Kronika I, 16:3 - BAIBLO ALOO NGMAMI KLƆUKLƆU Ɔ

³ nɛ e dla ní ha ma kpekpemi ɔ, nyumuhi kɛ yihi tsuo. Nɔ tsuaa nɔ ná abolo bɔbɔɛ kake, lo nɛ a sã kpɔ kake, kɛ wai yiblii gbigbli nɛ a kɛ si tatale.

Kronika I, 16:3 ပူးပေါင်းရင်းမြစ်များ

Ezekiel 45:17

Sami bɔ ɔmɛ, niye ní bɔ ɔmɛ, kɛ wai bɔ ɔmɛ nɛ a kɛ baa Nyɔhiɔhe nyami be, Hejɔɔmi ligbi, kɛ nyami be kpa amɛ tsuo nɛ Israel bi ɔmɛ yeɔ ɔ, ganɔ ɔ blɔ nya ji kaa e ha mɛ. Lɛ nɔuu lɛ e haa bɔ nɛ ɔmɛ nɛ a kɛ peeɔ kusumi kɛ kpataa Yawɛ kɛ haa Israel ma a: yayami pami bɔ, niye ní bɔ, sami bɔ, kɛ tue mi jɔmi bɔ.”

Nehemia 8:10

Mohu nyɛɛ ya nyɛ we ɔmɛ a mi, nɛ nyɛ ya ye ní kpakpa, nɛ nyɛɛ nu wai ngɔngɔɛ. Nyɛ nyɛmimɛ ɔmɛ nɛ a be eko ɔ, nyɛ ha mɛ eko. Mwɔnɛ ligbi nɛ ɔ ji ligbi klɔuklɔu ha Yawɛ nyɛ Mawu ɔ, lɔ ɔ he ɔ, nyɛ ko pee mɔbɔmɔbɔ. Bua jɔmi nɛ Yawɛ ngɛ nyɛ hae ɔ ma ha nɛ nyɛ ma na he wami.”

1 Petro 4:9

Nyɛ he nyɛ sibi atuu ngɛ nyɛ wehi a mi, nɛ nyɛ ko de ke nɔ́ nɛ ɔ peemi wa tsɔ.

Kronika II, 30:24

Matsɛ Hezekia ha ma a na ku akpe, kɛ jijɔ akpe kpaago ke a gbe nɛ a ye; nɛ ganɔ ɔmɛ hu ha mɛ na ku akpe, kɛ jijɔ akpe nyɔngma. Osɔfohi babauu pee a he klɔuklɔu.

Kronika I, 16:2

Benɛ David sã bɔ ɔmɛ gbe nya a, e gbaa ma a ngɛ Yawɛ biɛ mi,

Kronika I, 16:4

David hla Levi bi komɛ nɛ a da ma a nya kɛ ja Yawɛ, Israel Mawu ɔ ngɛ somi daka a hɛ mi; a ní tsumi ji a tsɛ Mawu, a na Mawu si, nɛ a je Mawu yi daa.

Lahi 2:5

Nyɛ ha mi wai yiblii gbigbli nɛ ma ye, konɛ ma na he wami. Nyɛ ha mi tso yiblii nɛ ngɔɔ saminya nɛ ma kɛ jɔɔ ye tsui he; ejakaa suɔmi ɔ ngɛ mi gbee.

Yesaya 16:7

Lɔ ɔ he ɔ, Moab bi ɔmɛ maa wo yana ngɛ amanehlu nɛ a maa na a he. Mɛ tsuo a maa wo yana, ke a kai niye ní kpakpa amɛ nɛ a ye be ko nɛ be ngɛ Kir Heres ɔ. Nɛ a maa pee yeyeeye.

Hosea 3:1

Yawɛ de mi ekohu ke, “Yaa nɛ o ya hla yo gba puɛlɔ, nɛ o suɔ lɛ, kaa bɔ nɛ imi hu i suɔ ye ma Israel ɔ. Ye ma Israel kua mi; a ya ngɛ mawu kpahi a se nyɛɛe, nɛ a kɛ wai yiblii gbigbli sãã bɔ kɛ haa mɛ lɛɛ, se kɛ̃, i suɔ mɛ.”

Matsɛmɛ I, 3:15

Salomo hɛ tsɛ, nɛ e na kaa nlami lɛ e nla. E ya Yerusalem, nɛ e ya da si ngɛ Yawɛ somi daka a hɛ mi, nɛ e sã sami bɔhi, kɛ tue mi jɔmi bɔhi. Lɔ ɔ se ɔ, e ngmɛ e tsɔli ɔmɛ tsuo okplɔɔ.