Kronika I, 16:41 - BAIBLO ALOO NGMAMI KLƆUKLƆU Ɔ

⁴¹ Ni nɛmɛ nɛ piɛɔ a he kɛ tsuɔ ní tsumi nɛ ɔ ngɛ lejɛ ɔ ji Heman, Yedutun, kɛ ni komɛ nɛ a je blɔ hla mɛ ke a la kɛ je Yawɛ yi ngɛ e suɔmi nɛ ngɛ daa a he.

Kronika I, 16:41 ပူးပေါင်းရင်းမြစ်များ

Ezra 3:11

Ma kpekpemi ɔ la yi jemi la, kɛ sina la kɛ ha Yawɛ; nɛ munyu nɛ a kɛ heɔ la a nɔ ɔ, a ti mi si abɔ ke, “Yawɛ hi, nɛ e suɔmi nɛ e kɛ suɔ Israel ɔ ngɛ kɛ yaa neneene.” Jehanɛ benɛ a fia Yawɛ we ɔ sisi tomi ɔ ta a, ma kpekpemi ɔ tsuo hwɔ lele nɛ a je Mawu yi.

Kronika II, 20:21

Enɛ ɔ se ɔ, matsɛ ɔ kɛ ma a kpe yi, nɛ e fa lali ɔmɛ ke a wo a tade klɔuklɔu ɔmɛ, nɛ a nyɛɛ tabo ɔ hɛ mi, nɛ a hi lae ke, “Nyɛɛ na Yawɛ si, ejakaa e suɔmi ɔ ngɛ daa!”

Kronika II, 7:3

Benɛ Israel bi ɔmɛ tsuo na la nɛ je hiɔwe ɔ, kɛ Yawɛ hɛ mi nyami ɔ nɛ ba hyi we ɔ tɔ ɔ, a kɛ a hɛ mi bu si ngɛ he nɛ a ka tɛ ngɛ ɔ. A ja Yawɛ, nɛ a na lɛ si, nɛ a de ke, “A je Yawɛ yi! Ejakaa e hi, Ejakaa e mɔbɔ nami ɔ ngɛ kɛ yaa neneene.”

Kronika I, 16:34

Nyɛɛ na Yawɛ si, ejakaa e hi; e suɔmi ɔ ngɛ kɛ yaa neneene.

Kronika I, 6:33

Nimli nɛ ɔmɛ, kɛ a nina ji nihi nɛ tsu ní tsumi nɛ ɔ nɛ. Kekleekle lali a kuu ɔ, a nya dalɔ ji Heman. Heman je Kohat weku ɔ mi, nɛ e tsɛ ji Yoel. Bɔ nɛ Heman weku kpa a nyɛɛ senyasenya kɛ ya si Yakob nɔ ji nɛ ɔ nɛ: Heman, Yoel, Samuel,

Mose IV, 1:17

Mose kɛ Aaron fɔ̃ nihi nɛ a tsɔɔ a biɛ nɛ ɔ nine. Nyɔhiɔ enyɔne ɔ we kekleekle ligbi ɔ, a bua Israel ma kpekpemi ɔ nya nɛ a kane mɛ kakaaka, weku nya weku nya, kɛ we puɔ nya we puɔ nya. A kane nyumuhi tsuo nɛ ye jeha nyingmi enyɔ, kɛ ni nɛmɛ nɛ ye pe ja kakaaka,

Luka 1:50

E naa nihi nɛ buɔ lɛ ɔ mɔbɔ yi nɔhi tsuo.

Yeremia 33:11

bua jɔmi, kɛ lele hwɔmi gbi ekohu. Nyɛ maa nu ayɛflo kɛ e huno a gbi, kɛ la nɛ nihi nɛ ngɔ sina bɔhi kɛ ma Yawɛ we ɔ ngɛ lae ke, ‘Nyɛɛ na Yawɛ Tabohiatsɛ ɔ si, ejakaa Yawɛ hi, nɛ e suɔmi ɔ ngɛ daa!’ Ma ha nɛ kplɔkɔtɔ, kɛ he jɔmi maa ba zugba nɛ ɔ nɔ kaa kekle ko ɔ. Imi, Yawɛ lɛ i de.”

La 103:17

Se Yawɛ suɔmi nɛ be nyagbe ɔ ngɛ kɛ ha nihi nɛ yeɔ lɛ gbeye. A weku kɛ nina hu Yawɛ maa pee mɛ kpakpa daa,

Ezra 8:20

Nimli nɛ ɔmɛ a se ɔ, Mawu we ɔ ní tsuli lafa enyɔ kɛ nyingmi enyɔ hu ba. Matsɛ David kɛ e tsɔli ɔmɛ nɛ a hla nimli nɛ ɔmɛ ngɔ to kaa a piɛ Levi bi ɔmɛ a he kɛ sɔmɔ. Nɛ a wo mɛ tsuo a biɛ ta ngɛ womi ɔ mi.

Kronika I, 16:37

David ngɔ Asaf kɛ e nyɛmimɛ Levi bi ɔmɛ ngɔ to jami ní tsumi ɔ nya ngɛ he nɛ a ngɔ somi daka a ya ma a. Daa ligbi ɔ, ní tsumi tsuaa ní tsumi nɛ hia kaa a tsu ngɛ lejɛ ɔ, a tsuɔ.

La 39:1

I de ke, “Ma hyɛ ye he nɔ saminya, konɛ i kɛ ye lilɛ ko pee yayami. Be abɔ nɛ i ngɛ yayami peeli a kpɛti ɔ, ma ma ye nya.”

La 77:1

I fa kue boboobo ha Mawu; i fa kue ha Mawu, nɛ e nu ye gbi.

La 106:1

Nyɛ je Yawɛ yi! Nyɛɛ na Yawɛ si, ejakaa e hi; e naa mɔbɔ kɛ yaa neneene!

La 136:1

Nyɛɛ na Yawɛ si; ejakaa Yawɛ hi, nɛ e suɔmi ɔ ngɛ kɛ yaa neneene!

Ezekiel 40:44

Jehanɛ nyumu ɔ kɛ mi ba mi mi je kue ɔ mi. Tsu enyɔ ngɛ lejɛ ɔ nɛ a bliɔ a sinya amɛ kɛ baa we ɔ mi je; kake ngɛ omleyi je agbo ɔ nya, nɛ e hɛ mi kpee leneyi je; nɛ kake hu ngɛ leneyi je agbo ɔ nya, nɛ e hɛ mi kpee omleyi je.

Kronika I, 15:17

Nihi nɛ a hla kɛ je lali a weku ɔmɛ a mi nɛ a fia akɔblee ngmlɛhi ji Heman, Yoel bi ɔ e nyɛmi Asaf, Berekia bi ɔ, kɛ Etan, Kushaya bi ɔ nɛ je Merari weku ɔ mi ɔ. A he piɛli nɛ a hla nɛ a fia kpa saku nɛ gbi ya hiɔwe ɔ ji Levi bi nɛ ɔmɛ: Zakaria, Yaaziel, Shemiramot, Yehiel, Uni, Eliab, Maaseya, kɛ Benaya. Jehanɛ, a hla Levi bi nɛ ɔmɛ hulɔ nɛ mɛɛ a fia kpa saku nɛ gbi ba si ɔ: Matitia, Elifelehu, Mikneya, kɛ Azazia. A hla Yawɛ we buli enyɔ hu kɛ piɛ a he; a tsɛɛ nɔ kake ke Obed Edom, nɛ a tsɛɛ nɔ kake hu ke Yeyel.