Kronika I, 2:16 - BAIBLO ALOO NGMAMI KLƆUKLƆU Ɔ

¹⁶ A nyɛmimɛ yihi ji Zeruya, kɛ Abigail. Ishai biyo Zeruya ngɛ binyumuhi etɛ: Abishai, Yoab, kɛ Asahel.

Kronika I, 2:16 ပူးပေါင်းရင်းမြစ်များ

Samuel I, 26:6

David bi Ahimelek, Hit no ɔ, kɛ Yoab nyɛminyumu Abishai, Zeruya binyumu ɔ ke, “Nyɛ ti mɛnɔ kɛ mi maa ya Saul ta a mi?” Abishai he nɔ ke, “I kɛ mo maa ya.”

Samuel II, 19:22

Se David de ke, “Nyɛ Zeruya bimɛ, mɛni sane nɛ ɔ kɔɔ ngɛ nyɛ he, loko nyɛ ngɛ hlae nɛ nyɛɛ doo ye nya mwɔnɛ ligbi nɛ ɔ? Anɛ e sa kaa a gbe nɔ ko ngɛ Israel mwɔnɛ ligbi nɛ ɔ lo? Anɛ i li kaa mwɔnɛ ligbi nɛ ɔ, imi ji matsɛ ngɛ Israel lo?”

Samuel II, 3:39

Imi lɛɛ a pɔ mi nu nɛ a wo mi matsɛ mohu, se mwɔnɛ ligbi nɛ ɔ, i pee kaa nɔ nɛ be he wami. Kikɛmɛ a Zeruya binyumu nɛ ɔmɛ a sane wa pe mi. Yawɛ nɛ wo yayami peelɔ ɔ hiɔ bɔ nɛ sa lɛ!”

Samuel II, 2:13

Zeruya binyumu Yoab kɛ David tsɔli ɔmɛ hu hia kɛ je kpo nɛ a kɛ mɛ ya kpe ngɛ Gibeon taku ɔ nya. Kuu kake bua a he nya ngɛ taku ɔ hɛ mi, nɛ kuu kake hu bua a he nya ngɛ taku ɔ se.

Samuel II, 17:25

Absalom pee Amasa tatsɛ nɔkɔtɔma ngɛ Yoab nane mi. Amasa nɛ ɔ, Israel no ko nɛ a tsɛɛ lɛ Itra a bi ji lɛ. E nyɛ Abigail, nɛ ji Yoab nyɛ Zeruya nyɛmiyo ɔ, Nahash biyo ji lɛ.

Kronika I, 2:17

Abigail gba Yeter nɛ ji Ishmael nina a, nɛ e kɛ lɛ fɔ binyumu nɛ a tsɛɛ lɛ Amasa.

Samuel II, 14:1

Zeruya binyumu Yoab ba yɔse kaa Matsɛ David ngɛ e tsui yee ngɛ Absalom he,

Kronika I, 11:20

Yoab nyɛminyumu Abishai ji “Ni nyingmi etɛ ɔmɛ” a nyatsɛ. Ligbi ko ɔ, e kɛ e we akplɔ ɔ gbe nimli lafa etɛ, nɛ e kɛ na biɛ ngɛ katsɛmɛ “Nyingmi etɛ ɔmɛ” a kpɛti.