Kronika I, 16:28 - BAIBLO ALOO NGMAMI KLƆUKLƆU Ɔ

²⁸ Nyɛ je ma amɛ tsuo, nyɛ je Yawɛ yi; nyɛ je e hɛ mi nyami, kɛ e he wami ɔ yi.

Kronika I, 16:28 ပူးပေါင်းရင်းမြစ်များ

1 Korintobi 15:10

Se Mawu dloomi lɛ pee mi nɔ́ nɛ i ji mwɔnɛ nɛ ɔ, nɛ dloomi nɛ e dloo mi ɔ pee we yaka. Ee, i tsu ní wawɛɛ pe bɔfo kpa amɛ tsuo kulaa, se pi imi; Mawu dloomi ɔ mohu lɛ tsu ní ɔ.

Filipibi 4:13

Kristo lɛ woɔ mi he wami, nɛ e haa nɛ i nyɛɔ peeɔ nɔ́ tsuaa nɔ́.

La 68:34

Nyɛɛ fiɛ Mawu he wami ɔ; e ngɛ he wami ngɛ Israel nɔ; e ngɛ hiɔwe nɔ he wami hulɔ.

Efesobi 1:6

E sa kaa wa je Mawu yi kaa e gu e dloomi nɛ hɛ mi ngɛ nyami ɔ nɔ ngɔ e bi nɛ e suɔ ɔ ngɔ ke wɔ yaka gu!

Yesaya 11:10

Jamɛ a ligbi ɔ, matsɛ he nɛ je Ishai powu ɔ mi ɔ maa da si kaa okadi ko ha je ma amɛ. A ma bua a he nya kɛ maa ba e matsɛ ma a mi, nɛ a ma ba wo e hɛ mi nyami.

La 98:4

Je ɔ tsuo, nyɛ hwɔ lele kɛ ha Yawɛ. Nyɛ he ose, nɛ nyɛ la kɛ bua jɔmi kɛ je e yi.

La 67:7

Mawu gbaa wɔ; je ɔ tsuo nɛ a ye lɛ gbeye!

La 67:4

Ha nɛ je ma amɛ a bua nɛ jɔ nɛ a la kɛ bua jɔmi, ejakaa o kojoɔ je ma amɛ pɛpɛɛpɛ nɛ nɔ hɛ mi hyɛmi be mi. Mo lɛ o tsɔɔ ma amɛ tsuo blɔ ngɛ je ɔ mi.

Samuel I, 6:5

Lɔ ɔ he ɔ, nyɛɛ pee sika tsu tslɔɔ nɛ ɔmɛ, kɛ sika tsu kɔkue nɛ ɔmɛ nɛ daa si ha kɔkuehi nɛ ba ngɛ nyɛ zugba a hɛ mi kpatae ɔ, konɛ nyɛ ya wo Israel Mawu ɔ hɛ mi nyami kaa, alini e maa jɔɔ nyɛɛ kɛ nyɛ wɔ ɔmɛ, kɛ nyɛ zugba a tue gblami lo.

Kronika I, 16:27

Hɛ mi nyami, kɛ agboje bɔle lɛ kɛ kpe; he wami kɛ bua jɔmi hyi e we ɔ.

Kronika I, 16:29

Nyɛɛ ngɔ hɛ mi nyami nɛ sa Yawɛ biɛ ɔ kɛ ha lɛ; nyɛɛ hɛɛ nɔke nɔ́ ko kɛ ba e hɛ mi. Nyɛɛ pee nyɛ he klɔuklɔu; nyɛ bua nyɛ he nya, nɛ nyɛ ja Yawɛ.

La 96:7

Nyɛ je ma amɛ tsuo, nyɛ je Yawɛ yi. Nyɛ je e hɛ mi nyami, kɛ e he wami ɔ yi.