Kronika I, 18:2 - BAIBLO ALOO NGMAMI KLƆUKLƆU Ɔ

² E ye Moab bi ɔmɛ hu a nɔ; Moab bi ɔmɛ ba pee e sɔmɔli, nɛ a tsuɔ to kɛ haa lɛ.

Kronika I, 18:2 ပူးပေါင်းရင်းမြစ်များ

Samuel II, 8:2

E ya tua Moab bi ɔmɛ hulɔ nɛ e ye a nɔ. E ha nɛ ni ɔmɛ hwɔ si ngɛ zugba, nɛ e gba a mi etɛɛtɛ. Ni etɛ tsuaa ni etɛ mi ɔ, e gbe ni enyɔ, nɛ e kɛ nɔ kake he ke lɛ. Lɔ ɔ he ɔ, Moab bi ɔmɛ ba pee David sɔmɔli, nɛ a tsuɔ tó kɛ haa lɛ.

Matsɛmɛ I, 10:2

Benɛ e ma a, nihi babauu nitsɛ nyɛɛ e se kɛ ba. E kɛ afukpɔngɔhi nɛ a wo a se mi ní babauu hu ba. Ní ɔmɛ ji tsopa kɛ e he via, sika tsu, kɛ tɛ nɛ he jua wa. Benɛ manyɛ ɔ ba na Salomo ɔ, e bi Salomo munyuhi tsuo nɛ ngɛ e yi mi,

Matsɛmɛ I, 10:25

Nɔ tsuaa nɔ kɛ nike ní nɛ ɔmɛ eko baa: sika hiɔ, sika tsu níhi, tade, ta hwumi níhi, tsopa kɛ e he via, okpɔngɔ, kɛ teji okpɔngɔ. Nɔ́ nɛ ɔ ya nɔ daa jeha.

Kronika I, 18:1

Pee se ɔ, Matsɛ David ya tua Filisti bi ɔmɛ ekohu, nɛ e ye a nɔ. E ngɔ a ma nguaa a nɛ a tsɛɛ Gat ɔ, kɛ kɔpehi nɛ bɔle ma a.

Kronika I, 18:3

Jehanɛ, David ye Zoba matsɛ, Hadadezer nɔ kunimi ngɛ Hamat zugba a kasa nya; ejakaa Hadadezer ngɛ hlae nɛ e ya ngɔ zugba a nɛ ngɛ Yufrate pa a he ɔ.

La 60:8

Moab ji ye hedu buɛ. Ma sake ye tokota kɛ pue Edom nɔ kɛ tsɔɔ kaa a ye e nɔ. Ma he ose kɛ ye Filistia nɔ kunimi.”

Yesaya 11:14

Jehanɛ lɛɛ, a maa pee kake kɛ ya tua Filisti bi ɔmɛ ngɛ bonyoku je; nɛ a maa ha nihi nɛ ngɛ beleku je ɔ a níhi. A maa ye Edom kɛ Moab bi ɔmɛ a nɔ kunimi, nɛ Amon bi ɔmɛ hu maa ba a he si ha mɛ.

Yesaya 16:1

Moab bi ɔmɛ tsɔ nihi kɛ je Sela nga kplanaa a nɔ kɛ a dɛ mi to ke a kɛ ya ha nɔ yelɔ ɔ ngɛ Yerusalem.

Mose IV, 24:17

I na lɛ, se e he kɛ; I ngɛ lɛ hyɛe, se e sui hiɛ ɔ lolo. Dodoe ko maa je Yakob mi kɛ ba; Matsɛ tso ko maa je Israel; E maa fia Moab ma nimeli ɔmɛ ní, nɛ e ma kpata Set bi ɔmɛ a hɛ mi.

Samuel I, 10:27

Se yaka nimli komɛ bi ke, “Kɛ nɔmlɔ nɛ ɔ maa pee kɛ he wa yi wami kɛɛ?” A gbe e he guɛ, nɛ mɛɛ a ya ki lɛ ní. Se Saul pui a nya mi.