Kronika I, 16:10 - BAIBLO ALOO NGMAMI KLƆUKLƆU Ɔ

¹⁰ Nyɛɛ wo Yawɛ biɛ klɔuklɔu ɔ hɛ mi nyami. Nyɛ nihi nɛ nyɛ hlaa e se blɔ ɔ, nyɛ nya kɛ nyɛ tsui tsuo!

Kronika I, 16:10 ပူးပေါင်းရင်းမြစ်များ

Abɛ Womi 8:17

Nihi nɛ suɔ mi ɔ, imi hu i suɔ mɛ; nɔ tsuaa nɔ nɛ hlaa ye se blɔ ɔ, e maa na mi.

La 34:2

Ma fĩa kɛ fɔ Yawɛ nɔ; nɔ́ nali maa nu he, nɛ a ma nya.

Yeremia 29:13

Nyɛ ma hla ye se blɔ, nɛ nyɛ maa na mi. Ke nyɛ ngɔ nyɛ tsui tsuo kɛ hla ye se blɔ ɔ,

Yesaya 45:25

Imi Yawɛ nitsɛ ma ha Israel nina tsuo maa ye kunimi, nɛ a maa fĩa kɛ fɔ ye nɔ.

Yesaya 45:19

I tu we munyu ngɛ laami mi; ye yi mi tomi fɔɔ si paa. I de we Israel ma a ke a ya hla mi ngɛ nga pã. Imi ji Yawɛ, anɔkuale pɛ i tuɔ; nɔ́ nɛ da a, lɔ ɔ pɛ i deɔ.”

Kronika I, 28:9

Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.

Kronika I, 16:9

Nyɛ la kɛ je Yawɛ yi; nyɛɛ sɛɛ nyakpɛ níhi nɛ e pee ɔ.

Kronika I, 16:11

Nyɛɛ ya Yawɛ ngɔ nɛ nyɛ ya bi yemi kɛ buami; nyɛ ja lɛ daa.

Kronika I, 22:19

Lɔ ɔ he ɔ, nyɛ sɔmɔ Yawɛ, nyɛ Mawu ɔ kɛ nyɛ tsui tsuo, kɛ nyɛ juɛmi tsuo. Nyɛɛ je Yawɛ we ɔ mami sisi, konɛ nyɛɛ ngɔ Yawɛ somi daka a, kɛ ní klɔuklɔu kpa amɛ tsuo nɛ a kɛ sɔmɔɔ lɛ ɔ kɛ ba ma mi.”

Kronika II, 15:15

Yuda ma a tsuo nya, ejakaa a so somi nɛ ɔ kɛ a tsui tsuo. A bua jɔ Yawɛ jami ɔ he, nɛ Yawɛ hu he mɛ, nɛ e ha mɛ tue mi jɔmi ngɛ he tsuaa he.

La 22:27

Je mahi tsuo ma kai Yawɛ; a maa je he tsuaa he kɛ ba e ngɔ ba ja lɛ.

La 34:3

Nyɛ ha nɛ wɔ tsuo waa wo Yawɛ hɛ mi nyami nɛ wa je e yi.