Kronika I, 17:27 - BAIBLO ALOO NGMAMI KLƆUKLƆU Ɔ

²⁷ Lɔ ɔ he ɔ, i kpa mo pɛɛ nɛ o ya nɔ nɛ o gbaa imi, o tsɔlɔ ɔ, ye nina daa. Yawɛ lee, o gbaa mɛ momo, nɛ o gbaami ɔ maa hi a nɔ kɛ maa ya neneene.”

Kronika I, 17:27 ပူးပေါင်းရင်းမြစ်များ

Efesobi 1:3

Sina ha Mawu, wa Nyɔmtsɛ Yesu Kristo Mawu ɔ, kɛ e Tsɛ ɔ! Ejakaa nɛ wa ngɛ Kristo mi ɔ, Mawu dloo wɔ mumi mi ní kpakpahi tsuo nɛ ngɛ hiɔwe ɔ.

Romabi 11:29

Ejakaa ke Mawu tsɛ nɔ ko nɛ e gbaa lɛ ɔ, e tsakee we e yi mi hu.

La 72:17

Matsɛ ɔ biɛ nɛ hi si kɛ ya neneene. E biɛ nɛ pɛ be abɔ nɛ pu ngɛ nɛ ɔ. Mawu nɛ gbaa je ma amɛ tsuo, nɛ a ha matsɛ ɔ bua jɔmi.

Mose I, 27:33

Isak he do blibliibli wawɛɛ nitsɛ, nɛ e bi ke, “Lɛɛ mɛnɔ ji nɔ nɛ ya gbe de lo ɔ nɛ e ngɔ ba ha mi ɔ?” E ya nɔ nɛ e de ke, “Loko o ba a, i ye ní ɔ tsuo nɛ i gbaa lɛ momo. Lɔ ɔ he ɔ, amlɔ nɛ ɔ, gbaami ɔ pee e nɔ́!”

Kronika I, 17:26

Yawɛ lee, Mawu ji mo; mo ji nɔ nɛ o wo mi nɔ́ kpakpa nɛ ɔ he si.

Kronika I, 18:1

Pee se ɔ, Matsɛ David ya tua Filisti bi ɔmɛ ekohu, nɛ e ye a nɔ. E ngɔ a ma nguaa a nɛ a tsɛɛ Gat ɔ, kɛ kɔpehi nɛ bɔle ma a.

Kronika I, 28:4

Yawɛ, Israel Mawu ɔ hla imi, kɛ ye nina kaa waa ye Israel nɔ matsɛ kɛ ya neneene. Yawɛ hla Yuda wɛtso ɔ, nɛ e pee mɛ hɛ mi nyɛɛli. Jehanɛ, e hla tsaatsɛ we ɔ, nɛ ngɛ tsaatsɛ bimɛ ɔmɛ a kpɛti ɔ, e ná ye he bua jɔmi, nɛ e wo mi Israel tsuo nɔ matsɛ.

La 21:6

Niinɛ, o gbaa lɛ saminya kɛ yaa neneene; o haa nɛ e naa bua jɔmi ngɛ o hɛ mi.

Mose IV, 23:20

Hyɛ, gbaami a fa mi ke ma ba gbaa. Lɛɛ e gbaa momo; imi lɛɛ i be nyɛe ma kpale se.

Mose V, 15:6

Yawɛ maa gbaa mo kaa bɔ nɛ e wo si ɔ. O maa pa sika kɛ ha mahi babauu, se moo lɛɛ o be sika pae ngɛ nɔ ko nɔ ko dɛ; o maa ye je mahi babauu a nɔ, se moo lɛɛ je ma ko je ma ko be o nɔ yee.

Matsɛmɛ I, 2:33

A muɔ yi sɔ̃ ɔ maa ba Yoab kɛ e nina a nɔ kɛ maa ya neneene. Se David kɛ e nina nɛ ma ba hi e sɛ ɔ nɔ ɔ, mɛɛ Yawɛ ma ha mɛ tue mi jɔmi kɛ maa ya neneene.”

Matsɛmɛ I, 2:45

Se imi Matsɛ Salomo lɛɛ Yawɛ maa gbaa mi, nɛ e ma ha David matsɛ yemi ɔ maa ma si kpɛii kɛ maa ya neneene.”