Kronika I, 15:16 - BAIBLO ALOO NGMAMI KLƆUKLƆU Ɔ

¹⁶ David fa Levi bi ɔmɛ a nya dali ɔmɛ ke a ha nɛ a nyɛmimɛ ɔmɛ nɛ a la kɛ bua jɔmi, nɛ a fia saku, kɛ ngmlɛ, gegeege.

Kronika I, 15:16 ပူးပေါင်းရင်းမြစ်များ

Kronika I, 13:8

Jamɛ a be ɔ mi ɔ, David kɛ Israel ma a tsuo ngɛ lae nɛ a ngɛ doe kɛ a he wami tsuo kɛ ngɛ Mawu hɛ mi nyami woe. A la, nɛ a fiɛ do, nɛ a fia saku slɔɔtohi, kpa sakuhi, ngmlɛhi, kɛ gɔgɔhi; nɛ a kpa titimatihi.

Nehemia 12:36

Ni kpahi nɛ je e weku ɔ mi nɛ nyɛɛ e se ji Shemaya, Azarel, Milalai, Gilalai, Maai, Netanel, Yuda, kɛ Hanani. Sakuhi nɛ Matsɛ David, nɛ a pɔɔ lɛ tsɛmi ke Mawu nɔmlɔ ɔ fiaa a, ni nɛ ɔmɛ tsuo hɛɛ jamɛ a saku ɔmɛ ekomɛ. Mlaa tsɔɔlɔ nɛ a tsɛɛ Ezra a, nyɛɛ kuu nɛ to ɔ a hɛ mi.

Kronika I, 23:5

akpe eywiɛ maa bu agbo nya, nɛ akpe eywiɛ hu maa fia saku ɔmɛ nɛ matsɛ ɔ pee ɔ kɛ je Yawɛ yi.

Kronika I, 16:42

Heman kɛ Yedutun a ní tsumi kpa hu ji a hyɛ titimati kpami, kɛ ngmlɛ kɛ saku fiami ɔ nɔ be mi nɛ a ngɛ yi jemi la amɛ lae ɔ. Agbo nya bumi ní tsumi ɔ, a kɛ ha Yedutun weku ɔ.

Tito 1:5

I si mo ngɛ Kreta, konɛ níhi nɛ piɛ ɔ, o to blɔ nɔ pɛpɛɛpɛ, nɛ o wo asafo nya dali ngɛ ma tsuaa ma mi. Mo kai níhi nɛ i de mo ɔ.

2 Timoteo 2:2

Níhi nɛ o nu nɛ i ngɛ fiɛe ngɛ nihi babauu a hɛ mi ɔ, tsɔɔ nihi nɛ yeɔ anɔkuale ɔ lɔ ɔmɛ nɔuu, konɛ mɛ hu a tsɔɔ ni kpahi.

Ni Tsumi 14:23

A ha hwɔ, nɛ a sɔle kɛ hla nikɔtɔmahi, nɛ a tu mɛ ngɔ wo Nyɔmtsɛ ɔ nɛ a he ye ɔ dɛ mi.

Yeremia 33:11

bua jɔmi, kɛ lele hwɔmi gbi ekohu. Nyɛ maa nu ayɛflo kɛ e huno a gbi, kɛ la nɛ nihi nɛ ngɔ sina bɔhi kɛ ma Yawɛ we ɔ ngɛ lae ke, ‘Nyɛɛ na Yawɛ Tabohiatsɛ ɔ si, ejakaa Yawɛ hi, nɛ e suɔmi ɔ ngɛ daa!’ Ma ha nɛ kplɔkɔtɔ, kɛ he jɔmi maa ba zugba nɛ ɔ nɔ kaa kekle ko ɔ. Imi, Yawɛ lɛ i de.”

Yesaya 49:23

Matsɛmɛ ma plɛ pee tsɛmɛ kɛ ha mo, nɛ manyɛmɛ ma plɛ pee nyɛmɛ kɛ ha mo. A ma kpla si ha mo, nɛ a maa wo o hɛ mi nyami. A maa ba a he si ha mo, nɛ a maa bu mo. Kɛkɛ ɔ, o maa le kaa imi ji Yawɛ niinɛ. Nihi nɛ ngɔɔ a hɛ ngɔ fɔɔ ye nɔ ɔ, zo be mɛ gbee.”

La 149:3

Á do nɛ a kɛ je e yi. Á la nɛ a fiɛ do, nɛ a fia saku kɛ je e yi.

La 100:1

Nyɛ je ɔ tsuo, nyɛ hwɔ lele ha Yawɛ!

La 95:1

Nyɛɛ ba nɛ wa la kɛ je Yawɛ yi; nyɛ ha nɛ wa he ose kɛ ha Mawu, nɔ nɛ buu wa he ɔ.

La 87:7

A maa do, nɛ a ma la ke, “Zion lɛ wa gbaami ɔmɛ tsuo jeɔ.”

La 81:1

Nyɛ wo nyɛ gbi nɔ kɛ la ha Mawu, wa he bulɔ ɔ. Nyɛ hwɔ lele kɛ je Yakob Mawu ɔ yi.

Nehemia 12:46

Lali a kuu nɛ laa yi jemi, kɛ sina lahi kɛ haa Mawu ɔ, Matsɛ David, kɛ la polɔ Asaf be ɔ mi tɔɔ nɛ a to nikɔtɔmahi ngɛ a nya.

Nehemia 12:43

A sã bɔhi babauu jamɛ a ligbi ɔ, nɛ ma a nyá saminya; ejakaa Mawu ha nɛ a bua jɔ wawɛɛ nitsɛ. Yi ɔmɛ, kɛ jokuɛwi ɔmɛ hu piɛ he kɛ ye nyami ligbi ɔ; nɛ a nu ngmlaa a he ngɛ se lokoo.

Kronika II, 30:12

Yuda hu, Mawu ngɛ ní tsue ngɛ lejɛ ɔ; Mawu ha nɛ Yuda ma kpekpemi ɔ tsuo a nya sɔ. A to a yi mi kaa a maa bu Yawɛ tue; nɛ nɔ́ nɛ matsɛ ɔ, kɛ ganɔ ɔmɛ fa mɛ ke a pee ɔ, a maa pee.

Kronika I, 15:12

David de Levi bi ɔmɛ ke, “Nyɛ ji Levi weku ɔmɛ a nyatsɛmɛ. Nyɛɛ tsu nyɛ he, nɛ nyɛɛ tsu nyɛ nyɛmimɛ Levi bi kpa amɛ hu a he, konɛ nyɛ ya ngɔ Yawɛ Israel Mawu ɔ somi daka a kɛ ba he nɛ i dla to lɛ ɔ.

Mose II, 15:20

Kɛkɛ nɛ Aaron nyɛmiyo Miriam, gbalɔyo ɔ ngɔ fao, nɛ yi ɔmɛ tsuo nyɛɛ e se kɛ fao fiami kɛ domi.

Kronika II, 7:6

Osɔfo ɔmɛ ya da a blɔ he ɔmɛ, nɛ Levi bi ɔmɛ ya da si nɛ a plɛ a hɛ mi kɛ kpee osɔfo ɔmɛ. A fia sakuhi nɛ Matsɛ David kpɛ ɔ kɛ je Yawɛ yi, nɛ a la ke, “Yawɛ suɔmi ɔ ngɛ daa kɛ daa!” Blɔ nya nɛ David to kɛ ha Levi bi ɔmɛ ji nɛ ɔ nɛ. Benɛ Israel ma a tsuo daa si ɔ, osɔfo ɔmɛ kpa titimatihi.

Nehemia 12:27

Benɛ a maa julaa Yerusalem gbogbo ɔ, a ya kpee Levi bi ɔmɛ kɛ je hehi tsuo nɛ a ngɛ ɔ kɛ ba. A ba piɛ Yerusalem ma mi bi ɔmɛ a he, nɛ a fia gɔgɔ, kɛ saku, nɛ a la sina lahi nɛ a kɛ ye nyami ligbi ɔ.

La 150:5

Nyɛ je e yi kɛ gɔgɔ nɛ nya wa; nyɛ je e yi kɛ gɔgɔ nɛ jijeɔ!

Amos 6:5

Nyɛ suɔ kaa nyɛ maa po lahi kaa bɔ nɛ David pee ɔ, nɛ nyɛɛ fia la amɛ ngɛ kpa sakuhi a nɔ.

Kronika I, 6:16

Levi binyumuhi ji Gershon, Kohat, kɛ Merari.

Kronika I, 16:5

Asaf ji a nyatsɛ, nɛ e he piɛlɔ ji Zakaria. Yeyel, Shemiramot, Yehiel, Metitia, Eliab, Benaya, Obed Edom, kɛ Yeyel maa fia kpa saku. Asaf maa fia ngmlɛ,

Kronika II, 20:19

Levi bi nɛ je Kohat, kɛ Kora we puɔ nya amɛ ɔ te da si, nɛ a he ose kɛ je Yawɛ, Israel Mawu ɔ yi.

La 81:3

Nyɛ kpa titimati wa nyami ligbi ɔmɛ tsuo, be mi nɛ nyɔhiɔ da, kɛ be mi nɛ nyɔhiɔ ɔ wa.