Kronika I, 14:16 - BAIBLO ALOO NGMAMI KLƆUKLƆU Ɔ

¹⁶ David pee kaa bɔ nɛ Mawu fa lɛ ɔ, nɛ e kpata Filisti bi ɔmɛ a hɛ mi kɛ je Gibeon hluu kɛ ya si Gezer tɔɔ.

Kronika I, 14:16 ပူးပေါင်းရင်းမြစ်များ

Yohane 15:14

Ke nyɛ pee nɔ́ nɛ i de nyɛ ke nyɛɛ pee ɔ, lɔ ɔ lɛɛ ye huɛmɛ ji nyɛ.

Yohane 13:17

Amlɔ nɛ ɔ nɛ nyɛ na le anɔkuale ɔ, ke nyɛ tsu e nya ní ɔ, a gbaa nyɛ!

Mose I, 6:22

Nɛ Noa pee nɔ́ tsuaa nɔ́ nɛ Mawu fa lɛ ke e pee ɔ.

Yohane 2:5

Jehanɛ ɔ Yesu nyɛ de tsɔli ɔmɛ ke, “Nɔ́ tsuaa nɔ́ nɛ e ma de nyɛ ɔ, nyɛɛ pee.”

Yoshua 16:10

Efraim bi ɔmɛ fie we Kanaan bi ɔmɛ kɛ ji Gezer; lɔ ɔ he ɔ, Kanaan bi ɔmɛ ngɛ Efraim bi ɔmɛ a kpɛti kɛ ba si mwɔnɛ ɔ; se a plɛ pee Efraim bi ɔmɛ a nyɔguɛhi, nɛ a sɔmɔɔ mɛ.

Samuel II, 5:25

David pee kaa bɔ nɛ Yawɛ fa lɛ ɔ; nɛ e kpata Filisti bi ɔmɛ a hɛ mi kɛ je Geba kɛ ya si Gezer tɔɔ.

Kronika I, 14:15

Ke o nu nɔ́ ko nɛ ngɛ pɛe ngɛ tso ɔmɛ a yi mi kaa ta buli nɛ a ngɛ nyɛɛe ɔ, yaa nɛ o ya tua Filisti bi ɔmɛ; ejakaa imi Mawu i nyɛɛ o hɛ mi kɛ yaa nɛ ma ya gbe Filisti ta buli ɔmɛ.”

Kronika I, 14:17

David biɛ pɛ ngɛ je ɔ mi he tsuaa he, nɛ Yawɛ ha nɛ je ma amɛ tsuo ye lɛ gbeye.

Yesaya 28:21

Yawɛ ma je e he wami ɔ kpo kaa bɔ nɛ e pee ngɛ Perazim yo ɔ nɔ, kɛ Gibeon kɔ̃ ɔ mi ɔ, konɛ e kɛ tsu nɔ́ nɛ e to kaa e ma tsu ɔ; níhi nɛ e ma tsu ɔ maa pee nyakpɛ níhi nɛ eko bɛ hyɛ.

Kronika I, 20:4

Enɛ ɔ se ɔ, Israel bi ɔmɛ, kɛ Filisti bi ɔmɛ hwu ta ekohu ngɛ Gezer. Benɛ a ngɛ ta nɛ ɔ hwue ɔ, Israel no ko nɛ a tsɛɛ lɛ Sibekai gbe Filisti oblai ko nɛ a tsɛɛ lɛ Sipai. Nɛ Filisti bi ɔmɛ ha yi.