Kronika I, 19:7 - BAIBLO ALOO NGMAMI KLƆUKLƆU Ɔ

⁷ Ta zugba lɛ akpe nyingmi etɛ kɛ enyɔ ɔmɛ nɛ a ya bɔ apaa a, kɛ Maaka matsɛ tabo ɔ ba bua a he nya ngɛ Medeba kasa nya. Amon bi ɔmɛ hu je a ma amɛ tsuo a mi kɛ ba, nɛ a mia kɛ ha ta hwumi.

Kronika I, 19:7 ပူးပေါင်းရင်းမြစ်များ

Yoshua 13:9

A zugba a fɔ si kɛ je Aroer, ngɛ Arnon kɔ̃ ɔ nya, kɛ be ma nɛ ngɛ jamɛ a kɔ̃ ɔ mi ɔ he, kɛ muɔ zugba kpataa a nɛ ngɛ Medeba kɛ Dibon a kpɛti ɔ.

Mose IV, 21:30

Se piɔ lɛɛ a kpata a nina hɛ mi kɛ je Heshbon kɛ ya si Dibon tɔɔ, kɛ je Nashim kɛ ya si Nofa, ngɛ Medeba kasa nya.”

Yoshua 13:16

Zugba nɛ ɔ huzu je Aroer pa a nya ngɛ Arnon kɔ̃ ɔ nya, kɛ ma nɛ ngɛ kɔ̃ ɔ kpɛti ɔ, kɛ zugba kpataa a tsuo nɛ bɔle Medeba a.

Yesaya 15:2

Dibon bi ɔmɛ kuɔ yo ɔ, nɛ a ya wo yana ngɛ a jami he ɔmɛ. Moab bi ɔmɛ wo yana kɛ nyɛ ya ha Nebo kɛ Medeba. A sɛ a yi, kɛ a kpɛni tsuo kɛ ye kɔmɔ.

Kronika II, 14:9

Ligbi ko ɔ, Sudan no ko nɛ a tsɛɛ lɛ Zera ba tua Yuda. E kɛ ta buli ayɔ, kɛ ta zugba lɛ lafa etɛ ba tua ma a, nɛ a ba su Maresha tɔɔ.

Kronika I, 18:4

David nuu Hadadezer ta zugba lɛ akpe, okpɔngɔ ta buli akpe kpaago, kɛ ta buli nɛ nyɛɛɔ nane akpe nyingmi enyɔ. David poo okpɔngɔ ɔmɛ tsuo a nane se pani, nɛ e si ta zugba lɛ lafa nya okpɔngɔhi pɛ.

Samuel II, 10:6

Benɛ Amon bi ɔmɛ na kaa a ya hla munyu ngɛ David he ɔ, a tsɔ ya bɔ Siria ta buli akpe nyingmi enyɔ apaa kɛ je Bet Rehob kɛ Zoba. Jehanɛ hu, a ya bɔ Maaka matsɛ, kɛ e we bi akpe apaa kɛ piɛ Tob bi akpe nyɔngma kɛ enyɔ a he.

Samuel I, 13:5

Filisti bi ɔmɛ bua a he nya, konɛ a kɛ Israel nɛ hwu; a hɛɛ ta zugba lɛ akpe nyingmi etɛ, okpɔngɔ ta buli akpe ekpa, kɛ tabohi babauu nɛ a li nya. A ya bua a he nya ngɛ Mikmash ngɛ Bet Aven beleku je.

Manyadali 4:3

Yabin ngɛ dade ta zugba lɛ lafa nɛɛ, nɛ e wa Israel bi ɔmɛ yi mi jeha nyingmi enyɔ sɔuu. Nɛ Israel bi ɔmɛ fa kue ha Yawɛ.

Mose II, 14:9

Farao ɔ we okpɔngɔ ɔmɛ, e tabo ɔ, kɛ Egipt bi ɔmɛ tsuo hia kɛ nyɛɛ Israel bi ɔmɛ a se, nɛ a ya na mɛ be nɛ a pueɔ si ngɛ Wo Tsu ɔ nya, ngɛ Pi Hahirot kasa nya, ngɛ Baal Zefon hɛ mi ɔ.

Kronika I, 19:8

Benɛ David nu he ɔ, e wo Yoab kɛ Israel tabo ɔ tsuo blɔ nɛ a kɛ mɛ ya kpe.