Kronika I, 19:15 - BAIBLO ALOO NGMAMI KLƆUKLƆU Ɔ

¹⁵ Benɛ Amon bi ɔmɛ na kaa Siria bi ɔmɛ tu fo ɔ, mɛ hu a tu fo kɛ je ta nɛ a kɛ Abishai ngɛ hwue ɔ nya kɛ ho ma a mi ya. Lɔ ɔ he ɔ, Yoab kpa Amon bi ɔmɛ a se nyɛɛmi, nɛ e kpale kɛ ho Yerusalem ya.

Kronika I, 19:15 ပူးပေါင်းရင်းမြစ်များ

Romabi 8:31

Lɛɛ kɛ wa ma de kɛɛ ngɛ ní nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

Mose III, 26:7

Nyɛ maa fie nyɛ he nyɛli ɔmɛ, nɛ nyɛ maa gbe mɛ.

Kronika I, 19:14

Yoab kɛ e we bi ɔmɛ hia kɛ ba na Siria bi ɔmɛ konɛ a kɛ mɛ ba hwu, se Siria bi ɔmɛ tu fo.

Kronika I, 19:16

Siria bi ɔmɛ na kaa Israel bi ɔmɛ ye a nɔ; lɔ ɔ he ɔ, a ya ngɔ Siria tabohi nɛ ngɛ Yufrate pa a beleku je ɔ kɛ ba. A kɛ tabo nɛ ɔmɛ ba ha Zoba matsɛ, Hadadezer we asafoatsɛ ɔ nɛ a tsɛɛ lɛ Shobak ɔ; nɛ e nyɛɛ a hɛ mi kɛ hwu ta.