Kronika I, 14:1 - BAIBLO ALOO NGMAMI KLƆUKLƆU Ɔ

¹ Tiro matsɛ, Hiram wo tsɔli blɔ kɛ ba David ngɔ. A kɛ seda tsohi ba. Kapitɛhi, kɛ tɛ gbogbo tsu mali hu piɛ a he; a ba konɛ a ba po we ha David.

Kronika I, 14:1 ပူးပေါင်းရင်းမြစ်များ

Ezra 3:7

Enɛ ɔ he je ɔ, ma a ha sika nɛ a kɛ wo tɛ gbali ɔmɛ, kɛ tso he ní tsuli ɔmɛ hiɔ, nɛ a ha niye ní, dã, kɛ oliv nu, nɛ a kɛ ya he seda tso ngɛ Tiro kɛ Sidon ngɛ Lebanon zugba a nɔ. A kɛ tso ɔmɛ gu wo nɔ kɛ ba Yopa. Persia matsɛ, Sirus lɛ ngmɛ blɔ kaa a pee ní nɛ ɔmɛ tsuo.

Kronika II, 2:3

Salomo tsɔ nɛ a kɛ sɛ gbi ya ha Tiro matsɛ, Hiram ke, “Kaa bɔ nɛ o kɛ tsaatsɛ David hi si, nɛ o ha lɛ seda tsohi nɛ e kɛ po we nɛ e hi mi ɔ, o kɛ mi nɛ hi si ja nɔuu.

Kronika I, 22:2

Matsɛ David fa, nɛ a kpee nibwɔhi tsuo nɛ ngɛ Israel zugba a nɔ ɔ kɛ ba, nɛ e ha mɛ ní tsumi. Ni komɛ kó tɛ nɛ a kɛ maa ma Yawɛ we ɔ.

Kronika I, 17:1

Jehanɛ lɛɛ David ba je matsɛ we ɔ mi. Ligbi ko ɔ, e tsɔ ya tsɛ gbalɔ Natan kɛ ba, nɛ e de lɛ ke, “Hyɛ kaa imi i ngɛ we nɛ a ma kɛ seda mi, be mi nɛ Yawɛ somi daka a lɛɛ e ngɛ bo tsu mi!”

Matsɛmɛ I, 5:18

Matsɛ Salomo tsu mali, Matsɛ Hiram tsu mali, kɛ Gebal bi ji ni nɛmɛ nɛ kó tɛ ɔmɛ, nɛ́ a dla tso ɔmɛ a he kɛ ha Mawu we ɔ mami ɔ nɛ.

Matsɛmɛ I, 5:6

Lɔ ɔ he ɔ, ha nɛ a hɛ seda tsohi ngɛ Lebanon ha mi. Ye tsɔli ɔmɛ ma ba piɛ o tsɔli ɔmɛ a he, nɛ ma wo o tsɔli ɔmɛ hiɔ bɔ tsuaa bɔ nɛ o maa tsɔɔ. Kaa bɔ nɛ mo nitsɛ o le ɔ, nɔ ko nɔ ko be Israel nɛ le tso hɛmi kɛ nyɛ Sidon bi ɔmɛ sɔ.”

Matsɛmɛ I, 5:1

Tiro matsɛ, Hiram kɛ David ɔ, huɛmɛ ji mɛ. Enɛ ɔ he je ɔ, benɛ e nu kaa a pɔ Salomo nu nɛ a wo lɛ matsɛ ngɛ David se ɔ, e tsɔ kɛ ya ha lɛ manye.

Samuel II, 7:2

David de gbalɔ Natan ke, “Hyɛ kaa imi lɛɛ i ngɛ we nɛ a ma kɛ seda mi, be mi nɛ Mawu somi daka a lɛɛ bo tsu mi lɛ e ngɛ!”

Kronika I, 14:2

David yɔse kaa Yawɛ to lɛ si kaa Israel matsɛ, nɛ e ha e matsɛ yemi ɔ ya nɔ ngɛ e ma, Israel ɔ he.

Matsɛmɛ I, 5:15

Jehanɛ hu, Salomo ngɛ tɛ gbali akpe nyingmi kpaanyɔ, kɛ tɛ tlooli akpe nyingmi kpaago ngɛ yoku ɔmɛ a nɔ,

Kronika II, 2:2

E hla nihi akpe nyingmi kpaago nɛ a maa tloo tlomi, kɛ nihi akpe nyingmi kpaanyɔ nɛ a ma gba tɛ. Nihi nɛ maa hyɛ ní tsumi ɔ nɔ ji akpe etɛ kɛ e nya lafa ekpa.