Kronika I, 16:29 - BAIBLO ALOO NGMAMI KLƆUKLƆU Ɔ

²⁹ Nyɛɛ ngɔ hɛ mi nyami nɛ sa Yawɛ biɛ ɔ kɛ ha lɛ; nyɛɛ hɛɛ nɔke nɔ́ ko kɛ ba e hɛ mi. Nyɛɛ pee nyɛ he klɔuklɔu; nyɛ bua nyɛ he nya, nɛ nyɛ ja Yawɛ.

Kronika I, 16:29 ပူးပေါင်းရင်းမြစ်များ

La 100:4

Nyɛɛ ngɔ sina ba ha lɛ ngɛ e we ɔ; nyɛ je e yi ngɛ e kue ɔmɛ a mi. Nyɛɛ na lɛ si, nɛ nyɛ je e yi.

Yesaya 6:3

A ti nɔ tsuaa nɔ ngɛ e sibi dee boboobo ke, “Klɔuklɔu, klɔuklɔu, klɔuklɔu! Yawɛ Tabohiatsɛ ɔ ngɛ klɔuklɔu! E hɛ mi nyami ɔ hyi je ɔ tsuo.”

La 96:9

Nyɛɛ pee klɔuklɔu nɛ nyɛ ja Yawɛ; nyɛ je ɔ tsuo, nyɛ he nɛ do blibliibli ngɛ e hɛ mi.

La 96:6

Hɛ mi nyami kɛ agboje bɔle lɛ kɛ kpe; he wami, kɛ afɛu ní hyi e we ɔ.

La 95:2

Nyɛ ha nɛ waa ba e hɛ mi kɛ sina, nɛ wa he ose, nɛ wa la yi jemi lahi.

La 29:2

Nyɛɛ wo Yawɛ hɛ mi nyami bɔ nɛ sa lɛ. Nyɛ ja Yawɛ ngɛ klɔuklɔu peemi mi.

La 72:15

Matsɛ ɔ yi nɛ na wami! Á ngɔ Arabia sika tsu kɛ ba ha lɛ! A kpa Mawu pɛɛ kɛ ha lɛ be tsuaa be, nɛ a bi gbaami ha lɛ daa ligbi!

Kpojemi 7:12

nɛ a de ke, “Amen! Wa Mawu! Wa ngɛ o yi jee; wa ngɛ o hɛ mi nyami woe, nɛ wa ngɛ mo si nae kɛ yaa neneene. Ejakaa o le ní; o kle, nɛ o je agbo! Amen!”

La 110:3

Ligbi ɔ nɛ o maa hia ta kɛ wo o he nyɛli ɔmɛ ɔ, o ma mi bi ɔmɛ maa ngɔ a he kɛ ha ngɛ mɛ nitsɛmɛ a suɔmi nya. Nihewi babauu ma ba pue si ngɛ yo klɔuklɔu ɔmɛ a nɔ kaa makɛ bɔ́.

Kronika II, 20:21

Enɛ ɔ se ɔ, matsɛ ɔ kɛ ma a kpe yi, nɛ e fa lali ɔmɛ ke a wo a tade klɔuklɔu ɔmɛ, nɛ a nyɛɛ tabo ɔ hɛ mi, nɛ a hi lae ke, “Nyɛɛ na Yawɛ si, ejakaa e suɔmi ɔ ngɛ daa!”

Ezekiel 24:25

“Nɛ mo, nɔmlɔ adesa, jamɛ a ligbi ɔ nɛ ma kpɔ a he wami ɔ ngɛ a dɛ, nɛ a bua jɔmi, a hɛ mi nyami, kɛ afɛu nɔ́, kɛ nɔ́ nɛ a suɔ kɛ a tsui tsuo ɔ maa laa mɛ ɔ, a binyumuhi, kɛ a biyihi tsuo a hɛ mi ma kpata.

La 72:10

Matsɛmɛ nɛ je Spania, kɛ zugbahi nɛ wo bɔle mɛ ɔ a nɔ ɔ, á tsu to kɛ ba ha lɛ, nɛ Sheba, kɛ Seba matsɛmɛ ɔmɛ nɛ a ba ke lɛ ní!

La 50:2

Mawu hɛ mi nyami ɔ ngɛ kpɛe saminyayoo; Zion, ma nɛ ngɛ fɛu kɛ pi si ɔ mi e ngɛ kpɛe kɛ ngɛ jee.

Ezekiel 7:20

A ngɔ a he dlami ní saminyawiiwi nɛ ɔmɛ kɛ pee amagahi, níhi nɛ a hiee, kɛ níhi nɛ ngɛ tai. Enɛ ɔ he ɔ, Yawɛ ha nɛ a june ɔmɛ plɛ pee níhi nɛ he tsɔ we ha mɛ.

Samuel I, 6:5

Lɔ ɔ he ɔ, nyɛɛ pee sika tsu tslɔɔ nɛ ɔmɛ, kɛ sika tsu kɔkue nɛ ɔmɛ nɛ daa si ha kɔkuehi nɛ ba ngɛ nyɛ zugba a hɛ mi kpatae ɔ, konɛ nyɛ ya wo Israel Mawu ɔ hɛ mi nyami kaa, alini e maa jɔɔ nyɛɛ kɛ nyɛ wɔ ɔmɛ, kɛ nyɛ zugba a tue gblami lo.

Kronika I, 16:28

Nyɛ je ma amɛ tsuo, nyɛ je Yawɛ yi; nyɛ je e hɛ mi nyami, kɛ e he wami ɔ yi.

Kronika I, 16:30

Nyɛ je ɔ tsuo, nyɛ he nɛ do ngɛ e hɛ mi! A ngɔ je ɔ ngɔ ma si ngɛ e hi he, nɛ nɔ ko be nyɛe ma mimiɛ lɛ.

La 29:1

Nyɛ, Mawu bimɛ, nyɛ je Yawɛ yi, nɛ nyɛɛ wo e hɛ mi nyami.

La 96:7

Nyɛ je ma amɛ tsuo, nyɛ je Yawɛ yi. Nyɛ je e hɛ mi nyami, kɛ e he wami ɔ yi.

Yesaya 52:1

Yerusalem, tee si nɛ o pee ma nguaa ekohu! Mawu ma klɔuklɔu, o hɛ mi nɛ ba nyami, nɛ́ a bu mo saminya! Ma je li be hiɛ ɔ bae hu gblegbleegble.