Kronika I, 15:29 - BAIBLO ALOO NGMAMI KLƆUKLƆU Ɔ

²⁹ Benɛ daka a ba su David ma a mi ɔ, Mikal, Saul biyo ɔ je e hɛ mi kpo ngɛ saflɛ mi, nɛ e na Matsɛ David nɛ ngɛ tuue nɛ e ngɛ doe, nɛ David he pee lɛ tai.

Kronika I, 15:29 ပူးပေါင်းရင်းမြစ်များ

Samuel II, 6:16

Benɛ daka a ba su David ma a mi ɔ, Mikal, Saul biyo ɔ je e hɛ mi kpo ngɛ saflɛ mi nɛ e na Matsɛ David nɛ e ngɛ tuue nɛ e ngɛ doe kɛ ngɛ Yawɛ hɛ mi nyami woe; nɛ David he pee lɛ tai.

Hebribi 9:4

Níhi nɛ ngɛ tsu nɛ ɔ mi ji tsopa kɛ e he via sami la tɛ nɛ a kɛ sika tsu pee ɔ, somi daka a nɛ a kɛ sika tsu ha he ɔ kɛ e mi sika tsu kplu ɔ nɛ mana a ngɛ mi ɔ, Aaron dɛma tso ɔ nɛ tsɛ̃ ba be ko ɔ, kɛ tɛ tɛtlɛɛ enyɔ ɔmɛ nɛ a ngma mlaa amɛ ngɛ a nɔ ɔ.

2 Korintobi 5:13

Anɛ wa ngɛ godo nue niinɛ lo? Lɛɛ Mawu he wa ngɛ godo nue ngɛ mɔ! Se ke wa ngɛ pɛpɛɛpɛ ɔ, lɛɛ e hi ha nyɛ kaa wa ngɛ jã.

1 Korintobi 2:14

Nɔ nɛ be mumi ɔ na we Mawu mumi ɔ nike níhi. Nɔmlɔ kaa kikɛ nɛ ɔ nui mumi ɔ nike níhi a sisi saminya. Enɛ ɔmɛ peeɔ kuasiahi a sane kɛ haa lɛ; ejakaa ni nɛ ɔmɛ ɔ, mumi mi hɛngmɛ a kɛ naa.

Ni Tsumi 2:13

Se ni komɛ hu ye fɛu ke, “Wai he nɛ a nu nɛ a de.”

Yeremia 33:11

bua jɔmi, kɛ lele hwɔmi gbi ekohu. Nyɛ maa nu ayɛflo kɛ e huno a gbi, kɛ la nɛ nihi nɛ ngɔ sina bɔhi kɛ ma Yawɛ we ɔ ngɛ lae ke, ‘Nyɛɛ na Yawɛ Tabohiatsɛ ɔ si, ejakaa Yawɛ hi, nɛ e suɔmi ɔ ngɛ daa!’ Ma ha nɛ kplɔkɔtɔ, kɛ he jɔmi maa ba zugba nɛ ɔ nɔ kaa kekle ko ɔ. Imi, Yawɛ lɛ i de.”

Yeremia 30:19

Ni nɛmɛ nɛ ngɛ lejɛ ɔ ma la yi jemi la, nɛ a ma hwɔ lele. Ma gbaa mɛ; a maa hiɛ babauu, nɛ ma wo a hɛ mi nyami.

Yeremia 3:16

Pee se ke nyɛ ba fɔ babauu, nɛ nyɛ he ba hiɛ ngɛ zugba a nɔ ɔ, nihi pa be ye somi daka a he ní sɛɛe hu. A pa be he susue, nɛ a be kaie hu. E he pa be mɛ hiae hu, nɛ ekpa hu a be pee.

Fiɛlɔ 3:4

Ya fomi be ngɛ, nɛ muɔmi be ngɛ. Kɔmɔ yemi be ngɛ, nɛ domi be ngɛ.

La 150:4

Nyɛɛ fia miɛ, nɛ nyɛɛ do kɛ je e yi; nyɛ je e yi kɛ kpa saku, kɛ bɛ!

La 149:3

Á do nɛ a kɛ je e yi. Á la nɛ a fiɛ do, nɛ a fia saku kɛ je e yi.

La 30:11

O ha nɛ i kpa kɔmɔ yemi nɛ i bɔni domi. O je kpekpe ya bo ɔ ngɛ ye he, nɛ o ha mi bua jɔmi.

Samuel I, 25:44

David yo Mikal lɛɛ e tsɛ Saul ngɔ lɛ ngɔ ha Laish binyumu Palti nɛ je Galim ɔ.

Samuel I, 4:3

Benɛ ta buli ɔmɛ kpale a se kɛ ba ma sito he ɔ, Israel ma nimeli ɔmɛ bi ke, “Mɛni he je nɛ Yawɛ ha Filisti bi ɔmɛ gbe wɔ mwɔnɛ ɔ kikɛ nɛ ɔ? Nyɛ ha wa ya ngɔ Yawɛ somi daka a ngɛ Shilo kɛ ba konɛ Yawɛ ba hi wa ngɔ, nɛ e ba kpɔ wɔ kɛ je wa he nyɛli ɔmɛ a dɛ mi.”

Manyadali 20:27

Jamɛ a be ɔ mi ɔ, Mawu somi daka a ngɛ Betel;

Mose V, 31:26

“Nyɛɛ ngɔ Mawu mlaa womi nɛ ɔ nɛ nyɛ ngɔ to Yawɛ, nyɛ Mawu ɔ somi daka a kasa nya, nɛ e hi lejɛ ɔ, nɛ e ye odase kɛ si ma a.

Mose IV, 10:33

Kɛkɛ nɛ ma a hia kɛ je Yawɛ yo ɔ he, nɛ a nyɛɛ ligbi etɛ. Yawɛ somi daka a nyɛɛ a hɛ mi kɛ hla sito he ha mɛ.

Mose II, 15:20

Kɛkɛ nɛ Aaron nyɛmiyo Miriam, gbalɔyo ɔ ngɔ fao, nɛ yi ɔmɛ tsuo nyɛɛ e se kɛ fao fiami kɛ domi.

Kronika I, 17:1

Jehanɛ lɛɛ David ba je matsɛ we ɔ mi. Ligbi ko ɔ, e tsɔ ya tsɛ gbalɔ Natan kɛ ba, nɛ e de lɛ ke, “Hyɛ kaa imi i ngɛ we nɛ a ma kɛ seda mi, be mi nɛ Yawɛ somi daka a lɛɛ e ngɛ bo tsu mi!”

Yoshua 4:7

nyɛ de mɛ ke, ‘Benɛ a kɛ Yawɛ somi daka a po Yordan pa a, nyu ɔ se po.’ Tɛ nɛ ɔmɛ ma kai Israel ma a daa nɛ nɔ́ nɛ Mawu tsu ha mɛ ngɛ hiɛ ɔ.”

Kronika I, 15:28

Kɛkɛ nɛ Israel ma a tsuo ngɔ somi daka a kɛ ba Yerusalem. Benɛ a ma a tsuo a ngɛ titimati kɛ koli kpae, nɛ a ngɛ ngmlɛ kɛ kpa saku hu fiae kɛ ngmlaa.