Kronika I, 13:5 - BAIBLO ALOO NGMAMI KLƆUKLƆU Ɔ

⁵ Kɛkɛ nɛ David kpee Israel ma a tsuo, konɛ a ya ngɔ Mawu somi daka a kɛ je Kiriat Yearim kɛ ba. E bua ma a nya kɛ je zugba a tsuo nɔ; kɛ je Egipt huzu ɔ nya ngɛ leneyi je, hluu kɛ ya si Hamat tɔɔ ngɛ omleyi je.

Kronika I, 13:5 ပူးပေါင်းရင်းမြစ်များ

Samuel I, 6:21

A tsɔ nihi kɛ ho Kiriat Yearim bi ɔmɛ a ngɔ ya ya de mɛ ke, “Filisti bi ɔmɛ kpale Yawɛ somi daka a kɛ ba. Lɔ ɔ he ɔ, nyɛɛ ba nɛ nyɛ ba ngɔ kɛ ho.”

Matsɛmɛ I, 8:65

Salomo kɛ Israel ma kpekpemi ɔ tsuo ye Gbasisihimi nyami be ɔ ngɛ Yawɛ we ɔ otsi. Nimli babauu nitsɛ ba nyami be nɛ ɔ; a je tsitsaa Hamat yo kpɛ blɔ ngɛ omleyi je, kɛ ya si Egipt huzu ɔ he ngɛ leneyi je.

Samuel II, 6:1

David bua Israel ta buli kpakpa amɛ tsuo a nya ekohu; a hiɛmi ji akpe nyingmi etɛ.

Kronika I, 15:3

Kɛkɛ nɛ David kpee Israel ma a tsuo kɛ ba Yerusalem, konɛ a ya ngɔ Yawɛ somi daka a kɛ ba ma he nɛ e dla kɛ to lɛ ɔ.

Kronika I, 13:6

David kɛ Israel ma a ho Yuda zugba a nɔ ya konɛ a ya ngɔ Mawu somi daka a ngɛ Baala nɛ e biɛ kpa ji Kiriat Yearim ɔ. Somi daka nɛ ɔ, a kɛ Yawɛ nɛ hii kerub ɔmɛ a kpɛti ɔ biɛ tsɛɔ lɛ.

Matsɛmɛ II, 25:21

Babilonia matsɛ ɔ fia mɛ ní nɛ e gbe ngɛ Ribla, ngɛ Hamat zugba a nɔ. Bɔ nɛ a pee kɛ ngɔ Yuda bi ɔmɛ nyɔguɛ kɛ je a zugba a nɔ ji nɛ ɔ nɛ.

Matsɛmɛ I, 4:21

Nɛ Salomo ye tsɛ ngɛ ma amɛ tsuo a nɔ, kɛ je Yufrate pa a nya kɛ ya si Filisti bi ɔmɛ a zugba a, kɛ ya pue Egipt bi ɔmɛ a huzu ɔ nya tɔɔ. Je ma nɛ ɔmɛ wo tó ha lɛ, nɛ a sɔmɔ lɛ e wami be ɔ tsuo.

Yeremia 2:18

Mɛni o susu kaa o ma na ngɛ Egipt loko o ya lejɛ ɔ? Nɛ́ o ya nu Nilo pa a mi nyu, pi ja lo? Mɛni o susu kaa o ma na ngɛ Asiria loko o ya lejɛ ɔ? Nɛ́ o ya nu Yufrate pa a mi nyu, pi ja lo?

Yoshua 9:17

Enɛ ɔ he je ɔ, Israel bi ɔmɛ hia kɛ je he nɛ a ngɛ ɔ, nɛ ligbi etɛ se ɔ, a ba su ma amɛ a mi he nɛ ni ɔmɛ je kɛ ba na mɛ ɔ. Ma amɛ ji Gibeon, Kefira, Beerot, kɛ Kiriat Yearim.

Samuel I, 7:1

Kiriat Yearim bi ɔmɛ ba nɛ a ba ngɔ Yawɛ somi daka a kɛ ho nyumu ko nɛ a tsɛɛ lɛ Abinadab ɔ we mi ya, ngɛ yoku ko nɔ. A wo e binyumu Eleazar osɔfo, konɛ e hyɛ Yawɛ somi daka a nɔ.

Kronika I, 13:4

Ga nɛ David wo nɛ ɔ sa ma a hɛ mi, nɛ nɔ tsuaa nɔ kplɛɛ kaa a pee ja.

Yesaya 23:3

kɛ poo wo kɛ ya heɔ blɛfo ngɛ Egipt, nɛ nyɛɛ kɛ je ma amɛ tsuo yeɔ jua a ji nɛ ɔ!

Samuel I, 7:2

Yawɛ somi daka a hi Kiriat Yearim be babauu, maa pee jeha nyingmi enyɔ sɔuu. Nɛ Israel tsuo fa kue kɛ bi yemi kɛ buami ngɛ Yawɛ ngɔ.