛ bɔ ta hwulɔ ɔ nɛ ngɔɔ ta hwumi dade kɛ kpataa nɔ hɛ mi.

Yesaya 6:11

I bi ke, “Nyɔmtsɛ, nɔ́ nɛ ɔ maa ya nɔ kɛ yaa si mɛni be?” E he nɔ ke, “Kɛ yaa su be nɛ ma amɛ a hɛ mi ma kpata, nɛ a maa pee ma dokuhi nɛ a be nɔ ko nɔ ko nae ngɛ we ɔmɛ a mi, nɛ zugba a nitsɛ hu nɔ maa je gu.

Ezekiel 21:20

Okadi kake maa tsɔɔ matsɛ ɔ blɔ nɛ yaa Amon bi ɔmɛ a ma nɛ a tsɛɛ Raba a, nɛ kake hu maa tsɔɔ blɔ nɛ yaa Yerusalem, Yuda ma nɛ a fia gbogbo ngɔ wo he ɔ.

Ezekiel 25:5

Raba ma a ma plɛ pee nga nɔ he nɛ afukpɔngɔhi maa ye ní ngɛ. Ma ha Amon bi ɔmɛ a zugba a tsuo ma plɛ pee to lɛmi he. Lɔ ɔ loko nyɛ maa le kaa imi ji Yawɛ.

Amos 1:14

Ma mɛ Raba gbogbo ɔmɛ, kɛ mɔ ɔmɛ a he la. A ma he ose hoo ta hwumi ligbi ɔ, nɛ ta a ma puɛ ní kaa lasiogblee.

Mose V, 3:11

Bashan matsɛ, Og pɛ ji oblaihi nɛ a tsɛɛ mɛ Refaim ɔ a ti nɔ nɛ piɛ. E dade sa tso ngɛ Amon bi ɔmɛ a ma nɛ a tsɛɔ Raba a kɛ mwɔɔ. Sa tso ɔ kami ji gugue enyɔ kɛ nine mi blimi enyɔ, nɛ e blimi ji gugue kake kaa bɔ nɛ níhi a susumi mlaa a ngɛ ɔ.