Kronika I, 16:32 - BAIBLO ALOO NGMAMI KLƆUKLƆU Ɔ

³² Wo, kɛ o mi níhi tsuo, nyɛɛ wo gbi; ngmɔhi, kɛ nyɛ nɔ ní tsuo, nyɛ nya!

Kronika I, 16:32 ပူးပေါင်းရင်းမြစ်များ

Yesaya 44:23

Nyɛ hiɔwe tsuo, nyɛ la nɛ nyɛ nya; nyɛ zugba a sisi hehi nɛ kuɔ, nyɛ he ose! Nyɛ yo ɔmɛ, kɛ hue ɔmɛ kɛ a mi tso ɔmɛ tsuo, nyɛɛ kɛ bua jɔmi nɛ he ose. A je Yawɛ he wami kpetekpleenyɛ ɔ yi; ejakaa e he e ma Israel yi wami.

La 93:4

Se Yawɛ nɛ ngɛ hiɔwe ɔ he wa kulaa pe wo ɔ nɛ ngɛ pɛe ɔ; Yawɛ he wa kulaa pe wo nɔ oslɔke ɔmɛ.

Kronika I, 16:33

Ke Yawɛ ma nɛ e ba kojo je ɔ, pu mi tsohi ma hwɔ lele ngɛ e hɛ mi.

Yesaya 42:10

Nyɛ la la he ha Yawɛ; nyɛ je ɔ tsuo, nyɛ la kɛ je e yi! Nyɛ nihi nɛ nyɛ nyɛɛ wo hɛ mi, nyɛ je e yi! Nibɔ níhi tsuo nɛ ngɛ wo ɔ mi, nyɛ je e yi! Zugbahi ngɛ tsitsaa lokoo, kɛ nihi tsuo nɛ ngɛ a nɔ, nyɛ je e yi!

La 69:35

Ejakaa Mawu ma he Yerusalem yi wami, e maa pee Yuda ma amɛ ehe ekohu. E tsɔli ɔmɛ maa hi lejɛ ɔ, nɛ zugba a maa pee a nɔ́.

La 96:11

Hiɔwe, kɛ zugba, nyɛ nya! Wo, kɛ o mi níhi tsuo, nyɛɛ wo gbi.