Kronika I, 16:23 - BAIBLO ALOO NGMAMI KLƆUKLƆU Ɔ

²³ Nyɛ la ha Yawɛ, nyɛ je ɔ tsuo! Nyɛɛ fiɛ manye sane ɔ daa ligbi kaa Yawɛ he wa yi wami.

Kronika I, 16:23 ပူးပေါင်းရင်းမြစ်များ

La 71:15

Ligbi mluku ɔ tsuo ma wo o ta kaa o yeɔ dami sane; ma de daa ke yi wami helɔ ji mo. Pohu níhi nɛ o peeɔ ɔ hiɛ babauu pe bɔ nɛ ye juɛmi maa su he hulɔ.

Yesaya 12:5

Nyɛ la kɛ je Yawɛ yi, ejakaa e tsu ní nguanguahi. Nyɛ ha je ɔ tsuo nɛ nu nɔ́ nɛ ɔ.

La 40:10

Kikɛmɛ a yi wami hemi munyu nɛ ɔ, i ngɔɛ kɛ to we imi nɔ kake too ye yi mi. Daa nɛ ɔ, i jajeɔ ke o yeɔ anɔkuale; i deɔ ke o heɔ nɔ yi wami. O suɔmi, kɛ o we anɔkuale yemi ɔ, i ngɔɛ kɛ laa we o ma kpekpemi ɔ.

La 30:4

Nyɛ, Yawɛ ni klɔuklɔuhi, nyɛ la kɛ je Yawɛ yi. Nyɛ kai níhi nɛ nɔ klɔuklɔu ɔ tsu, nɛ nyɛɛ na lɛ si.

Kronika I, 16:9

Nyɛ la kɛ je Yawɛ yi; nyɛɛ sɛɛ nyakpɛ níhi nɛ e pee ɔ.

Mose II, 15:21

Nɛ Miriam la ha mɛ ke, “Nyɛ la kɛ je Yawɛ yi, ejakaa e ye kunimi nguaa. E tsɛ̃ okpɔngɔ kɛ e nɔ hilɔ ɔ kɛ wo wo ɔ mi bum!”

Kronika I, 16:24

Nyɛɛ sɛɛ e hɛ mi nyami ɔ he ní ha je ma amɛ. E nyakpɛ ní tsumi ɔmɛ hu, nyɛ de nɛ ma amɛ tsuo nɛ a nu.