Kronika I, 19:13 - BAIBLO ALOO NGMAMI KLƆUKLƆU Ɔ

¹³ Moo pee kã, nɛ o ha nɛ waa da si kaa nyumuhi kɛ ha wa nyɛmimɛ ɔmɛ, kɛ wa Mawu ɔ ma amɛ. Nɔ́ nɛ sa Yawɛ hɛ mi ɔ, e pee.”

Kronika I, 19:13 ပူးပေါင်းရင်းမြစ်များ

La 27:14

Ngɔɔ o hɛ kɛ fɔ Yawɛ nɔ. Na tsui; o kɔni mi ko jɔ̃, nɛ e maa wo mo he wami. Ee, ngɔɔ o hɛ kɛ fɔ Yawɛ nɔ.

Nehemia 4:14

Jehanɛ, i na kaa ni ɔmɛ hao; lɔ ɔ he ɔ, i de ma nimeli ɔmɛ, ma ní tsuli ɔmɛ, kɛ ma a tsuo ke, “Nyɛ ko ye wa he nyɛli ɔmɛ gbeye. Nyɛ kai kaa Nyɔmtsɛ ɔ kle, nɛ e he ngɛ gbeye, konɛ nyɛɛ hwu ha nyɛ nyɛmimɛ ɔmɛ, nyɛ bimɛ ɔmɛ, nyɛ yi ɔmɛ, kɛ nyɛ we ɔmɛ.”

Samuel II, 10:12

Moo pee kã, nɛ o ha nɛ waa da si kaa nyumuhi kɛ ha wa nyɛmimɛ ɔmɛ, kɛ wa Mawu ɔ ma amɛ. Nɔ́ nɛ sa Yawɛ hɛ mi ɔ, e pee.”

Yoshua 10:25

Jehanɛ, Yoshua de ma a ke, “Nyɛ ko ye gbeye, nɛ nyɛ ko nu sawale hulɔ. Nyɛ he nɛ wa, nɛ nyɛɛ pee kã; ejakaa kikɛ nɛ ɔ Yawɛ maa pee nyɛ he nyɛli ɔmɛ tsuo!”

1 Korintobi 16:13

Nyɛɛ huɔ; nyɛɛ hɛɛ hemi kɛ yemi ɔ mi wawɛɛ; nyɛɛ pee kã, nɛ nyɛ he nɛ wa.

Samuel I, 4:9

Nyɛ wlua nyɛ, nɛ nyɛɛ pee kã kaa nyumuhi; ke pi ja a, nyɛ ma ba plɛ pee Hebri bi ɔmɛ a nyɔguɛhi kaa bɔ nɛ mɛ hu a sɔmɔ nyɛ be ko mi ɔ. Lɔ ɔ he ɔ, nyɛɛ hwu ta kaa nyumuhi!”

Ezra 10:4

Tee si; o ní tsumi ji nɛ ɔ nɛ; wa ngɛ o se kpɛii. Pee kã, nɛ o tsu.”

Samuel I, 17:32

David de Saul ke, “Nɔ ko nɔ ko kó ye tsui ngɛ Filisti no nɛ ɔ he; i yaa nɛ i kɛ lɛ ya kpe.”

Manyadali 10:15

Se Israel ma a de Yawɛ ke, “Wa pee yayami! Moo lɛɛ moo pee nɔ́ tsuaa nɔ́ nɛ o suɔ; wa kpa mo pɛɛ, mo he wa yi wami mwɔnɛ ligbi nɛ ɔ!”

Yoshua 1:7

Kaa bɔ nɛ i ngɛ dee ɔ, moo lɛɛ o he nɛ wa, nɛ o pee kã kɛkɛ; lɔ ɔ ji kaa, o maa ye mlaa a tsuo nɛ ye tsɔlɔ Mose wo mo ɔ nɔ sisiisi. Kó si ekoeko, nɛ he tsuaa he nɛ o maa ya a, o maa ye manye.

Hiob 1:22

Enɛ ɔ tsuo mi ɔ, Hiob pee we yayami ko; e pia we Mawu.

Samuel II, 15:26

Se ke Yawɛ sume ɔ, lɛɛ imi ji nɛ ɔ nɛ; nɔ́ tsuaa nɔ́ nɛ e suɔ ɔ, e pee mi.”

Samuel I, 3:18

Lɔ ɔ he ɔ, Samuel de lɛ nɔ́ tsuaa nɔ́; e si we nɔ́ ko nɛ e de we lɛ. Eli de ke, “Lɛ ji Yawɛ ɔ nɛ; nɔ́ tsuaa nɔ́ nɛ sa e hɛ mi ɔ, e pee!”

Kronika I, 19:12

Yoab de lɛ ke, “Ke e ba mi kaa i ya nyɛ we Siria bi ɔmɛ ɔ, lɛɛ o ba nɛ o ba piɛ ye he. Se ke Amon bi ɔmɛ ngɛ mo gbee ɔ, lɛɛ imi hu ma ba piɛ o he.

Kronika I, 19:14

Yoab kɛ e we bi ɔmɛ hia kɛ ba na Siria bi ɔmɛ konɛ a kɛ mɛ ba hwu, se Siria bi ɔmɛ tu fo.