Kronika I, 14:8 - BAIBLO ALOO NGMAMI KLƆUKLƆU Ɔ

⁸ Benɛ Filisti bi ɔmɛ nu kaa a pɔ David nu nɛ a wo lɛ Israel nɔ matsɛ ɔ, mɛ tsuo pɛpɛɛpɛ a ba nɛ a ba hla nɛ a nu lɛ. David nu he, nɛ e hia konɛ e kɛ mɛ ya kpe.

Kronika I, 14:8 ပူးပေါင်းရင်းမြစ်များ

Samuel I, 21:11

Akish tsɔli ɔmɛ ya de Akish ke, “Anɛ pi David, zugba a nɔ matsɛ ɔ ji nɛ ɔ lo? Anɛ yihi la we nɛ a do, nɛ a de ngɛ e he ke, ‘Saul gbe akpehi, se David gbe akpe nyɔngmahi lo?’ ”

Kronika I, 11:3

Lɔ ɔ he ɔ, Israel ma nimeli ɔmɛ tsuo ba Matsɛ David ngɔ ngɛ Hebron, nɛ e kɛ mɛ so somi ko ngɛ Yawɛ hɛ mi. A pɔ David nu nɛ a wo lɛ matsɛ ngɛ Israel kaa bɔ nɛ Yawɛ wo si kɛ gu Samuel nɔ ɔ.

Samuel II, 5:3

Lɔ ɔ he ɔ, Israel ma nimeli ɔmɛ tsuo ba Matsɛ David ngɔ ngɛ Hebron, nɛ e kɛ mɛ so somi ko ngɛ Yawɛ hɛ mi. A pɔ David nu nɛ a wo lɛ matsɛ ngɛ Israel.

Kronika I, 14:7

Elishama, Beeliada, kɛ Elifelet.

Kronika I, 14:9

Filisti bi ɔmɛ ba su Refaim kɔ̃ ɔ mi, nɛ a bɔni ní hami ngɛ lejɛ ɔ.