Kronika I, 14:17 - BAIBLO ALOO NGMAMI KLƆUKLƆU Ɔ

¹⁷ David biɛ pɛ ngɛ je ɔ mi he tsuaa he, nɛ Yawɛ ha nɛ je ma amɛ tsuo ye lɛ gbeye.

Kronika I, 14:17 ပူးပေါင်းရင်းမြစ်များ

Mose V, 2:25

Kɛ je mwɔnɛ nɛ ɔ kɛ yaa a, ma ha nihi nɛ ngɛ je ɔ mi tsuo maa ye nyɛ gbeye. Ke a wo nyɛ ta a, sawale maa nu nɔ tsuaa nɔ.’

Yoshua 6:27

Yawɛ piɛ Yoshua he, nɛ e he biɛ kpakpa ngɛ zugba a nɔ tsuo.

La 18:44

Nibwɔhi ma ba kpla si ha mi; ke a nu ye he pɛ a maa bu mi tue.

Kronika II, 26:8

Amon bi ɔmɛ tsuɔ tó kɛ haa Uzia. Nɔ́ nɛ ɔ ha nɛ e matsɛ yemi ɔ ba he si, nɛ e biɛ pɛ wawɛɛ nitsɛ kɛ ya su Egipt tɔɔ.

Yoshua 9:24

Ni ɔmɛ he nɔ ke, “Wa kpa mo pɛɛ, wa pee ja niinɛ. Wa na le kaa anɔkuale mi ɔ, Yawɛ, nyɛ Mawu ɔ fa e tsɔlɔ Mose ke e ngɔ zugba a tsuo ngɔ ha nyɛ, nɛ e kpata ni ɔmɛ nɛ ngɛ zugba a nɔ tsuo a hɛ mi ngɛ nyɛ blɔ mi. Wa ye gbeye wawɛɛ kaa nyɛ ma ba gbe wɔ; lɔ ɔ he nɛ wa to ga nɛ ɔ nɛ.

Mose V, 11:25

He tsuaa he nɛ nyɛ maa ya ngɛ jamɛ a zugba a nɔ ɔ, Yawɛ ma ha ni ɔmɛ maa ye nyɛ gbeye kaa bɔ nɛ e wo si ɔ, nɛ nɔ ko nɔ ko be nyɛ nyɛe.

Kronika I, 14:16

David pee kaa bɔ nɛ Mawu fa lɛ ɔ, nɛ e kpata Filisti bi ɔmɛ a hɛ mi kɛ je Gibeon hluu kɛ ya si Gezer tɔɔ.

Kronika I, 17:8

Imi lɛ i kɛ mo nyɛɛ kɛ ya kɛ ba, nɛ imi nɔuu lɛ i kpata o he nyɛli ɔmɛ tsuo a hɛ mi ngɛ o blɔ ɔ nɔ. Ma ha nɛ o ma na biɛ kaa nimli nguanguahi nɛ ngɛ zugba a nɔ ɔ a ti nɔ ko.