Kronika I, 17:22 - BAIBLO ALOO NGMAMI KLƆUKLƆU Ɔ

²² O ngɔ o ma, Israel ngɔ pee mo nitsɛ o ma kɛ yaa neneene. Nɛ mo, Yawɛ o ba pee a Mawu.

Kronika I, 17:22 ပူးပေါင်းရင်းမြစ်များ

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

Samuel I, 12:22

Yawɛ be e ma nɛ e hla a he ngmɛɛe. Ke e pee ja pɛ kɛkɛ e biɛ kpetekpleenyɛ ɔ puɛ; ejakaa e sa e hɛ mi kaa e kɛ nyɛ maa pee lɛ nitsɛ e ma.

Mose I, 17:7

“Si nɛ i wo mo nɛ ɔ maa pee neneene somi; ma ye nɔ ha mo kɛ yaa si yi nɔhi nɛ maa ba ngɛ o se ɔ a nɔ. Ma pee o Mawu kɛ o nina hu a Mawu.

Matsɛmɛ I, 10:9

Yawɛ, o Mawu ɔ nɛ ná o he bua jɔmi, nɛ e wo mo Israel nɔ matsɛ ɔ, a je e yi. Akɛnɛ suɔmi nɛ Yawɛ suɔ Israel ɔ ngɛ kɛ yaa neneene he je ɔ, e wo mo tsɛ, konɛ o kojo, nɛ o ye dami sane.”

Kronika I, 17:21

Ma ko be zugba nɛ ɔ nɔ nɛ pe o ma Israel nɛ mo Mawu o ya kpɔ kɛ je nyɔguɛ si himi mi kɛ ba pee mo nitsɛ o ma a. Ní nguanguahi, kɛ nyakpɛ níhi nɛ o tsu ha o ma a, ha o biɛ pɛ kɛ kpe je ɔ mi tsuo. Benɛ o ma a nɛ o kpɔ kɛ je Egipt ɔ hia kɛ ma a, o fie je ma kpa amɛ kɛ je a blɔ mi.

Kronika I, 17:23

“Lɔ ɔ he ɔ, Yawɛ, si nɛ o wo nɛ kɔɔ o tsɔlɔ ɔ, kɛ e nina a he ɔ, moo ye nɔ daa, nɛ o pee kaa bɔ nɛ o de ɔ.

Samuel II, 7:24

O to o ma Israel sisi, nɛ o ngɔ lɛ ngɔ pee mo nitsɛ o ma kɛ yaa neneene. Nɛ mo, Yawɛ o ba pee a Mawu.