Kronika I, 15:26 - BAIBLO ALOO NGMAMI KLƆUKLƆU Ɔ

²⁶ A gbe na ku kpaago, kɛ jijɔ kpaago kɛ sã bɔ, ejakaa Mawu piɛ Levi bi ɔmɛ nɛ hɛɛ somi daka a a he.

Kronika I, 15:26 ပူးပေါင်းရင်းမြစ်များ

Mose IV, 23:29

Balaam de Balak ke, “Moo puɛ bɔ sami la tɛ kpaago ha mi ngɛ hiɛ ɔ, nɛ o ya hla na ku kpaago kɛ agbosu hu kpaago kɛ ba.”

Hiob 42:8

Enɛ ɔ he je ɔ, nyɛɛ ngɔ na ku kpaago, kɛ agbosu kpaago kɛ ya ye tsɔlɔ Hiob ngɔ, nɛ nyɛ ya sã sami bɔ ha nyɛ he ngɛ lejɛ ɔ. Hiob maa fa kue ha nyɛ. Ma bu e kue fami ɔ tue, nɛ i be nyɛ tue gblae bɔ nɛ sa nyɛ kaa nyɛ je kuasia. Ee, nyɛ tu we ye he anɔkuale munyu kaa bɔ nɛ ye tsɔlɔ Hiob pee ɔ.”

Kronika I, 29:14

“I kɛ ye ma a, mɛnɔmɛ ji wɔ nɛ wa ma nyɛ je wa tsui mi faa kɛ ke mo ní kaa kikɛ nɛ ɔ? Ejakaa nɔ́ tsuaa nɔ́ nɛ wa ngɛ ɔ, mo lɛ o ke wɔ. Lɔ ɔ he ɔ, mo nitsɛ o níhi wa ngɔ ba ha mo nɛ ɔ nɛ.

2 Korintobi 3:5

Ní tsumi nɛ ɔ, wa be dee ke wɔ nitsɛmɛ wa ngɛ he wami nɛ wa ma nyɛ tsu. He wami nɛ wa ngɛ ɔ, Mawu lɛ ha wɔ.

2 Korintobi 2:16

Nihi nɛ ngɛ blɔ nɔ kɛ yaa hɛ mi kpatami mi ɔ, Kristo sɛ gbi ɔ ji gbenɔ ha mɛ. Se ni nɛmɛ nɛ ngɛ blɔ nɔ kɛ yaa neneene wami mi ɔ lɛɛ sɛ gbi ɔ ji wami ha mɛ. Ní tsumi kaa kikɛ nɛ ɔ, mɛnɔ ma nyɛ?

Ni Tsumi 26:22

Se Mawu piɛ ye he kɛ ba su mwɔnɛ ligbi nɛ ɔ, nɛ i daa si ngɛ nyɛ hɛ mi kɛ ngɛ odase yee kɛ ngɛ nimli tsuo tsɔɔe, nimli wawi kɛ nimli nguahi tsuo. Nɔ́ nɛ Mose kɛ gbali ɔmɛ de to kaa e maa ba mi ɔ, lɔ ɔ nɔuu nɛ i ngɛ dee.

Ezekiel 45:23

Ligbi kpaago ɔmɛ tsuo nɛ a ngɛ nyami be ɔ yee ɔ, daa ligbi ɔ, e ngɔ na ku kpaago, kɛ agbosu kpaago nɛ kpa ko be a he kɛ ba ha Yawɛ, nɛ e kɛ sã bɔ nɛ a sãã lohwe ɔ tsuo. E ngɔ to akpakpo kake hulɔ kɛ sã yayami pami bɔ daa ligbi.

Samuel II, 6:13

Benɛ ni ɔmɛ nɛ hɛɛ Yawɛ daka a hia nane ekpa a, David ha nɛ a wa, nɛ e gbe na kɛ to nɛ wo zɔ nɛ e kɛ sã bɔ ha Yawɛ.

Samuel I, 7:12

Kɛkɛ nɛ Samuel ngɔ tɛ kɛ ma Mizpa kɛ Shen a kpɛti, nɛ e wo lejɛ ɔ biɛ Ebenezer; nɛ e de ke, “Hiɛmɛ nɛ ɔ Yawɛ ye bua wɔ kɛ ba si.”

Mose IV, 29:32

“Ligbi nɛ ji kpaago ɔ, nyɛɛ ngɔ na ku kpaago, agbosu enyɔ, kɛ jijɔ ku nyɔngma kɛ eywiɛ nɛ a ye jeha kakaaka, nɛ kpa ko kpa ko be a he kɛ ba sã bɔ.