Kronika I, 17:13 - BAIBLO ALOO NGMAMI KLƆUKLƆU Ɔ

¹³ Ma pee e tsɛ, nɛ e maa pee ye bi. Ye suɔmi nɛ ngɛ daa a, i be hae nɛ jamɛ a suɔmi ɔ se nɛ po ngɛ e nɔ kaa bɔ nɛ i pee nɔ nɛ nyɛɛ o hɛ mi ɔ.

Kronika I, 17:13 ပူးပေါင်းရင်းမြစ်များ

Matsɛmɛ I, 11:36

Se Salomo binyumu ɔ lɛɛ ma ngɔ wɛtso kake ngɔ ha lɛ, bɔ nɛ pee nɛ daa nɛ ɔ, ye tsɔlɔ David nina ko nɛ ye tsɛ ngɛ Yerusalem, ma he nɛ i hla, nɛ a jaa mi ngɛ ɔ.

Kronika I, 10:14

se Yawɛ mohu lɛɛ e bi we lɛ ga womi. Enɛ ɔ he je ɔ, Yawɛ gbe lɛ, nɛ e ngɔ e matsɛ yemi ɔ ngɔ ha Ishai bi David.

Kronika I, 17:12

Lɛ ji nɔ nɛ ma ba po we ha mi, nɛ ma ha e matsɛ yemi ɔ maa hi si kɛ maa ya neneene.

Kronika I, 17:14

Ma ngɔ lɛ ngɔ to ye ma a nya, nɛ e maa ye matsɛ ngɛ Israel nɔ kɛ maa ya neneene. E matsɛ yemi ɔ se be poe gblegbleegble.’ ”

La 2:12

Nyɛ he nɛ do blibliibli, nɛ nyɛ kpla si ngɛ e hɛ mi. Ke pi jã a, e mi mi ma fu nyɛ si kake too, nɛ nyɛ hɛ mi ma kpata. Nihi tsuo nɛ ba saa we ngɛ Yawɛ ngɔ ɔ ma na bua jɔmi.

La 2:7

Matsɛ ɔ ke, “Nɔ́ nɛ Yawɛ de mi ɔ, ma sɛɛ nɛ nyɛɛ nu. Yawɛ de mi ke, ‘Ye bi ji mo; mwɔnɛ ɔ, i fɔ mo.

Yesaya 55:3

“Ye ma, nyɛ ta tue, nɛ nyɛɛ ba ye ngɔ; nyɛɛ ba ye ngɔ, konɛ nyɛ yi nɛ na wami. I kɛ nyɛ maa so somi ko nɛ maa hi si kɛ maa ya neneene; nɛ gbaami nɛ i wo David si ke ma ha e nina a, ma kɛ ha nyɛ.

Luka 1:32

E ma ba pee nɔmlɔ nguaa, nɛ a ma tsɛ lɛ ke Hiɔwe No ɔ Bi. Nyɔmtsɛ Mawu maa pee lɛ matsɛ kaa bɔ nɛ e pee e nɛ̃ David ɔ.

Luka 9:35

Kɛkɛ nɛ Mawu tu munyu kɛ je bɔku ɔ mi ke, “Ye Bi nɛ i hla ji nɛ ɔ nɛ; nyɛɛ bu lɛ tue!”

Yohane 3:35

Tsɛ ɔ suɔ e Bi ɔ, nɛ e tu nihi tsuo ngɔ wo e dɛ mi.

2 Korintobi 6:18

Ma pee nyɛ tsɛ, nɛ nyɛ maa pee ye binyumuhi kɛ ye biyihi. Imi, Nyɔmtsɛ Ope ɔ, lɛ i de.”

Hebribi 1:5

Ejakaa Mawu de we e bɔfo ɔmɛ a ti eko hyɛ gblee ke, “Ye Bi ji mo; mwɔnɛ ɔ, i fɔ mo.” Nɛ Mawu tu we hiɔwe bɔfo ko he munyu hyɛ ke, “Ma pee e Tsɛ, nɛ e maa pee ye Bi.”

Samuel I, 15:28

Nɛ Samuel de lɛ ke, “Yawɛ hía Israel matsɛ yemi ɔ kɛ je o he mwɔnɛ ɔ, nɛ e ngɔ kɛ ha o nyɛmi ko nɛ hi pe mo.