Kronika I, 16:9 - BAIBLO ALOO NGMAMI KLƆUKLƆU Ɔ

⁹ Nyɛ la kɛ je Yawɛ yi; nyɛɛ sɛɛ nyakpɛ níhi nɛ e pee ɔ.

Kronika I, 16:9 ပူးပေါင်းရင်းမြစ်များ

Kolosebi 3:16

Nyɛ ha nɛ Kristo sɛ gbi ɔ nɛ hyi nyɛ fuu. Nyɛɛ tsɔɔ nyɛ he ní, nɛ nyɛɛ wo nyɛ sibi ga kɛ juɛmi nɛ mi kuɔ. Nyɛ la La womi ɔ mi lahi, yi jemi lahi, kɛ mumi mi lahi kɛ je nyɛ tsui mi nɛ nyɛ kɛ na Mawu si.

Yakobo 5:13

Ke amanehlu ba nyɛ ti nɔ ko nɔ ɔ, e sɔle. Ke nyɛ ti nɔ ko bua jɔ ɔ, e la yi jemi la.

Mateo 26:30

Kɛkɛ nɛ a la yi jemi la, nɛ a je kpo, nɛ a pue nɔ kɛ ho Oliv yo ɔ nɔ ya.

Efesobi 5:19

Nyɛɛ kɛ nyɛ sibi nɛ sɛɛ munyuhi nɛ ngɛ saku fiami, yi jemi, kɛ mumi mi la amɛ a mi ɔ a he ní. Nyɛɛ fia saku, nɛ nyɛ la kɛ je nyɛ tsui mi tɔɔ nɛ nyɛ kɛ je Nyɔmtsɛ ɔ yi.

La 71:17

Mawu, kɛ je ye nihe mi tɔɔ nɛ o tsɔɔ mi ní, nɛ amlɔ nɛ ɔ hu i ngɛ o nyakpɛ ní tsumi ɔmɛ a he odase yee.

La 40:10

Kikɛmɛ a yi wami hemi munyu nɛ ɔ, i ngɔɛ kɛ to we imi nɔ kake too ye yi mi. Daa nɛ ɔ, i jajeɔ ke o yeɔ anɔkuale; i deɔ ke o heɔ nɔ yi wami. O suɔmi, kɛ o we anɔkuale yemi ɔ, i ngɔɛ kɛ laa we o ma kpekpemi ɔ.

Malaki 3:16

Kɛkɛ nɛ nihi nɛ yeɔ Yawɛ gbeye ɔ kɛ a sibi tu munyu, nɛ Yawɛ bu tue nɛ e nu nɔ́ nɛ a ngɛ dee ɔ. Ngɛ e hɛ mi ɔ, a ngma nihi tsuo nɛ a yeɔ Yawɛ gbeye, nɛ a buɔ lɛ ɔ a biɛ.

La 145:12

Kɛkɛ ɔ, nihi tsuo maa le ní nguanguahi nɛ o pee, kɛ o matsɛ yemi ɔ we agboje.

Kronika I, 16:8

Nyɛɛ na Yawɛ si, nyɛɛ wo e biɛ ta; nyɛ ha je ma amɛ nɛ a le e ní peemi ní ɔmɛ.

Kronika I, 16:10

Nyɛɛ wo Yawɛ biɛ klɔuklɔu ɔ hɛ mi nyami. Nyɛ nihi nɛ nyɛ hlaa e se blɔ ɔ, nyɛ nya kɛ nyɛ tsui tsuo!

Hiob 36:24

Nihi ngɛ Mawu yi jee ngɛ e ní tsumi kpetekpleenyɛ ɔmɛ a he; mo hu mo je e yi koo.

Kronika I, 16:24

Nyɛɛ sɛɛ e hɛ mi nyami ɔ he ní ha je ma amɛ. E nyakpɛ ní tsumi ɔmɛ hu, nyɛ de nɛ ma amɛ tsuo nɛ a nu.