Kronika I, 17:17 - BAIBLO ALOO NGMAMI KLƆUKLƆU Ɔ

¹⁷ Se Mawu lee, enɛ ɔ lɛɛ e ji nɔ́ ko bɔbɔyoo kɛkɛ ngɛ o hɛ mi. O wo si kaa o tsɔlɔ ɔ nina maa hiɛ babauu hwɔɔ se, nɛ mo Yawɛ Mawu, o je sisi bɔni mi hɛɛmi momo kaa nɔmlɔ ngua.

Kronika I, 17:17 ပူးပေါင်းရင်းမြစ်များ

Yesaya 49:6

Yawɛ de mi ke, “Ye tsɔlɔ, i ngɛ ní tsumi agbo ko ha mo; pi kaa o ma bua Israel bi nɛ a yi na wami ɔ a nya kɛ pee ma ekohu kaa sa a kɛkɛ, se mohu kaa o maa pee la kɛ ha je ma amɛ, bɔ nɛ pee nɛ a he je ɔ tsuo yi wami.”

Efesobi 3:20

Mawu kɛ he wami kpetekpleenyɛ tsuɔ ní ngɛ wa mi, nɛ e peeɔ níhi nɛ hiɛ babauu kɛ be nɔ kɛ haa wɔ, níhi nɛ wa be nyɛe ma bi, kɛ ní nɛmɛ nɛ wa juɛmi sui he po.

Matsɛmɛ II, 3:18

Elisha ya nɔ nɛ e de ke, “Nɔ́ nɛ ɔ peemi pi nɔ́ ko kulaa nɛ he wa ha Yawɛ. Yawɛ maa ngɔ Moab bi ɔmɛ hu kɛ wo nyɛ dɛ mi.

Matsɛmɛ I, 3:13

Jehanɛ, nɔ́ nɛ o bi we tete hu ma ha mo; o wami ligbi ɔmɛ tsuo ɔ, ma ha o ma na ní, nɛ o hɛ mi maa ba nyami bɔ nɛ matsɛmɛ ɔmɛ a ti nɔ ko nɔ ko kɛ mo be sɔe.

Samuel II, 12:8

Imi nɛ i ngɔ o nyɔmtsɛ Saul matsɛ yemi ɔ, kɛ e yi ɔmɛ ngɔ wo o dɛ mi; imi nɛ i wo mo Israel kɛ Yuda tsuo matsɛ. Ke ní nɛ ɔmɛ pi ha mo ɔ, jinɛ ma ngɔ totoe enyɔ ngɔ piɛ he ha mo.

Samuel II, 7:19

Se Nyɔmtsɛ Yawɛ, enɛ ɔ lɛɛ e ji nɔ́ ko bɔbɔyoo kɛkɛ ngɛ o hɛ mi. O wo si hu kaa o tsɔlɔ ɔ nina maa hiɛ babauu hwɔɔ se. Nyɔmtsɛ Yawɛ, o je nɔ́ nɛ ɔ ngɔ tsɔɔ nɔmlɔ adesa!

Kronika I, 17:16

Enɛ ɔ se ɔ, Matsɛ David ya sɛ bo tsu ɔ mi, nɛ e ya hi si ngɛ Yawɛ hɛ mi, nɛ e sɔle ke, “Yawɛ Mawu, mɛnɔ ji mi, nɛ ye we ɔ hu mɛnɔmɛ ji mɛ, loko o hɛɛ mi kɛ ba su he nɛ i ngɛ nɛ ɔ?

Kronika I, 17:18

Lɛɛ mɛni pa ngɛ imi David, ye nya nɛ ma de mo? O le imi, o tsɔlɔ ɔ saminya, se kɛ̃ ɔ, o wo ye hɛ mi nyami.