Kronika I, 15:13 - BAIBLO ALOO NGMAMI KLƆUKLƆU Ɔ

¹³ Akɛnɛ kekle ɔ, pi nyɛ nɛ nyɛ hɛɛ daka a he je ɔ, Yawɛ, wa Mawu ɔ gbla wa tue; ejakaa wa hyɛ we daka a nɔ kaa bɔ nɛ e to kaa a pee ɔ.”

Kronika I, 15:13 ပူးပေါင်းရင်းမြစ်များ

Samuel II, 6:3

A ya ngɔ somi daka a ngɛ Abinadab we ɔ mi ngɛ yoku ɔ nɔ, nɛ a kɛ ma tlɔɔke he mi. Abinadab binyumuhi Uza, kɛ Ahio ji ni nɛmɛ nɛ ngɛ tlɔɔke ɔ nɛ Mawu daka a ngɛ mi ɔ blɔ tsɔɔe;

1 Korintobi 14:40

Á pee nɔ́ tsuaa nɔ́ bɔ nɛ sa ngɛ blɔ nya tomi nya.

1 Korintobi 11:2

I ngɛ nyɛ yi jee, ejakaa nyɛ kaiɔ ye ní peepee, kɛ níhi nɛ i tsɔɔ nyɛ ɔ daa. Tsɔɔmihi nɛ i na kɛ je nihi a dɛ, nɛ imi hu i ngɔ kɛ ha nyɛ ɔ, nyɛ pɛtɛ he.

Abɛ Womi 28:13

Nɔ nɛ laa e yayamihi a nɔ ɔ, e yɛ nɔ. Se nɔ nɛ jajeɔ e he yayami, nɛ e kpaa yayami peemi ɔ, a maa na lɛ mɔbɔ.

Kronika I, 15:2

Lɔ ɔ se ɔ, e de ke, “Levi bi ɔmɛ pɛ ji ni nɛmɛ nɛ maa hɛɛ somi daka a nɛ, ejakaa mɛ Yawɛ hla ke a hɛɛ somi daka a, nɛ a sɔmɔ lɛ, Yawɛ ɔ daa.”

Mose V, 31:9

Mose ngma Mawu mlaa a ngɔ wo womi mi, nɛ e ngɔ ha osɔfo ɔmɛ nɛ ji Levi bi ɔmɛ nɛ hyɛɛ somi daka a nɔ ɔ, kɛ Israel ma nimeli ɔmɛ tsuo.

Mose IV, 7:9

Se Kohat bi ɔmɛ lɛɛ Mose ha we mɛ nɔ́ ko; ejakaa ní klɔuklɔu ɔmɛ nɛ a kɛ ha mɛ nɛ a hyɛ nɔ ɔ, a konɔ a kɛ maa fɔ.

Mose IV, 4:15

Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ha ní klɔuklɔu ɔmɛ kɛ a he ní ɔmɛ tsuo a he, loko Kohat bi ɔmɛ nɛ a ba nɛ a ba tloo kɛ ho. Kohat bi ɔmɛ kó ta ní klɔuklɔu ɔmɛ a he, konɛ a ko gbo. Kpe he bo tsu ɔ he níhi nɛ Kohat bi ɔmɛ maa tloo be tsuaa be nɛ ma a maa hia ji nɛ ɔmɛ nɛ.

Kronika I, 13:3

Kɛkɛ ɔ, wa ma ya ngɔ Mawu somi daka a kɛ ba; ejakaa kɛ je be nɛ Saul ba bɔni tsɛ yemi ɔ, wa ya bi we si.”