Kronika I, 17:8 - BAIBLO ALOO NGMAMI KLƆUKLƆU Ɔ

⁸ Imi lɛ i kɛ mo nyɛɛ kɛ ya kɛ ba, nɛ imi nɔuu lɛ i kpata o he nyɛli ɔmɛ tsuo a hɛ mi ngɛ o blɔ ɔ nɔ. Ma ha nɛ o ma na biɛ kaa nimli nguanguahi nɛ ngɛ zugba a nɔ ɔ a ti nɔ ko.

Kronika I, 17:8 ပူးပေါင်းရင်းမြစ်များ

Kronika I, 17:2

Natan de matsɛ ɔ ke, “Nɔ́ tsuaa nɔ́ nɛ o to kaa o maa pee ɔ, moo pee; ejakaa Mawu kɛ mo ngɛ.”

Samuel I, 18:14

nɛ e yeɔ manye ngɛ nɔ́ tsuaa nɔ́ mi; ejakaa Yawɛ kɛ lɛ ngɛ.

La 75:7

Mawu ji kojolɔ; e woɔ ni komɛ a nɔ, nɛ e baa ni komɛ si.

La 71:21

O maa wo ye hɛ mi nyami babauu, nɛ o ma ha ye bua maa jɔ ekohu.

La 46:7

Yawɛ, Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

Samuel I, 18:28

Saul ba yɔse faii kaa Yawɛ kɛ David ngɛ, nɛ e biyo Mikal ɔ hu suɔ lɛ.

Mose I, 28:15

I kɛ mo maa hi si. He tsuaa he nɛ o yaa a, ma bu o he, nɛ ma kpale mo kɛ ba zugba nɛ ɔ nɔ ekohu. I be o he jee; ma pee níhi nɛ i wo mo a he si ɔ ha mo kokooko.”

Luka 1:52

E kpa matsɛmɛ nguanguahi kɛ je a sɛhi a nɔ, nɛ e wó humihi a nɔ.

La 18:1

Yawɛ, i suɔ mo! Mo ji ye yi baalɔ.

Ezra 4:20

Jehanɛ hu, a na kaa matsɛ nguahi hi Yerusalem sa a, nɛ a ye ma a nɔ kɛ ya pue Yufrate pa a se tsuo; nɛ Yerusalem he tó, kɛ sika kpahi ngɛ ma amɛ a dɛ.

Kronika I, 17:17

Se Mawu lee, enɛ ɔ lɛɛ e ji nɔ́ ko bɔbɔyoo kɛkɛ ngɛ o hɛ mi. O wo si kaa o tsɔlɔ ɔ nina maa hiɛ babauu hwɔɔ se, nɛ mo Yawɛ Mawu, o je sisi bɔni mi hɛɛmi momo kaa nɔmlɔ ngua.

Samuel II, 22:1

Benɛ Yawɛ je David kɛ je Saul kɛ e he nyɛli ɔmɛ tsuo a dɛ mi ɔ, David la la nɛ ɔ kɛ ha Yawɛ:

Samuel II, 8:8

Jehanɛ hu, David ya muɔ akɔblee babauu nitsɛ ngɛ Beta kɛ Berotai nɛ ji mahi nɛ matsɛ Hadadezer yeɔ a nɔ ɔ.

Samuel II, 8:6

David to tabohi a hi hehi ngɛ Damasko; nɛ Siria bi ɔmɛ ba plɛ pee David sɔmɔli, nɛ a tsuɔ tó kɛ haa lɛ. Yawɛ ha nɛ David ye kunimi ngɛ he tsuaa he.

Samuel II, 7:9

Imi lɛ i kɛ mo nyɛɛ kɛ ya kɛ ba; nɛ imi nɔuu lɛ i kpata o he nyɛli ɔmɛ tsuo a hɛ mi ngɛ o blɔ ɔ nɔ. Ma ha nɛ o ma na biɛ kaa nimli nguahi nɛ ngɛ zugba a nɔ ɔ a ti nɔ ko.

Samuel I, 26:10

David ya nɔ nɛ e de ke, “I na Yawɛ, hɛ kalɔ ɔ kaa lɛ Yawɛ nitsɛ e maa fia Saul nɔ, loo Saul gbenɔ be maa su nɛ e ma gbo, loo e ma gbo ngɛ ta nya.

La 46:11

Yawɛ Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

Kronika I, 17:7

“Lɔ ɔ he ɔ, mo de ye tsɔlɔ David ke, imi Yawɛ Tabohiatsɛ ɔ, i ngɛ lɛ dee ke, ‘Imi nɛ i ya ngɔ mo kɛ je to lɛmi he ngɛ nga a nɔ, nɛ i ba pee mo ye ma, Israel ganɔ.

Kronika I, 17:9

Ma hla hi he ko ha ye ma Israel, nɛ ma to mɛ si ngɛ lejɛ ɔ, he nɛ nɔ ko be a nya dooe ngɛ hu. Kɛ je be nɛ i hla ma nya dali nɛ a hyɛ ye ma Israel nɔ ɔ, nɔ́ sɔuu a ngɛ nae ngɛ nimli yayamihi a dɛ mi. Se enɛ ɔ tsuo se maa po. Ma kpata o he nyɛli ɔmɛ tsuo a hɛ mi. Jehanɛ i ngɛ si woe kaa imi Yawɛ, ma bɔ we ha mo.

Kronika I, 14:17

David biɛ pɛ ngɛ je ɔ mi he tsuaa he, nɛ Yawɛ ha nɛ je ma amɛ tsuo ye lɛ gbeye.