Kronika I, 16:30 - BAIBLO ALOO NGMAMI KLƆUKLƆU Ɔ

³⁰ Nyɛ je ɔ tsuo, nyɛ he nɛ do ngɛ e hɛ mi! A ngɔ je ɔ ngɔ ma si ngɛ e hi he, nɛ nɔ ko be nyɛe ma mimiɛ lɛ.

Kronika I, 16:30 ပူးပေါင်းရင်းမြစ်များ

La 33:9

Ejakaa munyu kɛkɛ lɛ e tu nɛ e kɛ bɔ je ɔ. Fami kɛkɛ lɛ e fa nɛ níhi tsuo ba.

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

La 93:1

Yawɛ ngɛ matsɛ yee. E mia kɛ agboje, kɛ he wami. Ee, e ngɔ je ɔ ngɔ ma si kpɛii, nɛ a be nyɛe ma je kɛ je e blɔ he.

Kolosebi 1:17

Kristo ngɛ loko a bɔ níhi tsuo, nɛ lɛ nɛ ha nɛ níhi tsuo ngɛ a hanɔ pɛpɛɛpɛ.

Yeremia 10:12

Yawɛ lɛ bɔ je ɔ ngɛ e he wami nya. Nile lɛ e kɛ bɔ je ɔ, nɛ jamɛ a nile ɔ nɔuu e kɛ bli hiɔwe mi.

Yesaya 49:8

Bɔ nɛ Yawɛ ngɛ e ma a dee ji nɛ ɔ nɛ, “Ke be su nɛ ma he nyɛ yi wami ɔ, ma na nyɛ mɔbɔ; ngmlaa nɛ nyɛ ngɛ kpae ke ma ba piɛ nyɛ he ɔ, ma bu tue. Ma bu nyɛ he, nɛ ma baa nyɛ yi, nɛ ma gu nyɛ nɔ nɛ i kɛ je ma amɛ tsuo maa so. Nyɛ nitsɛmɛ nyɛ zugba nɛ hɛ mi kpata a, ma ha nyɛ ma ba hi nɔ ekohu.

La 96:9

Nyɛɛ pee klɔuklɔu nɛ nyɛ ja Yawɛ; nyɛ je ɔ tsuo, nyɛ he nɛ do blibliibli ngɛ e hɛ mi.

Kronika I, 16:25

Yawɛ kle, nɛ e sa yi jemi wawɛɛ nitsɛ. E sa nɛ a wo e hɛ mi nyami pe mawu ɔmɛ tsuo.

Kronika I, 16:23

Nyɛ la ha Yawɛ, nyɛ je ɔ tsuo! Nyɛɛ fiɛ manye sane ɔ daa ligbi kaa Yawɛ he wa yi wami.

Kronika I, 16:29

Nyɛɛ ngɔ hɛ mi nyami nɛ sa Yawɛ biɛ ɔ kɛ ha lɛ; nyɛɛ hɛɛ nɔke nɔ́ ko kɛ ba e hɛ mi. Nyɛɛ pee nyɛ he klɔuklɔu; nyɛ bua nyɛ he nya, nɛ nyɛ ja Yawɛ.

Kronika I, 16:31

Hiɔwe kɛ zugba, nyɛ nya! Nyɛ de je ma amɛ ke Yawɛ ngɛ matsɛ yee.

La 76:8

O kojo, nɛ a nu he kɛ je hiɔwe tɔɔ; je ɔ ye gbeye, nɛ e pee dii.

La 99:1

Yawɛ ngɛ matsɛ yee; je ma amɛ a he ngɛ doe blibliibli. E hii si ngɛ e sɛ ɔ nɔ ngɛ kerub ɔmɛ a nɔ, nɛ zugba ngɛ mimiɛe.