Kronika I, 18:5 - BAIBLO ALOO NGMAMI KLƆUKLƆU Ɔ

⁵ Benɛ Siria bi ɔmɛ nɛ ngɛ Damasko ɔ ya, konɛ a ya je ngmlaa ha Zoba matsɛ, Hadadezer ɔ, David ya tua mɛ, nɛ e gbe a ti nihi akpe nyingmi enyɔ kɛ enyɔ.

Kronika I, 18:5 ပူးပေါင်းရင်းမြစ်များ

Kronika I, 19:6

Benɛ Matsɛ Hanun kɛ Amon bi ɔmɛ na kaa a ya hla munyu ngɛ David he ɔ, a tsɔ nɛ a kɛ sika hiɔ kilo nyingmi akpe etɛ kɛ eywiɛya bɔ ta zugba lɛhi, kɛ ta buli apaa kɛ je Mesopotamia yiti je, kɛ Maaka kɛ Zoba ngɛ Siria.

Kronika I, 18:3

Jehanɛ, David ye Zoba matsɛ, Hadadezer nɔ kunimi ngɛ Hamat zugba a kasa nya; ejakaa Hadadezer ngɛ hlae nɛ e ya ngɔ zugba a nɛ ngɛ Yufrate pa a he ɔ.

Samuel I, 14:47

Benɛ Saul ye Israel nɔ matsɛ ɔ, e kɛ he nyɛli tsuo nɛ bɔle lɛ kɛ kpe ɔ hwu ta: mɛ ji Moab bi, Amon bi, Edom bi, Zoba matsɛmɛ ɔmɛ, kɛ Filisti bi. Nɛ he tsuaa he nɛ e ma gba ta kɛ gu ɔ, e yeɔ kunimi.

Kronika I, 18:4

David nuu Hadadezer ta zugba lɛ akpe, okpɔngɔ ta buli akpe kpaago, kɛ ta buli nɛ nyɛɛɔ nane akpe nyingmi enyɔ. David poo okpɔngɔ ɔmɛ tsuo a nane se pani, nɛ e si ta zugba lɛ lafa nya okpɔngɔhi pɛ.

Kronika I, 18:6

David to ta buli a hi hehi ngɛ Damasko. Siria bi ɔmɛ ba plɛ pee e sɔmɔli, nɛ a tsuɔ tó kɛ haa lɛ. Yawɛ haa nɛ David yeɔ kunimi ngɛ he tsuaa he.

La 60:2

O ha zugba a mimiɛ, nɛ e mi gba hatoo; moo tsi e hehi nɛ wo muɔ ɔ, ejakaa e ngɛ gbɛe kulaa.