Kronika I, 18:17 - BAIBLO ALOO NGMAMI KLƆUKLƆU Ɔ

¹⁷ Yehoyada binyumu Benaya ji Keret kɛ Pelet bi ɔmɛ a nyatsɛ. Ni nɛ ɔmɛ ji David we bi a tabo. David binyumu ɔmɛ hɛɛ blɔ nya nguanguahi ngɛ matsɛ tsɔli ɔmɛ a kpɛti.

Kronika I, 18:17 ပူးပေါင်းရင်းမြစ်များ

Samuel II, 8:18

Yehoyada binyumu Benaya ji Keret kɛ Pelet bi ɔmɛ a nyatsɛ. Keret kɛ Pelet bi ɔmɛ ji David we bi a tabo. David binyumu ɔmɛ ji osɔfohi.

Samuel II, 15:18

Matsɛ tsɔli ɔmɛ ba da si ngɛ e kasa nya, nɛ matsɛ we bi a tabo, nɛ ji Keret bi ɔmɛ kɛ Pelet bi ɔmɛ ba be kɛ sɛ hlami. Gat ta buli lafa ekpa nɛ nyɛɛ e se kɛ je Gat ɔ hu ba be kɛ sɛ hlami.

Zefania 2:5

Nyɛ Filisti bi nɛ nyɛ ngɛ wo nya, kɛ nyɛ ni nɛmɛ nɛ nyɛ ngɛ Kanaan zugba a nɔ, musu tloo nyɛ! Yawɛ bu nyɛ hu fɔ. Yawɛ ma kpata nyɛ hɛ mi, nɛ nyɛ ti nɔ kake ngmelu po he be mi jee.

Kronika I, 23:28

Ke a ngma a biɛ se ɔ, a ní tsumi ji a wa osɔfo ɔmɛ nɛ ji Aaron nina a nɛ a kɛ sɔmɔ ngɛ Yawɛ we ɔ. A blɔ nya ji kaa a hyɛ kue ɔmɛ, kɛ tsu ɔmɛ a nɔ, nɛ a tsukɔ ní klɔuklɔu ɔmɛ tsuo a he.

Matsɛmɛ I, 1:44

Nɛnɛ tsɔ osɔfo Zadok, gbalɔ Natan, Yehoyada binyumu Benaya, kɛ matsɛ we bi a tabo ɔ, nɛ a ya kpee Salomo. A ngɔ lɛ ngɔ hi Matsɛ David nitsɛ teji okpɔngɔ nɔ,

Matsɛmɛ I, 1:38

Kɛkɛ nɛ osɔfo Zadok, kɛ gbalɔ Natan, kɛ Yehoyada binyumu Benaya, kɛ matsɛ we bi a tabo ɔ ho nɛ a ya ngɔ Salomo ngɔ hi Matsɛ David teji okpɔngɔ ɔ nɔ, nɛ a nyɛɛ e se kɛ ya Gihon.

Samuel II, 20:23

Yoab ji Israel tatsɛ nɔkɔtɔma; Yehoyada bi Benaya ji Keret bi ɔmɛ, kɛ Pelet bi ɔmɛ a nyatsɛ.

Samuel II, 20:7

Lɔ ɔ he ɔ, Abishai kɛ Yoab we bi ɔmɛ, kɛ Keret bi ɔmɛ kɛ Pelet bi ɔmɛ, kɛ ta buli ɔmɛ tsuo hia kɛ je Yerusalem kɛ nyɛɛ Sheba se.

Samuel I, 30:14

Wa ya tua Keret bi a zugba a nɛ ngɛ Yuda leneyi je ɔ, kɛ Kaleb bi a zugba a, nɛ wa sã Ziklag ma a.”

Kronika I, 18:16

Ahitub binyumu Zadok kɛ Abiatar binyumu Ahimelek ji osɔfohi, nɛ Seraya ji David nitsɛ e pɛdiyo.

Kronika I, 19:1

Pee se ɔ, Amon bi ɔmɛ a matsɛ nɛ a tsɛɛ lɛ Nahash ɔ ba gbo; nɛ e binyumu Hanun ba ye e se. David de ke, “I kɛ Hanun maa hi si saminya kaa nɔ kɛ e huɛ, ejakaa e tsɛ Nahash kɛ mi hi si saminya.” Lɔ ɔ he ɔ, David tsɔ ya ha Hanun lakpoo, benɛ Nahash gbo ɔ. Se benɛ David tsɔli ɔmɛ ya su Amon nɛ a ya nga matsɛ ɔ,

Nehemia 11:24

Meshezabel bi Petahia nɛ je Zera we puɔ nya, kɛ Yuda we puɔ nya a, daa Israel ma a nya ngɛ ma a sane yemihi a mi.