Kronika I, 2:24 - BAIBLO ALOO NGMAMI KLƆUKLƆU Ɔ

²⁴ Benɛ Hezron gbo ɔ, e binyumu Kaleb ngɔ e tsɛ Hezron yalɔyo ɔ nɛ a tsɛɛ lɛ Efrat ɔ. E kɛ lɛ fɔ binyumu, nɛ a wo lɛ biɛ ke Ashur. Ashur ji nɔ nɛ po Tekoa ma a.

Kronika I, 2:24 ပူးပေါင်းရင်းမြစ်များ

Kronika I, 4:5

Ashur nɛ to Tekoa ma a sisi ɔ ngɛ yihi enyɔ; nɔ kake biɛ ji Hela, nɛ nɔ kake hu biɛ ji Naara.

Amos 1:1

To hyɛlɔ ɔ nɛ a tsɛɛ lɛ Amos, nɛ je Tekoa ma a mi ɔ, e munyuhi ji nɛ ɔmɛ nɛ. Jeha enyɔ loko zugba mimiɛ ɔ, benɛ Uzia ngɛ tsɛ yee ngɛ Yuda zugba a nɔ, nɛ Yehoash bi Yeroboam ngɛ tsɛ yee ngɛ Israel zugba a nɔ ɔ, Mawu je ní nɛ ɔmɛ tsuo ngɔ tsɔɔ Amos ngɛ Israel he.

Kronika I, 2:9

Hezron bimɛ ji Yerameel, Ram, kɛ Kaleb.

Samuel II, 14:2

lɔ ɔ he ɔ, e tsɔ kɛ ho Tekoa ya nɛ a ya ngɔ yo ní lelɔ ko kɛ je lejɛ ɔ kɛ ba. Benɛ yo ɔ ba a, Yoab de lɛ ke, “Mo bu ya bo, nɛ o buá nɛ o pee o ní kaa nɔ nɛ ngɛ ya nyɛe. Mo ko kpa nu, se mohu o pee o ní kaa yo nɛ nɔ gbo lɛ nɛ e ngɛ ya nyɛe ligbi babauu.

Samuel I, 30:14

Wa ya tua Keret bi a zugba a nɛ ngɛ Yuda leneyi je ɔ, kɛ Kaleb bi a zugba a, nɛ wa sã Ziklag ma a.”

Kronika I, 2:23

Se Geshur kɛ Aram ya ngɔ ma nyingmi ekpa ngɛ lejɛ ɔ; Yair kɛ Kenat kɔpe ɔmɛ, kɛ mahi nɛ bɔle mɛ ɔ hu piɛ he. Nihi tsuo nɛ ngɛ lejɛ ɔ, Makir nina ji mɛ. Makir ji nɔ nɛ po Gilead ma a.

Kronika I, 2:25

Yerameel, Hezron bitɛte ɔ ngɛ binyumuhi nɛ a tsɛɛ mɛ Ram, e kekleekle bi ɔ, Buna, Oren, Ozem, kɛ Ahiya.