Kronika I, 17:1 - BAIBLO ALOO NGMAMI KLƆUKLƆU Ɔ

¹ Jehanɛ lɛɛ David ba je matsɛ we ɔ mi. Ligbi ko ɔ, e tsɔ ya tsɛ gbalɔ Natan kɛ ba, nɛ e de lɛ ke, “Hyɛ kaa imi i ngɛ we nɛ a ma kɛ seda mi, be mi nɛ Yawɛ somi daka a lɛɛ e ngɛ bo tsu mi!”

Kronika I, 17:1 ပူးပေါင်းရင်းမြစ်များ

Kronika I, 17:5

Kɛ je ligbi ɔ nɛ i ya kpɔ Israel ma a kɛ je Egipt kɛ ba si mwɔnɛ ligbi nɛ ɔ, i hí we ko mi hyɛ; bo tsu ji we nɛ i hii mi ngɛ he tsuaa he nɛ i yaa.

Kronika I, 15:1

David po wehi ngɛ David ma a mi kɛ ha e he. Jehanɛ, e dla he ko kɛ ha Mawu somi daka a, nɛ e ma bo tsu ngɛ lejɛ ɔ kɛ ha lɛ.

Hagai 1:9

“Nyɛ hyɛɛ blɔ kaa ke nyɛ kpa ní ɔ, nyɛ ma na babauu, se bɔbɔyoo pɛ nyɛ naa. Jehanɛ, ke nyɛ ngɔ kɛ ba we mi ɔ, kɛkɛ i ha nɛ e pee kɔɔhiɔ. Mɛni he je i ngɛ ja pee ɔ? Nyɛɛ hyɛ, be mi nɛ ye we ɔ ku kɛ pueɔ si ɔ, nyɛɛ lɛɛ nyɛ ti nɔ tsuaa nɔ ngɛ lɛ nitsɛ e we mae.

Hagai 1:4

“Ye ma, anɛ e sa kaa nyɛɛ hi wehi nɛ a ma saminyawiiwi a mi, be mi nɛ imi nitsɛ ye we ɔ ku kɛ pueɔ si lo?

Daniel 4:4

“Imi Nebukadnezar, i ngɛ ye mɔ ɔ nɔ ngɛ tue mi jɔmi mi, nɛ i plɔke.

Yeremia 22:15

Ke o ngɔ seda kɛ po we saminyayoo nɛ ngɛ fɛu pe ni kpahi a wehi ɔ, anɛ lɔ ɔ peeɔ mo matsɛ slɔɔto ko lo? O tsɛ hi si saminya, nɛ nɔ́ tsuaa nɔ́ hi ha lɛ; e ye je mi ngɔɔmi nɛ e fiɛ e yi nɔ bɔ nɛ sa. Ejakaa e ye dami sane ngɛ nɔ́ tsuaa nɔ́ mi.

La 132:5

kɛ yaa si be nɛ ma na he ko ha mo Yawɛ, Yakob Mawu Ope ɔ, konɛ lejɛ ɔ nɛ pee o hi he!”

Kronika II, 1:4

(Somi daka a lɛɛ benɛ David ya ngɔ lɛ kɛ je Kiriat Yearim kɛ ba Yerusalem ɔ, e pee bo tsu ha lɛ, nɛ e kɛ lɛ ma mi ngɛ lejɛ ɔ.)

Kronika I, 29:29

Matsɛ David he sane kɛ je sisije kɛ ya si nyagbe ɔ, a ngma ngɛ gbali etɛ nɛ ɔmɛ a blema sanehi a mi: Samuel, Natan, kɛ Gad.

Kronika I, 16:1

A ngɔ Yawɛ daka a ya ma bo tsu ɔ nɛ David pee kɛ ha lɛ ɔ mi, nɛ a sã sami bɔhi, kɛ tue mi jɔmi bɔhi kɛ ha Mawu.

Kronika I, 14:1

Tiro matsɛ, Hiram wo tsɔli blɔ kɛ ba David ngɔ. A kɛ seda tsohi ba. Kapitɛhi, kɛ tɛ gbogbo tsu mali hu piɛ a he; a ba konɛ a ba po we ha David.

Matsɛmɛ I, 1:44

Nɛnɛ tsɔ osɔfo Zadok, gbalɔ Natan, Yehoyada binyumu Benaya, kɛ matsɛ we bi a tabo ɔ, nɛ a ya kpee Salomo. A ngɔ lɛ ngɔ hi Matsɛ David nitsɛ teji okpɔngɔ nɔ,

Matsɛmɛ I, 1:23

A ya bɔ matsɛ ɔ amaniɛ ke gbalɔ ɔ ba lejɛ ɔ. Kɛkɛ nɛ Natan sɛ tsu ɔ mi, nɛ e ya kpla si ngɛ Matsɛ David hɛ mi,

Matsɛmɛ I, 1:8

Se osɔfo Zadok, Yehoyada binyumu Benaya, gbalɔ Natan, Shimei, Rei, kɛ nyumuhi katsɛmɛ ɔmɛ nɛ a kɛ David ngɛ ɔ, mɛɛ a piɛ we Adoniya he.

Samuel II, 12:25

nɛ e fa gbalɔ Natan ke e ya wo jokuɛ ɔ biɛ ke Yedidia; e sisi ji, “Nɔ nɛ Yawɛ suɔ lɛ.”

Samuel II, 12:1

Kɛkɛ nɛ Yawɛ tsɔ Natan ya de David ligbi ko ke, “Nyumuhi enyɔ hi ma ko mi; nɔ kake ɔ, niatsɛ ji lɛ, se nɔ kake ɔ lɛɛ ohiatsɛ ji lɛ.

Samuel II, 6:17

A ngɔ Yawɛ daka a ya ma e ma he ngɛ bo tsu nɛ David pee kɛ ha lɛ ɔ mi, nɛ David sã sami bɔhi, kɛ tue mi jɔmi bɔhi kɛ ha Yawɛ.

Ni Tsumi 7:46

David hɛ mi ba nyami ngɛ Mawu hɛ mi; nɛ e kpa Mawu pɛɛ ke e ngmɛ lɛ blɔ nɛ e pee sihi he ko ha lɛ, Yakob Mawu ɔ.

Matsɛmɛ I, 8:17

Salomo ya nɔ nɛ e de ke, “Jinɛ tsaatsɛ David to kaa e maa po we nɛ a ja Yawɛ, Israel Mawu ɔ ngɛ mi,

Kronika I, 17:2

Natan de matsɛ ɔ ke, “Nɔ́ tsuaa nɔ́ nɛ o to kaa o maa pee ɔ, moo pee; ejakaa Mawu kɛ mo ngɛ.”

Kronika I, 22:7

David de lɛ ke, “Ye bi, jinɛ imi nitsɛ i hla kaa ma po we kɛ wo Yawɛ, ye Mawu ɔ hɛ mi nyami.

Kronika I, 28:2

Kɛkɛ nɛ David ba da si ngɛ ma a hɛ mi, nɛ e de ke, “Ye nyɛmimɛ, kɛ ye ma, nyɛɛ bu mi tue! Jinɛ i to nɛ ma po we nitsɛ nɛ a to somi daka a, he nɛ Yawɛ, wa Mawu ɔ hii ɔ ngɛ mi. Nɔ́ tsuaa nɔ́ nɛ he maa hia kɛ ha we nɛ ɔ pomi ɔ, i bua nya.

Mose II, 26:1

“Jehanɛ, kpe he bo tsu ɔ, ngɔɔ bo popoe nyɔngma kɛ pee; a ngɔ kpa bluu, kpa tsu, kɛ kpa nɛ hɛɛ alamua tu su kɛ lo bo nɛ ɔ, nɛ a kadi kerub saminyawiiwi kɛ wo mi.

Kronika I, 22:6

E tsɛ e bi Salomo, nɛ e fa lɛ ke e po we ha Yawɛ Israel Mawu ɔ.