Kronika I, 17:5 - BAIBLO ALOO NGMAMI KLƆUKLƆU Ɔ

⁵ Kɛ je ligbi ɔ nɛ i ya kpɔ Israel ma a kɛ je Egipt kɛ ba si mwɔnɛ ligbi nɛ ɔ, i hí we ko mi hyɛ; bo tsu ji we nɛ i hii mi ngɛ he tsuaa he nɛ i yaa.

Kronika I, 17:5 ပူးပေါင်းရင်းမြစ်များ

Samuel II, 7:6

Kɛ je ligbi nɛ i ya kpɔ Israel ma a kɛ je Egipt kɛ ba si mwɔnɛ ligbi nɛ ɔ, i hí we ko mi hyɛ; bo tsu ji we nɛ i hii mi.

Matsɛmɛ I, 8:16

‘Kɛ je be nɛ i je ye ma Israel kɛ je Egipt ɔ, i hla we ma ko ma ko kɛ ji Israel wɛtso ko mi nɛ a po we ha mi nɛ a ja mi ngɛ lejɛ ɔ. Se i hla mo David, nɛ o ye ye ma, Israel ɔ nɔ.’ ”

Kronika II, 6:18

“Se anɛ mo Mawu, o kɛ nɔmlɔ adesa ma nyɛ maa hi zugba nɛ ɔ nɔ niinɛ lo? Mo, nɛ hiɔwe kɛ hiɔwe se lokoo po kpi mo ɔ, kɛ maa pee kɛɛ nɛ we nɛ i po nɛ ɔ maa kpe mo?

Kronika II, 2:6

Se mɛnɔ ma nyɛ maa po we nɛ sa ha Mawu? Hiɔwe lokoo ɔ nitsɛ po klee we ha lɛ. Lɛɛ mɛnɔ ji mi mɔ nɛ ma po we ha Yawɛ, kaa ja he nɛ a maa sã tsopa kɛ e he via kɛ ha lɛ ngɛ kɛkɛ.

Matsɛmɛ I, 8:27

“Se anɛ mo Mawu, o ma nyɛ maa hi zugba a nɔ niinɛ lo? Mo nɛ hiɔwe, kɛ hiɔwe se lokoo po kpi mo ɔ, kɛ maa pee kɛɛ nɛ we nɛ i po nɛ ɔ maa kpe mo?

Matsɛmɛ I, 8:4

nɛ a hɛɛ kɛ ho Yawɛ we ɔ mi ya. Levi bi ɔmɛ, kɛ osɔfo ɔmɛ hɛɛ kpe he bo tsu ɔ, kɛ ní klɔuklɔu ɔmɛ nɛ ngɛ mi ɔ hu kɛ ho Yawɛ we ɔ mi ya.

Samuel II, 6:17

A ngɔ Yawɛ daka a ya ma e ma he ngɛ bo tsu nɛ David pee kɛ ha lɛ ɔ mi, nɛ David sã sami bɔhi, kɛ tue mi jɔmi bɔhi kɛ ha Yawɛ.

Kronika II, 6:5

‘Kɛ je be nɛ i jé ye ma Israel kɛ je Egipt ɔ, i hla we ma ko ma ko kɛ ji Israel wɛtso ko mi nɛ a po we ha mi, nɛ a ja mi ngɛ lejɛ ɔ; nɛ i hla we nɔ ko nɔ ko nɛ ba ye ganɔ ngɛ ye ma Israel ɔ nɔ.

Kronika II, 6:6

Se jehanɛ lɛɛ i hla Yerusalem, konɛ a ja mi ngɛ lejɛ ɔ; i hla mo David hulɔ, nɛ o ye ye ma Israel ɔ nɔ.’ ”