Kronika I, 17:16 - BAIBLO ALOO NGMAMI KLƆUKLƆU Ɔ

¹⁶ Enɛ ɔ se ɔ, Matsɛ David ya sɛ bo tsu ɔ mi, nɛ e ya hi si ngɛ Yawɛ hɛ mi, nɛ e sɔle ke, “Yawɛ Mawu, mɛnɔ ji mi, nɛ ye we ɔ hu mɛnɔmɛ ji mɛ, loko o hɛɛ mi kɛ ba su he nɛ i ngɛ nɛ ɔ?

Kronika I, 17:16 ပူးပေါင်းရင်းမြစ်များ

Samuel II, 7:18

Enɛ ɔ se ɔ, Matsɛ David ya sɛ bo tsu ɔ mi, nɛ e ya hi si ngɛ Yawɛ hɛ mi, nɛ e de ke, “Nyɔmtsɛ Yawɛ, mɛnɔ ji mi, nɛ ye we ɔ hu mɛnɔmɛ ji mɛ loko o hɛɛ mi kɛ ba su he nɛ i ngɛ nɛ ɔ?

Mose I, 32:10

Mɔbɔ nami nɛ se pui gblegbleegble nɛ o je kpo ngɔ ha mi ɔ, i sɛ. Benɛ ma po Yordan pa a, dɛma tso pɛ i hɛɛ ngɛ ye dɛ mi; se piɔ lɛɛ i kpale ba kɛ asafo kuu enyɔ nɛ ɔmɛ.

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

La 144:3

Yawɛ, mɛnɔ kulaa ji nɔmlɔ nɛ o peeɔ e he akɔtaa, loo nɔmlɔ adesa nɛ o susuɔ e he ɔ?

Samuel I, 9:21

Saul he nɔ ke, “I je Benyamin, Israel wɛtso nɛ ji nyafii pe kulaa a mi; nɛ ye weku ɔ hu ji weku nyafii pe kulaa ngɛ wɛtso ɔ mi. Mɛni he je mɔ nɛ o kɛ mi ngɛ munyu tue kikɛ nɛ ɔ?”

Samuel I, 7:12

Kɛkɛ nɛ Samuel ngɔ tɛ kɛ ma Mizpa kɛ Shen a kpɛti, nɛ e wo lejɛ ɔ biɛ Ebenezer; nɛ e de ke, “Hiɛmɛ nɛ ɔ Yawɛ ye bua wɔ kɛ ba si.”

2 Korintobi 1:10

Mawu nɛ́ je wɔ kɛ je gbenɔ muɔ nya kaa kikɛ nɛ ɔ ngɛ wɔ jee kɛ mwɔɔ; nɛ e ma je wɔ ekohu. Wa ngɔ wa hɛ kɛ fɔ e nɔ kaa e maa kpale je wɔ kulaa.

Ni Tsumi 26:22

Se Mawu piɛ ye he kɛ ba su mwɔnɛ ligbi nɛ ɔ, nɛ i daa si ngɛ nyɛ hɛ mi kɛ ngɛ odase yee kɛ ngɛ nimli tsuo tsɔɔe, nimli wawi kɛ nimli nguahi tsuo. Nɔ́ nɛ Mose kɛ gbali ɔmɛ de to kaa e maa ba mi ɔ, lɔ ɔ nɔuu nɛ i ngɛ dee.

Matsɛmɛ II, 19:14

Hezekia he womi ɔ ngɛ tsɔli ɔmɛ a dɛ nɛ e kane. Lɔ ɔ se ɔ, e ho Yawɛ we ɔ mi ya nɛ e ya bli womi ɔ mi ngɛ Yawɛ hɛ mi,

Manyadali 6:15

Gideon de lɛ ke, “I kpa mo pɛɛ Yawɛ, kɛ ma pee kɛ kpɔ Israel kɛɛ? Weku nɛ i je mi ɔ ji weku nyafii pe kulaa ngɛ Manase wɛtso ɔ mi. Tsaatsɛ we ɔ mi hu imi ji jokuɛyo pe kulaa.”

Kronika I, 17:15

Natan ya bɔ David níhi nɛ a de lɛ, kɛ nɔ́ nɛ a je ngɔ tsɔɔ lɛ ɔ.

Kronika I, 17:17

Se Mawu lee, enɛ ɔ lɛɛ e ji nɔ́ ko bɔbɔyoo kɛkɛ ngɛ o hɛ mi. O wo si kaa o tsɔlɔ ɔ nina maa hiɛ babauu hwɔɔ se, nɛ mo Yawɛ Mawu, o je sisi bɔni mi hɛɛmi momo kaa nɔmlɔ ngua.

Kronika I, 29:14

“I kɛ ye ma a, mɛnɔmɛ ji wɔ nɛ wa ma nyɛ je wa tsui mi faa kɛ ke mo ní kaa kikɛ nɛ ɔ? Ejakaa nɔ́ tsuaa nɔ́ nɛ wa ngɛ ɔ, mo lɛ o ke wɔ. Lɔ ɔ he ɔ, mo nitsɛ o níhi wa ngɔ ba ha mo nɛ ɔ nɛ.

Kronika II, 1:8

Salomo he nɔ ke, “O je suɔmi agbo kpo ngɔ tsɔɔ tsaatsɛ David; nɛ mwɔnɛ ɔ, o ha nɛ i ba ngɛ tsɛ yee ngɛ e se.