Kronika I, 15:28 - BAIBLO ALOO NGMAMI KLƆUKLƆU Ɔ

²⁸ Kɛkɛ nɛ Israel ma a tsuo ngɔ somi daka a kɛ ba Yerusalem. Benɛ a ma a tsuo a ngɛ titimati kɛ koli kpae, nɛ a ngɛ ngmlɛ kɛ kpa saku hu fiae kɛ ngmlaa.

Kronika I, 15:28 ပူးပေါင်းရင်းမြစ်များ

Kronika I, 13:8

Jamɛ a be ɔ mi ɔ, David kɛ Israel ma a tsuo ngɛ lae nɛ a ngɛ doe kɛ a he wami tsuo kɛ ngɛ Mawu hɛ mi nyami woe. A la, nɛ a fiɛ do, nɛ a fia saku slɔɔtohi, kpa sakuhi, ngmlɛhi, kɛ gɔgɔhi; nɛ a kpa titimatihi.

Kronika I, 15:16

David fa Levi bi ɔmɛ a nya dali ɔmɛ ke a ha nɛ a nyɛmimɛ ɔmɛ nɛ a la kɛ bua jɔmi, nɛ a fia saku, kɛ ngmlɛ, gegeege.

La 68:25

Lali nyɛɛ hɛ mi, yihewi fao fiali nyɛɛ a se, nɛ saku fiali gbe nya. A ngɛ dee ke,

Samuel II, 6:15

David kɛ Israel tsuo ngɔ Yawɛ daka a kɛ ba kɛ lele hwɔmi kɛ koli kpami.

Samuel II, 6:5

Jamɛ a be ɔ, David kɛ Israel bi ɔmɛ tsuo ngɛ lae nɛ a ngɛ doe kɛ a he wami tsuo kɛ ngɛ Yawɛ hɛ mi nyami woe. A fiɛ do, nɛ a fia kpa saku slɔɔtohi, kɛ ngmlɛhi, kɛ gɔgɔhi.

Kronika I, 15:27

David, Levi bi ɔmɛ nɛ hɛɛ daka a, lali ɔmɛ, kɛ la jelɔ ɔ nɛ a tsɛɛ lɛ Kenania a tsuo wo kploba tade klɔii saminyawiiwi. David wo efɔd nɛ a kɛ kploba kpɛ.

Kronika I, 15:29

Benɛ daka a ba su David ma a mi ɔ, Mikal, Saul biyo ɔ je e hɛ mi kpo ngɛ saflɛ mi, nɛ e na Matsɛ David nɛ ngɛ tuue nɛ e ngɛ doe, nɛ David he pee lɛ tai.

Nehemia 12:27

Benɛ a maa julaa Yerusalem gbogbo ɔ, a ya kpee Levi bi ɔmɛ kɛ je hehi tsuo nɛ a ngɛ ɔ kɛ ba. A ba piɛ Yerusalem ma mi bi ɔmɛ a he, nɛ a fia gɔgɔ, kɛ saku, nɛ a la sina lahi nɛ a kɛ ye nyami ligbi ɔ.

Kronika I, 25:1

Matsɛ David kɛ asafoatsɛmɛ ɔmɛ ngɔ ní tsumi pɔtɛɛ komɛ ngɔ ha Levi weku nɛ ɔmɛ: Asaf, Heman, kɛ Yedutun. A ní tsumi ji a gba, nɛ a fia saku kɛ ngmlɛ ngɔ to he. Nihi nɛ a hla a, kɛ ní tsumihi pɔtɛɛ nɛ a ngɔ wo a dɛ ɔ ji nɛ ɔmɛ nɛ:

La 47:6

Nyɛ la kɛ je Mawu yi! Nyɛ la kɛ je wa matsɛ ɔ yi! Nyɛ la kɛ je e yi.