Kronika I, 17:11 - BAIBLO ALOO NGMAMI KLƆUKLƆU Ɔ

¹¹ Ke o gbo, nɛ a ya dla mo ngɛ o nɛmɛ ɔmɛ a hwɔ he ɔ, ma wo mo nitsɛ o mi mi bimɛ ɔmɛ a ti nɔ kake matsɛ ngɛ o se, nɛ ma ha e matsɛ yemi ɔ maa ya nɔ.

Kronika I, 17:11 ပူးပေါင်းရင်းမြစ်များ

La 132:11

Yawɛ, kita nɛ o ka David nɛ o be o nya se kpalee ji, “Ma wo o bimɛ ɔmɛ a ti nɔ kake matsɛ, nɛ e maa ye tsɛ ngɛ o se.

Ni Tsumi 13:36

David ɔ, benɛ e tsu nɔ́ nɛ Mawu to ha lɛ ke e ba tsu ngɛ e be ɔ mi gbe nya a, e gbo, nɛ a pu lɛ ngɛ he nɛ a pu e nɛmɛ ɔmɛ ngɛ ɔ, nɛ e puɛ.

Ni Tsumi 2:29

“Ye nyɛmimɛ, nyɛ ha ma tu munyu paa ngɔ tsɔɔ nyɛ ngɛ wa nɛ̃ Matsɛ David he. E gbo nɛ a pu lɛ, nɛ e yɔkɔ ngɛ wa kpɛti kɛ ba si mwɔnɛ ɔ.

Kronika I, 29:28

E na ní babauu, nɛ a buu lɛ hulɔ. E bwɔ kotokoto loko e gbo, nɛ e bi Salomo ba ye matsɛ ngɛ e se.

Kronika I, 29:15

Yawɛ lee, o le kaa wa ngɛ kaa nibwɔhi, kɛ blɔ nyɛɛli kaa wa nɛmɛ ɔmɛ pɛ. Wa wami ligbi ɔmɛ bee kɛ yaa kaa hɔ̃, nɛ wa be nyɛe maa tu gbenɔ nya fo.

Kronika I, 28:5

E ha mi bimɛ babauu, nɛ e hla Salomo kɛ je ye binyumu ɔmɛ tsuo a kpɛti ke e ba hi matsɛ sɛ ɔ nɔ nɛ e ye Yawɛ nitsɛ ma, Israel ɔ nɔ.

Matsɛmɛ I, 8:20

“Amlɔ nɛ ɔ, Yawɛ ye e siwo ɔ nɔ. Kaa bɔ nɛ e de to ɔ, i ba ngɛ tsɛ yee ngɛ Israel ngɛ tsaatsɛ David se, nɛ we ɔ he nɛ a ma ja Yawɛ, Israel Mawu ɔ ngɛ ɔ, i po.

Matsɛmɛ I, 2:10

David ba gbo, nɛ a pu lɛ ngɛ David ma a mi.

Matsɛmɛ I, 1:21

Ke o pee we ja, nɛ hwɔɔ se o ba gbo ɔ, a kɛ imi, kɛ ye bi Salomo maa ye kaa nɔ se blɔ tsɔɔli.”

Mose V, 31:16

Yawɛ de Mose ke, “E be kɛe nɛ o ma gbo; nɛ o gbenɔ se ɔ, Israel ma a be mi anɔkuale yee hu; a be somi nɛ i kɛ mɛ so ɔ nɔ yee. A maa je ye se ya ja ma se mawuhi nɛ ngɛ zugba a nɔ he nɛ a yaa a.

Mose I, 15:15

Mo nitsɛ lɛɛ o maa hi si kɛ yaa si o maa bwɔ kotokoto, nɛ o ma gbo ngɛ he jɔmi mi, nɛ a maa pu mo.

Matsɛmɛ I, 8:19

se kɛ̃ ɔ, tsa pi mo nɛ o maa po we ɔ; mo nitsɛ o bi lɛ ma ba po we ɔ ha mi.’

Kronika I, 17:12

Lɛ ji nɔ nɛ ma ba po we ha mi, nɛ ma ha e matsɛ yemi ɔ maa hi si kɛ maa ya neneene.

Yeremia 33:17

Imi, Yawɛ, i ngɛ si woe kaa David nina maa ye matsɛ ngɛ Israel ma a nɔ daa.

Kronika II, 6:9

Se kɛ̃ ɔ, tsa pi mo nɛ o maa po we ɔ; mo nitsɛ o bi lɛ ma ba po we ɔ ha mi.’

La 89:5

Yawɛ, hiɔwe ma je nyakpɛ níhi nɛ o ngɛ pee ɔ a yi; a ma la kɛ je o yi kaa o yeɔ anɔkuale.