Kronika I, 15:12 - BAIBLO ALOO NGMAMI KLƆUKLƆU Ɔ

¹² David de Levi bi ɔmɛ ke, “Nyɛ ji Levi weku ɔmɛ a nyatsɛmɛ. Nyɛɛ tsu nyɛ he, nɛ nyɛɛ tsu nyɛ nyɛmimɛ Levi bi kpa amɛ hu a he, konɛ nyɛ ya ngɔ Yawɛ Israel Mawu ɔ somi daka a kɛ ba he nɛ i dla to lɛ ɔ.

Kronika I, 15:12 ပူးပေါင်းရင်းမြစ်များ

Kronika II, 35:6

Nyɛɛ gbe jijɔhi, kɛ to akpakpohi nɛ a kɛ maa ye Hetsɔmi ɔ. Jehanɛ, nyɛɛ pee nyɛ he klɔuklɔu, nɛ nyɛ dla kɛ ha bɔ ɔmɛ a sami. Nyɛɛ pee enɛ ɔ, bɔ nɛ pee nɛ nyɛ nyɛmimɛ Israel bi ɔmɛ nɛ a ye mlaa amɛ nɛ Yawɛ wo kɛ gu Mose nɔ ɔ a nɔ.”

Kronika II, 30:15

Nyɔhiɔ ɔ ligbi nɛ ji nyɔngma kɛ eywiɛ ɔ, a gbe jijɔ ɔmɛ nɛ a kɛ maa sã Hetsɔmi bɔ ɔ. Osɔfohi kɛ Levi bi nɛ a he tsɔ we ɔ, zo gbe mɛ kpɔtɔɔ. Lɔ ɔ he ɔ, a pee a he klɔuklɔu kɛ ha Yawɛ, nɛ a bɔni sami bɔ sami ngɛ Yawɛ we ɔ.

Kronika I, 15:14

Kɛkɛ nɛ osɔfo ɔmɛ, kɛ Levi bi ɔmɛ ya tsu a he, konɛ a ya ngɔ Yawɛ, Israel Mawu ɔ somi daka a kɛ ba.

Yohane 17:17

Ngɔɔ o we anɔkuale munyu ɔ kɛ tsu a he.

Ezekiel 48:11

Á ngɔ he klɔuklɔu nɛ ɔ kɛ ha osɔfo ɔmɛ nɛ je Zadok weku ɔ mi ɔ. Mɛɛ lɛɛ benɛ Levi bi ɔmɛ a weku ɔ mi ni komɛ ya piɛ Israel bi ɔmɛ a he kɛ pee yayami ɔ, a tsu a blɔ nya ní pɛpɛɛpɛ ha mi.

Kronika II, 5:11

Osɔfo ɔmɛ tsuo nɛ ba bua a he nya a tsu a he, tsa pi ngɛ a kuu ɔmɛ a mi kɛkɛ. Levi bi, ni nɛmɛ nɛ ji lali ɔmɛ tsuo bu kploba saminyawiiwi. Mɛ ji Asaf, Heman, kɛ Yedutun, kɛ a bimɛ, kɛ a nyɛmimɛ. Levi bi ɔmɛ ya da si ngɛ bɔ sami la tɛ ɔ beleku je kɛ a dɛ mi ngmlɛhi, bɛhi, kɛ sakuhi. Osɔfohi lafa kɛ nyingmi enyɔ piɛ a he ngɛ lejɛ ɔ, nɛ mɛɛ lɛɛ a ngɛ titimati kpae. Titimati kpali ɔmɛ, ngmlɛ fiali ɔmɛ, kɛ saku fiali ɔmɛ piɛ lali ɔmɛ a he, nɛ mɛ tsuo a nya sɔ kɛ wo la a nɔ. A la kɛ je Yawɛ yi ke, “A je Yawɛ yi, ejakaa e hi, ejakaa e suɔmi ɔ ngɛ kɛ yaa neneene.” Benɛ osɔfo ɔmɛ ngɛ kpo jee ngɛ Yawɛ we ɔ mi ɔ, bɔku ba ha lejɛ ɔ tlukaa. Bɔku nɛ ɔ ngɛ kpɛe kaa Yawɛ hɛ mi nyami; enɛ ɔ he je ɔ, osɔfo ɔmɛ nyɛ we nɛ a kpale kɛ ya lejɛ ɔ nɛ a ya tsu ní.

Kronika I, 24:31

Kaa bɔ nɛ Levi bi ɔmɛ a nyɛmimɛ osɔfo ɔmɛ nɛ ji Aaron nina a pee ɔ, Levi bi ɔmɛ hu fɔ sɔ kɛ dla ní tsumi ɔmɛ ngɔ ha a he. Weku ɔmɛ a nya dali, kɛ a senihi ji ni nɛmɛ nɛ fɔ sɔ ɔ. A fɔ sɔ nɛ ɔ ngɛ Matsɛ David, Zadok, Ahimelek, osɔfo ɔmɛ, kɛ Levi bi ɔmɛ a nikɔtɔma amɛ a hɛ mi.

Kronika I, 15:3

Kɛkɛ nɛ David kpee Israel ma a tsuo kɛ ba Yerusalem, konɛ a ya ngɔ Yawɛ somi daka a kɛ ba ma he nɛ e dla kɛ to lɛ ɔ.

Kronika I, 15:1

David po wehi ngɛ David ma a mi kɛ ha e he. Jehanɛ, e dla he ko kɛ ha Mawu somi daka a, nɛ e ma bo tsu ngɛ lejɛ ɔ kɛ ha lɛ.

Kronika I, 9:34

Nyumuhi nɛ a wo a ta nɛ ɔ ji Levi we puɔ nya dali, kɛ ma nikɔtɔmahi; nɛ a hi Yerusalem.

Nehemia 13:22

Kɛkɛ nɛ i fa Levi bi ɔmɛ ke a tsukɔ a he, nɛ a ya bu agbo ɔmɛ a nya, bɔ nɛ pee nɛ a ye Hejɔɔmi ligbi ɔ klɔuklɔu. Ye Mawu lee, mo kai mi ngɛ enɛ ɔ hu he, nɛ o baa ye yi ngɛ o suɔmi agbo nɛ ngɛ daa a he.

Kronika I, 16:1

A ngɔ Yawɛ daka a ya ma bo tsu ɔ nɛ David pee kɛ ha lɛ ɔ mi, nɛ a sã sami bɔhi, kɛ tue mi jɔmi bɔhi kɛ ha Mawu.

Kronika II, 1:2

Matsɛ Salomo kɛ Israel ma kpekpemi ɔ tsuo tu munyu: asafoatsɛmɛ ɔmɛ nɛ ngɛ nihi akpehi kɛ lafahi a nya a, kojoli, ma nikɔtɔmahi, kɛ we puɔ nya dali ɔmɛ tsuo.

Kronika II, 1:4

(Somi daka a lɛɛ benɛ David ya ngɔ lɛ kɛ je Kiriat Yearim kɛ ba Yerusalem ɔ, e pee bo tsu ha lɛ, nɛ e kɛ lɛ ma mi ngɛ lejɛ ɔ.)

Kronika II, 5:2

Enɛ ɔ se ɔ, Matsɛ Salomo ya kpee Israel ma nimeli ɔmɛ, kɛ wɛtsoyi ɔmɛ tsuo kɛ ba e ngɔ ngɛ Yerusalem, konɛ a ya ngɔ Yawɛ somi daka a kɛ je Zion, David ma a mi kɛ ba Yawɛ we ɔ mi.

Yesaya 52:11

Nyɛ tsuo nyɛ ba be kɛ ho; nyɛɛ je Babilonia! Nyɛ nihi nɛ nyɛ hɛɛ Mawu we ɔ ní klɔuklɔu ɔmɛ, nyɛɛ pee nyɛ he klɔuklɔu; nyɛ ko ta nɔ́ ko nɛ he tsɔ we he.