Kronika I, 16:33 - BAIBLO ALOO NGMAMI KLƆUKLƆU Ɔ

³³ Ke Yawɛ ma nɛ e ba kojo je ɔ, pu mi tsohi ma hwɔ lele ngɛ e hɛ mi.

Kronika I, 16:33 ပူးပေါင်းရင်းမြစ်များ

La 98:9

ejakaa e ma nɛ e ba kojo je ɔ. Yawɛ maa kojo je ɔ ngɛ dami, kɛ anɔkuale nya.

2 Petro 3:14

Lɔ ɔ he ɔ, ye nyɛmimɛ nɛ i suɔ! Be mi nɛ nyɛ ngɛ ní nɛ ɔmɛ blɔ hyɛe ɔ, nyɛɛ bɔ mɔde nɛ Mawu ko na mu, loo piami nɔ́ ko ngɛ nyɛ he; nyɛɛ kɛ lɛ nɛ hi si ngɛ he jɔmi mi.

2 Tesalonikabi 1:8

kɛ la nɛ ngɛ tsoe plamplam. Nihi nɛ li Mawu, kɛ ni nɛmɛ nɛ bui Nyɔmtsɛ Yesu sane kpakpa a, e kɛ mɛ maa to ní.

2 Tesalonikabi 1:10

ligbi ɔ nɛ e maa ba nɛ e ni klɔuklɔu ɔmɛ ma je e yi, nɛ nihi nɛ heɔ lɛ yeɔ maa wo e hɛ mi nyami ɔ. Nɛ nyɛ hu nyɛ maa piɛ a he, ejakaa sɛ gbi ɔ nɛ wa ngɔ ba ha nyɛ ɔ, nyɛ he ye.

Kronika I, 16:32

Wo, kɛ o mi níhi tsuo, nyɛɛ wo gbi; ngmɔhi, kɛ nyɛ nɔ ní tsuo, nyɛ nya!

Kronika I, 16:34

Nyɛɛ na Yawɛ si, ejakaa e hi; e suɔmi ɔ ngɛ kɛ yaa neneene.

Yesaya 55:12

“Nyɛɛ kɛ bua jɔmi maa je lejɛ ɔ. A maa ngɔ nyɛ kɛ je ngɛ tue mi jɔmi mi. Yo ɔmɛ, kɛ yoku ɔmɛ maa hia la, nɛ pu mi tso ɔmɛ tsuo maa fia a dɛ mi.

Mose I, 18:25

Dɛbi, e ko ba mi kaa o maa pee nɔ́ nɛ ɔ, kaa o maa gbe dali kɛ nimli yayamihi kɛ bla. Ke o pee ja a, kɛkɛ o gbla dali kɛ nimli yayamihi tsuo a tue kɛ bla. Dɛbi, e ko ba mi ja; je ɔ tsuo kojolɔ ɔ, e sa kaa e yeɔ dami sane.”

La 9:9

Yawɛ ji wesa he kɛ ha nihi nɛ a waa mɛ yi mi. Haomi be mi ɔ, e ngɔ lɛ a naa he jɔmi ngɛ.

Yesaya 44:23

Nyɛ hiɔwe tsuo, nyɛ la nɛ nyɛ nya; nyɛ zugba a sisi hehi nɛ kuɔ, nyɛ he ose! Nyɛ yo ɔmɛ, kɛ hue ɔmɛ kɛ a mi tso ɔmɛ tsuo, nyɛɛ kɛ bua jɔmi nɛ he ose. A je Yawɛ he wami kpetekpleenyɛ ɔ yi; ejakaa e he e ma Israel yi wami.