Kronika I, 14:11 - BAIBLO ALOO NGMAMI KLƆUKLƆU Ɔ

¹¹ Kɛkɛ nɛ David ya tua Filisti bi ɔmɛ ngɛ Baal Perazim, nɛ e ye a nɔ kunimi ngɛ lejɛ ɔ. E de ke, “Mawu ngɔ mi kɛ gba blɔ kɛ gblee he nyɛli ɔmɛ a ta a mi kaa pa nɛ hia lalaala kɛ bee.” Enɛ ɔ he je nɛ a wo lejɛ ɔ biɛ ke Baal Perazim ɔ nɛ.

Kronika I, 14:11 ပူးပေါင်းရင်းမြစ်များ

Yesaya 28:21

Yawɛ ma je e he wami ɔ kpo kaa bɔ nɛ e pee ngɛ Perazim yo ɔ nɔ, kɛ Gibeon kɔ̃ ɔ mi ɔ, konɛ e kɛ tsu nɔ́ nɛ e to kaa e ma tsu ɔ; níhi nɛ e ma tsu ɔ maa pee nyakpɛ níhi nɛ eko bɛ hyɛ.

Mose II, 14:28

Nyu ɔ kpale ba tsa, nɛ Farao ɔ ta zugba lɛ ɔmɛ, e we okpɔngɔ ta buli ɔmɛ, kɛ e tabo ɔ tsuo nɛ nyɛɛ Israel bi ɔmɛ a se kɛ ya sɛ wo ɔ mi ɔ tlɔ mi nɛ a ti nɔ kake po píɛ.

Mateo 7:27

Hiɔmi ba nɛ, nɛ pahi hia, nɛ kɔɔhiɔ fia wawɛɛ kɛ si tsu ɔ. Nɛ e hule kɛ pue si butuu nɛ nɔ́ ko piɛ.”

La 144:10

Mo lɛ o haa matsɛmɛ yeɔ kunimi, nɛ o heɔ o tsɔlɔ David yi wami.

Hiob 30:14

A hiɛ babauu kɛ ba tua mi kaa nɔ́ nɛ puɔ agbo ko mi lɛ a gu kɛ ba.

Samuel II, 5:20

David pue nɔ kɛ ho Baal Perazim ya nɛ e ya ye Filisti bi ɔmɛ a nɔ kunimi ngɛ lejɛ ɔ; nɛ e de ke, “Yawɛ gba blɔ kɛ gblee ye he nyɛli ɔmɛ a ta a mi ngɛ ye hɛ mi kaa pa nɛ hia lalaala kɛ bee.” Enɛ ɔ he je nɛ e wo lejɛ ɔ biɛ ke Baal Perazim ɔ nɛ.

La 144:1

Nyɛ je Yawɛ yi, lɛ ji ye yi baalɔ. E tsɔɔ mi bɔ nɛ a gbaa ta, kɛ bɔ nɛ a miaa kɛ hwuu ta.

La 44:3

Ejakaa pi a klaate nɛ a kɛ ngɔ zugba a; pi a he wami nya nɛ a ye kunimi ɔ, se o he wami, kɛ o mɔbɔ nami nya; ejakaa o ngɛ o ma a he bua jɔmi.

Kronika I, 14:10

David bi Mawu ke, “Ma ya tua Filisti bi ɔmɛ lo? O ma je mɛ kɛ wo ye dɛ mi lo?” Yawɛ he nɔ ke, “Ee, moo ya! Bɔ tsuaa bɔ nɛ pee ɔ, ma je Filisti bi ɔmɛ kɛ wo o dɛ mi.”

Kronika I, 14:12

Filisti bi ɔmɛ tu fo kɛ je a mawu ɔmɛ a he, nɛ David ha nɛ a sã mɛ.