Kronika I, 17:23 - BAIBLO ALOO NGMAMI KLƆUKLƆU Ɔ

²³ “Lɔ ɔ he ɔ, Yawɛ, si nɛ o wo nɛ kɔɔ o tsɔlɔ ɔ, kɛ e nina a he ɔ, moo ye nɔ daa, nɛ o pee kaa bɔ nɛ o de ɔ.

Kronika I, 17:23 ပူးပေါင်းရင်းမြစ်များ

Luka 1:38

Maria de ke, “Nyɔmtsɛ ɔ mawayo ji mi; bɔ nɛ o de ɔ, e ba mi ja.” Kɛkɛ nɛ bɔfo ɔ si lɛ.

Yeremia 11:5

Kɛkɛ ɔ, si ko nɛ i wo a nɛmɛ ɔmɛ kaa ma ha mɛ zugba kpakpa nɛ baa ní ɔ, ma ye nɔ. Jamɛ a zugba a nɔ a ngɛ amlɔ nɛ ɔ nɛ.” I he nɔ ke, “Yawɛ, ha nɛ e ba mi ja.”

La 119:49

Mo kai si nɛ o wo imi, o tsɔlɔ ɔ; ejakaa i ngɔ ye hɛ kɛ fɔ nɔ.

Mose I, 32:12

Kai kaa mo lɛ o wo mi si ke o maa pee mi saminya. Kai kaa mo lɛ o de ke o ma ha mi nina babauu kaa wo nya zia, nɛ nɔ ko nɔ ko be nyɛe maa kane.”

Kronika I, 17:22

O ngɔ o ma, Israel ngɔ pee mo nitsɛ o ma kɛ yaa neneene. Nɛ mo, Yawɛ o ba pee a Mawu.

Kronika I, 17:24

O biɛ maa jije kɛ maa ya neneene, nɛ nihi ma de ke, ‘Yawɛ Tabohiatsɛ ɔ ji Israel Mawu’. Nɛ o ma ha imi, o tsɔlɔ David, ye matsɛ yemi ɔ maa hi si kɛ maa ya neneene.

Kronika I, 28:4

Yawɛ, Israel Mawu ɔ hla imi, kɛ ye nina kaa waa ye Israel nɔ matsɛ kɛ ya neneene. Yawɛ hla Yuda wɛtso ɔ, nɛ e pee mɛ hɛ mi nyɛɛli. Jehanɛ, e hla tsaatsɛ we ɔ, nɛ ngɛ tsaatsɛ bimɛ ɔmɛ a kpɛti ɔ, e ná ye he bua jɔmi, nɛ e wo mi Israel tsuo nɔ matsɛ.

Matsɛmɛ I, 8:26

Israel Mawu lee, i kpa mo pɛɛ, níhi tsuo nɛ o de tsaatsɛ David ɔ, ha nɛ a ba mi.

Kronika II, 1:9

Yawɛ Mawu lee, si nɛ o wo tsaatsɛ ɔ, moo ye nɔ koo. O wo mi matsɛ ngɛ ma nɛ a he hiɛ babauu kaa zugba zu nɛ ɔ a nɔ,