Kronika I, 17:19 - BAIBLO ALOO NGMAMI KLƆUKLƆU Ɔ

¹⁹ Yawɛ, imi o tsɔlɔ ɔ, ye he lɛ o je o tsui mi nɛ o tsu ní tsumi kpetekpleenyɛ nɛ ɔ, kaa o ha nɛ i le ní nguangua nɛ ɔmɛ tsuo pɛpɛɛpɛ.

Kronika I, 17:19 ပူးပေါင်းရင်းမြစ်များ

Yesaya 37:35

Ejakaa ma bu ma nɛ ɔ he; nɛ nɔ́ ko nɔ́ ko be a he sae. Ma pee nɔ́ nɛ ɔ ngɛ ye tsɔlɔ David he kɛ wo imi nitsɛ ye hɛ mi nyami.’ ”

Efesobi 3:11

Blema lokoo nɛ Mawu to e yi mi kaa e ma tsu nɔ́ ko kaa kikɛ nɛ ɔ, nɛ e gu wa Nyɔmtsɛ Kristo Yesu nɔ nɛ e ha nɛ e ba mi.

Mateo 11:26

Ee, Tsaatsɛ, bɔ nɛ o suɔ kaa e ba mi ji nɛ ɔ nɛ.

Daniel 9:17

Wa Mawu lee, moo bu ye sɔlemi kɛ pɛɛ kpami ɔ tue. O we ɔ nɛ a kpata hɛ mi, nɛ e pee we doku ɔ, to lɛ sisi ekohu, konɛ nɔ tsuaa nɔ nɛ e na kaa Mawu ji mo.

Yesaya 49:3

E de mi ke, “Israel, ye tsɔlɔ ji mo. O he ɔ, nihi maa wo ye hɛ mi nyami.”

Yesaya 42:1

Yawɛ ke, “Ye tsɔlɔ, nɔ nɛ i kplɛɛ we nɔ́ ngɛ e he ɔ, lɛ ji nɛ ɔ nɛ. Nɔ nɛ i hla nɛ i suɔ e sane ɔ, lɛ ji nɛ ɔ nɛ. I ngɔ ye mumi ɔ kɛ wo e mi, nɛ e maa ye dami sane kɛ kojo je ma amɛ tsuo.

La 111:6

E ngɔ ma je li a zugba a kɛ ha e ma a kɛ tsɔɔ e ma a kaa e ngɛ he wami.

La 111:3

E tsuɔ ní kɛ hɛ mi nyami kɛ agboje. E yeɔ dami sane daa.

Samuel II, 7:21

O ngɛ ní nguangua nɛ ɔmɛ tsuo pee nɛ ma kɛ le kaa o wo si ko, nɛ o suɔ kaa o maa pee nɔ́ nɛ ɔ.

Kronika I, 17:18

Lɛɛ mɛni pa ngɛ imi David, ye nya nɛ ma de mo? O le imi, o tsɔlɔ ɔ saminya, se kɛ̃ ɔ, o wo ye hɛ mi nyami.

Kronika I, 17:20

Yawɛ, nɔ ko be nɛ kɛ mo sɔ; wa le kɛ je blema, kaa mo pɛ ji Mawu.

La 116:16

Yawɛ, o tsɔlɔ ji mi; mo lɛ i sɔmɔɔ kaa bɔ nɛ ye nyɛ pee ɔ pɛ. O je mi kɛ je gbenɔ mi.