Kronika I, 18:12 - BAIBLO ALOO NGMAMI KLƆUKLƆU Ɔ

¹² Enɛ ɔ se ɔ, Abishai, nɛ a tsɛɛ e nyɛ biɛ ke Zeruya a, ya tua Moab bi ɔmɛ ngɛ Ngo kɔ̃ ɔ mi, nɛ e gbe a ti nihi akpe nyɔngma kɛ kpaanyɔ.

Kronika I, 18:12 ပူးပေါင်းရင်းမြစ်များ

La 60:1

Mawu lee, o sake wɔ kɛ pue he. O mi mi fu wɔ, nɛ o gbɛ wɔ ngɔ fĩa. Se kpale wɔ kɛ ba wa glɛ nɔ ekohu koo!

Kronika II, 25:11

Jehanɛ, Amazia ba na he wami he, nɛ e nyɛɛ e ma a hɛ mi kɛ ya Ngo kɔ̃ ɔ mi. A kɛ Edom bi ɔmɛ ya hwu ta ngɛ lejɛ ɔ, nɛ a gbe Edom ta buli akpe nyɔngma,

Kronika I, 19:11

Ni nɛmɛ nɛ piɛ ɔ, e ngɔ mɛ ngɔ wo e nyɛminyumu Abishai dɛ mi, konɛ mɛ hu a kɛ Amon bi ɔmɛ nɛ ya kpe.

Kronika I, 11:20

Yoab nyɛminyumu Abishai ji “Ni nyingmi etɛ ɔmɛ” a nyatsɛ. Ligbi ko ɔ, e kɛ e we akplɔ ɔ gbe nimli lafa etɛ, nɛ e kɛ na biɛ ngɛ katsɛmɛ “Nyingmi etɛ ɔmɛ” a kpɛti.

Kronika I, 2:16

A nyɛmimɛ yihi ji Zeruya, kɛ Abigail. Ishai biyo Zeruya ngɛ binyumuhi etɛ: Abishai, Yoab, kɛ Asahel.

Samuel II, 10:10

Ni nɛmɛ nɛ piɛ ɔ, e ngɔ mɛ ngɔ wo e nyɛminyumu Abishai dɛ mi, konɛ mɛ hu a kɛ Amon bi ɔmɛ ya kpe.

Samuel I, 26:6

David bi Ahimelek, Hit no ɔ, kɛ Yoab nyɛminyumu Abishai, Zeruya binyumu ɔ ke, “Nyɛ ti mɛnɔ kɛ mi maa ya Saul ta a mi?” Abishai he nɔ ke, “I kɛ mo maa ya.”

Matsɛmɛ II, 14:7

Amazia gbe Edom ta buli akpe nyɔngma ngɛ Ngo kɔ̃ ɔ mi. E kpɔ Sela ma a ngɛ ta mi, nɛ e wo lɛ biɛ ke Yokteel; nɛ ja a tsɛɛ ma nɛ ɔ kɛ ba si mwɔnɛ ɔ.

Samuel II, 23:18

Yoab nyɛminyumu Abishai, Zeruya binyumu ɔ ji “Ni nyingmi etɛ ɔmɛ” a nyatsɛ. Lɛ nɛ e ngɔ e we akplɔ kɛ gbe nimli lafa etɛ, nɛ e kɛ ná biɛ ngɛ katsɛmɛ nyingmi etɛ ɔmɛ a kpɛti.

Samuel II, 21:17

Se Zeruya bi Abishai ba piɛ David he; e tua Filisti no ɔ, nɛ e gbe lɛ. Kɛkɛ nɛ David we bi ɔmɛ ka David kita ke, “O kɛ wɔ be ta yae hu gblegbleegble. Israel hɛngmɛ ji mo; koo pee nɛ wa hɛngmɛ ɔ ba pɛ.”

Samuel II, 20:6

Kɛkɛ nɛ matsɛ ɔ de Abishai ke, “Sheba ma ba hao wɔ kulaa pe Absalom tete. Ngɔɔ ye tsɔli ɔmɛ, nɛ́ nyɛɛ nyɛɛ e se; ke pi ja a, e ma ya sɛ mahi nɛ a fia gbogbo ngɔ wo a he ɔ ekomɛ a mi, nɛ e maa hao wɔ.”

Samuel II, 10:14

Benɛ Amon bi ɔmɛ na kaa Siria bi ɔmɛ tu fo ɔ, mɛ hu a tu fo ngɛ ta nɛ a kɛ Abishai ngɛ hwue ɔ nya kɛ ho ma a mi ya. Lɔ ɔ he ɔ, Yoab jɔɔ Amon bi ɔmɛ a se nyɛɛmi, nɛ e kpale kɛ ho Yerusalem ya.

Samuel II, 7:13

Lɛ ji nɔ nɛ ma ba po we kɛ wo ye biɛ ɔ hɛ mi nyami; nɛ ma ha e matsɛ yemi ɔ maa hi si kɛ maa ya neneene.

Samuel II, 3:30

Yoab kɛ e nyɛminyumu Abishai gbe Abner, ejakaa lɛ hu e gbe a nyɛminyumu Asahel ngɛ Gibeon ta a mi.

Samuel I, 26:8

Kɛkɛ nɛ Abishai de David ke, “Mawu je o he nyɛlɔ ɔ kɛ wo o dɛ mi mwɔnɛ ɔ; lɔ ɔ he ɔ, ha nɛ ma hɛ lɛ akplɔ ɔ si kake pɛ kɛ ya pi zugba, nɛ e be hiae kaa a hɛ lɛ enyɔne.”

Matsɛmɛ I, 11:15

Be ko nɛ be ɔ, benɛ David ya ye Edom nɔ kunimi ɔ, e tatsɛ Yoab ho, konɛ e ya pu nihi nɛ nɔ ngɛ ta a mi. Yoab kɛ e we bi ɔmɛ hi Edom nyɔhiɔ ekpa; nɛ jamɛ a be ɔ mi ɔ, a gbe nyumu tsuaa nyumu ngɛ ma a mi.

Kronika I, 18:11

Matsɛ David gbaa ní nɛ ɔmɛ a nɔ kɛ ha Yawɛ kaa bɔ nɛ e pee sika hiɔ kɛ sika tsu nɛ e kpɔ ngɛ je mahi nɛ e ye a nɔ ɔ a dɛ ɔ. Je ma nɛ ɔmɛ ji Edom, Moab, Amon, Filistia, kɛ Amalek.

Kronika I, 18:13

Abishai to ta buli a hi hehi ngɛ Edom, nɛ ni ɔmɛ nɛ ngɛ lejɛ ɔ ba plɛ pee Matsɛ David sɔmɔli. Yawɛ haa nɛ David yeɔ kunimi ngɛ he tsuaa he.

La 60:2

O ha zugba a mimiɛ, nɛ e mi gba hatoo; moo tsi e hehi nɛ wo muɔ ɔ, ejakaa e ngɛ gbɛe kulaa.